Job 37
1 Super hoc expavit cor meum, et emotum est de loco suo.
| אף-לזאת יחרד לבי ויתר ממקומו |
2 Audite auditionem in terrore vocis ejus, et sonum de ore illius procedentem.
| שמעו שמוע ברגז קלו והגה מפיו יצא |
3 Subter omnes cælos ipse considerat, et lumen illius super terminos terræ.
| תחת-כל-השמים ישרהו ואורו על-כנפות הארץ |
4 Post eum rugiet sonitus; tonabit voce magnitudinis suæ: et non investigabitur, cum audita fuerit vox ejus.
| אחריו ישאג-קול-- ירעם בקול גאונו ולא יעקבם כי-ישמע קולו |
5 Tonabit Deus in voce sua mirabiliter, qui facit magna et inscrutabilia;
| ירעם אל בקולו נפלאות עשה גדלות ולא נדע |
6 qui præcipit nivi ut descendat in terram, et hiemis pluviis, et imbri fortitudinis suæ;
| כי לשלג יאמר-- הוא-ארץ וגשם מטר וגשם מטרות עזו |
7 qui in manu omnium hominum signat, ut noverint singuli opera sua.
| ביד-כל-אדם יחתום-- לדעת כל-אנשי מעשהו |
8 Ingredietur bestia latibulum, et in antro suo morabitur.
| ותבוא חיה במו-ארב ובמעונתיה תשכן |
9 Ab interioribus egredietur tempestas, et ab Arcturo frigus.
| מן-החדר תבוא סופה וממזרים קרה |
10 Flante Deo, concrescit gelu, et rursum latissimæ funduntur aquæ.
| מנשמת-אל יתן-קרח ורחב מים במוצק |
11 Frumentum desiderat nubes, et nubes spargunt lumen suum.
| אף-ברי יטריח עב יפיץ ענן אורו |
12 Quæ lustrant per circuitum, quocumque eas voluntas gubernantis duxerit, ad omne quod præceperit illis super faciem orbis terrarum:
| והוא מסבות מתהפך בתחבולתו לפעלם כל אשר יצום על-פני תבל ארצה |
13 sive in una tribu, sive in terra sua, sive in quocumque loco misericordiæ suæ eas jusserit inveniri.
| אם-לשבט אם-לארצו-- אם-לחסד ימצאהו |
14 Ausculta hæc, Job: sta, et considera mirabilia Dei.
| האזינה זאת איוב עמד והתבונן נפלאות אל |
15 Numquid scis quando præceperit Deus pluviis, ut ostenderent lucem nubium ejus?
| התדע בשום-אלוה עליהם והפיע אור עננו |
16 Numquid nosti semitas nubium magnas, et perfectas scientias?
| התדע על-מפלשי-עב מפלאות תמים דעים |
17 Nonne vestimenta tua calida sunt, cum perflata fuerit terra austro?
| אשר-בגדיך חמים-- בהשקט ארץ מדרום |
18 Tu forsitan cum eo fabricatus es cælos, qui solidissimi quasi ære fusi sunt.
| תרקיע עמו לשחקים חזקים כראי מוצק |
19 Ostende nobis quid dicamus illi: nos quippe involvimur tenebris.
| הודיענו מה-נאמר לו לא-נערך מפני-חשך |
20 Quis narrabit ei quæ loquor? etiam si locutus fuerit homo, devorabitur.
| היספר-לו כי אדבר אם-אמר איש כי יבלע |
21 At nunc non vident lucem: subito aër cogetur in nubes, et ventus transiens fugabit eas.
| ועתה לא ראו אור-- בהיר הוא בשחקים ורוח עברה ותטהרם |
22 Ab aquilone aurum venit, et ad Deum formidolosa laudatio.
| מצפון זהב יאתה על-אלוה נורא הוד |
23 Digne eum invenire non possumus: magnus fortitudine, et judicio, et justitia: et enarrari non potest.
| שדי לא-מצאנהו שגיא-כח ומשפט ורב-צדקה לא יענה |
24 Ideo timebunt eum viri, et non audebunt contemplari omnes qui sibi videntur esse sapientes.
| לכן יראוהו אנשים לא-יראה כל-חכמי-לב |
