Psalmorum 116
1 Alleluja. Dilexi, quoniam exaudiet Dominus vocem orationis meæ.
Alleluia. Dilexi, quoniam exaudiet Dominus vocem orationis meæ.
2 Quia inclinavit aurem suam mihi, et in diebus meis invocabo.
Quia inclinavit aurem suam mihi: et in diebus meis invocabo.
3 Circumdederunt me dolores mortis; et pericula inferni invenerunt me. Tribulationem et dolorem inveni, (Sheol h7585)
Circumdederunt me dolores mortis: et pericula inferni invenerunt me. Tribulationem et dolorem inveni: (Sheol h7585)
4 et nomen Domini invocavi: o Domine, libera animam meam.
et nomen Domini invocavi. O Domine libera animam meam:
5 Misericors Dominus et justus, et Deus noster miseretur.
misericors Dominus, et iustus, et Deus noster miseretur.
6 Custodiens parvulos Dominus; humiliatus sum, et liberavit me.
Custodiens parvulos Dominus: humiliatus sum, et liberavit me.
7 Convertere, anima mea, in requiem tuam, quia Dominus benefecit tibi:
Convertere anima mea in requiem tuam: quia Dominus benefecit tibi.
8 quia eripuit animam meam de morte, oculos meos a lacrimis, pedes meos a lapsu.
Quia eripuit animam meam de morte: oculos meos a lacrymis, pedes meos a lapsu.
9 Placebo Domino in regione vivorum.
Placebo Domino in regione vivorum.
10 Alleluja. Credidi, propter quod locutus sum; ego autem humiliatus sum nimis.
Alleluia. Credidi, propter quod locutus sum: ego autem humiliatus sum nimis.
11 Ego dixi in excessu meo: Omnis homo mendax.
Ego dixi in excessu meo: Omnis homo mendax.
12 Quid retribuam Domino pro omnibus quæ retribuit mihi?
Quid retribuam Domino, pro omnibus, quæ retribuit mihi?
13 Calicem salutaris accipiam, et nomen Domini invocabo.
Calicem salutaris accipiam: et nomen Domini invocabo.
14 Vota mea Domino reddam coram omni populo ejus.
Vota mea Domino reddam coram omni populo eius:
15 Pretiosa in conspectu Domini mors sanctorum ejus.
pretiosa in conspectu Domini mors Sanctorum eius:
16 O Domine, quia ego servus tuus; ego servus tuus, et filius ancillæ tuæ. Dirupisti vincula mea:
O Domine quia ego servus tuus: ego servus tuus, et filius ancillæ tuæ. Dirupisti vincula mea:
17 tibi sacrificabo hostiam laudis, et nomen Domini invocabo.
tibi sacrificabo hostiam laudis, et nomen Domini invocabo.
18 Vota mea Domino reddam in conspectu omnis populi ejus;
Vota mea Domino reddam in conspectu omnis populi eius:
19 in atriis domus Domini, in medio tui, Jerusalem.
in atriis domus Domini, in medio tui Ierusalem.
