Proverbiorum 7
1 Fili mi, custodi sermones meos, et præcepta mea reconde tibi. Fili,
fili mi custodi sermones meos et praecepta mea reconde tibi
2 serva mandata mea, et vives; et legem meam quasi pupillam oculi tui:
serva mandata mea et vives et legem meam quasi pupillam oculi tui
3 liga eam in digitis tuis, scribe illam in tabulis cordis tui.
liga eam in digitis tuis scribe illam in tabulis cordis tui
4 Dic sapientiæ: Soror mea es, et prudentiam voca amicam tuam:
dic sapientiae soror mea es et prudentiam voca amicam tuam
5 ut custodiant te a muliere extranea, et ab aliena quæ verba sua dulcia facit.
ut custodiat te a muliere extranea et ab aliena quae verba sua dulcia facit
6 De fenestra enim domus meæ per cancellos prospexi,
de fenestra enim domus meae per cancellos prospexi
7 et video parvulos; considero vecordem juvenem,
et video parvulos considero vecordem iuvenem
8 qui transit per plateam juxta angulum et prope viam domus illius graditur:
qui transit in platea iuxta angulum et propter viam domus illius graditur
9 in obscuro, advesperascente die, in noctis tenebris et caligine.
in obscuro advesperascente die in noctis tenebris et caligine
10 Et ecce occurrit illi mulier ornatu meretricio, præparata ad capiendas animas: garrula et vaga,
et ecce mulier occurrit illi ornatu meretricio praeparata ad capiendas animas garrula et vaga
11 quietis impatiens, nec valens in domo consistere pedibus suis;
quietis inpatiens nec valens in domo consistere pedibus suis
12 nunc foris, nunc in plateis, nunc juxta angulos insidians.
nunc foris nunc in plateis nunc iuxta angulos insidians
13 Apprehensumque deosculatur juvenem, et procaci vultu blanditur, dicens:
adprehensumque deosculatur iuvenem et procaci vultu blanditur dicens
14 Victimas pro salute vovi; hodie reddidi vota mea:
victimas pro salute debui hodie reddidi vota mea
15 idcirco egressa sum in occursum tuum, desiderans te videre, et reperi.
idcirco egressa sum in occursum tuum desiderans te videre et repperi
16 Intexui funibus lectulum meum; stravi tapetibus pictis ex Ægypto:
intexui funibus lectum meum stravi tapetibus pictis ex Aegypto
17 aspersi cubile meum myrrha, et aloë, et cinnamomo.
aspersi cubile meum murra et aloe et cinnamomo
18 Veni, inebriemur uberibus, et fruamur cupitis amplexibus donec illucescat dies.
veni inebriemur uberibus donec inlucescat dies et fruamur cupitis amplexibus
19 Non est enim vir in domo sua: abiit via longissima:
non est enim vir in domo sua abiit via longissima
20 sacculum pecuniæ secum tulit; in die plenæ lunæ reversurus est in domum suam.
sacculum pecuniae secum tulit in die plenae lunae reversurus est domum suam
21 Irretivit eum multis sermonibus, et blanditiis labiorum protraxit illum.
inretivit eum multis sermonibus et blanditiis labiorum protraxit illum
22 Statim eam sequitur quasi bos ductus ad victimam, et quasi agnus lasciviens, et ignorans quod ad vincula stultus trahatur:
statim eam sequitur quasi bos ductus ad victimam et quasi agnus lasciviens et ignorans quod ad vincula stultus trahatur
23 donec transfigat sagitta jecur ejus, velut si avis festinet ad laqueum, et nescit quod de periculo animæ illius agitur.
donec transfigat sagitta iecur eius velut si avis festinet ad laqueum et nescit quia de periculo animae illius agitur
24 Nunc ergo, fili mi, audi me, et attende verbis oris mei.
nunc ergo fili audi me et adtende verba oris mei
25 Ne abstrahatur in viis illius mens tua, neque decipiaris semitis ejus;
ne abstrahatur in viis illius mens tua neque decipiaris semitis eius
26 multos enim vulneratos dejecit, et fortissimi quique interfecti sunt ab ea.
multos enim vulneratos deiecit et fortissimi quique interfecti sunt ab ea
