Psalmorum 138

1 Ipsi David. Confitebor tibi, Domine, in toto corde meo, quoniam audisti verba oris mei. In conspectu angelorum psallam tibi;

David. Confitebor tibi Domine in toto corde meo: quoniam audisti verba oris mei. In conspectu angelorum psallam tibi:

2 adorabo ad templum sanctum tuum, et confitebor nomini tuo: super misericordia tua et veritate tua; quoniam magnificasti super omne, nomen sanctum tuum.

adorabo ad templum sanctum tuum, et confitebor nomini tuo. Super misericordia tua, et veritate tua: quoniam magnificasti super omne, nomen sanctum tuum.

3 In quacumque die invocavero te, exaudi me; multiplicabis in anima mea virtutem.

In quacumque die invocavero te, exaudi me: multiplicabis in anima mea virtutem.

4 Confiteantur tibi, Domine, omnes reges terræ, quia audierunt omnia verba oris tui.

Confiteantur tibi Domine omnes reges terrae: quia audierunt omnia verba oris tui:

5 Et cantent in viis Domini, quoniam magna est gloria Domini;

Et cantent in viis Domini: quoniam magna est gloria Domini.

6 quoniam excelsus Dominus, et humilia respicit, et alta a longe cognoscit.

Quoniam excelsus Dominus, et humilia respicit: et alta a longe cognoscit.

7 Si ambulavero in medio tribulationis, vivificabis me; et super iram inimicorum meorum extendisti manum tuam, et salvum me fecit dextera tua.

Si ambulavero in medio tribulationis, vivificabis me: et super iram inimicorum meorum extendisti manum tuam, et salvum me fecit dextera tua.

8 Dominus retribuet pro me. Domine, misericordia tua in sæculum; opera manuum tuarum ne despicias.

Dominus retribuet pro me: Domine misericordia tua in saeculum: opera manuum tuarum ne despicias.