Job 27
1 Addidit quoque Job, assumens parabolam suam, et dixit:
addidit quoque Iob adsumens parabolam suam et dixit
2 Vivit Deus, qui abstulit judicium meum, et Omnipotens, qui ad amaritudinem adduxit animam meam.
vivit Deus qui abstulit iudicium meum et Omnipotens qui ad amaritudinem adduxit animam meam
3 Quia donec superest halitus in me, et spiritus Dei in naribus meis,
quia donec superest halitus in me et spiritus Dei in naribus meis
4 non loquentur labia mea iniquitatem, nec lingua mea meditabitur mendacium.
non loquentur labia mea iniquitatem nec lingua mea meditabitur mendacium
5 Absit a me ut justos vos esse judicem: donec deficiam, non recedam ab innocentia mea.
absit a me ut iustos vos esse iudicem donec deficiam non recedam ab innocentia mea
6 Justificationem meam, quam cœpi tenere, non deseram: neque enim reprehendit me cor meum in omni vita mea.
iustificationem meam quam coepi tenere non deseram nec enim reprehendit me cor meum in omni vita mea
7 Sit ut impius, inimicus meus, et adversarius meus quasi iniquus.
sit ut impius inimicus meus et adversarius meus quasi iniquus
8 Quæ est enim spes hypocritæ, si avare rapiat, et non liberet Deus animam ejus?
quae enim spes est hypocritae si avare rapiat et non liberet Deus animam eius
9 Numquid Deus audiet clamorem ejus, cum venerit super eum angustia?
numquid clamorem eius Deus audiet cum venerit super illum angustia
10 aut poterit in Omnipotente delectari, et invocare Deum omni tempore?
aut poterit in Omnipotente delectari et invocare Deum in omni tempore
11 Docebo vos per manum Dei quæ Omnipotens habeat, nec abscondam.
docebo vos per manum Dei quae Omnipotens habeat nec abscondam
12 Ecce vos omnes nostis: et quid sine causa vana loquimini?
ecce vos omnes nostis et quid sine causa vana loquimini
13 Hæc est pars hominis impii apud Deum, et hæreditas violentorum, quam ob Omnipotente suscipient.
haec est pars hominis impii apud Deum et hereditas violentorum quam ab Omnipotente suscipient
14 Si multiplicati fuerint filii ejus, in gladio erunt, et nepotes ejus non saturabuntur pane:
si multiplicati fuerint filii eius in gladio erunt et nepotes eius non saturabuntur pane
15 qui reliqui fuerint ex eo sepelientur in interitu, et viduæ illius non plorabunt.
qui reliqui fuerint ex eo sepelientur in interitu et viduae illius non plorabunt
16 Si comportaverit quasi terram argentum, et sicut lutum præparaverit vestimenta:
si conportaverit quasi terram argentum et sicut lutum praeparaverit vestimenta
17 præparabit quidem, sed justus vestietur illis, et argentum innocens dividet.
praeparabit quidem sed iustus vestietur illis et argentum innocens dividet
18 Ædificavit sicut tinea domum suam, et sicut custos fecit umbraculum.
aedificavit sicut tinea domum suam et sicut custos fecit umbraculum
19 Dives, cum dormierit, nihil secum auferet: aperiet oculos suos, et nihil inveniet.
dives cum dormierit nihil secum auferet aperit oculos suos et nihil inveniet
20 Apprehendet eum quasi aqua inopia: nocte opprimet eum tempestas.
adprehendit eum quasi aqua inopia nocte opprimet eum tempestas
21 Tollet eum ventus urens, et auferet, et velut turbo rapiet eum de loco suo.
tollet eum ventus urens et auferet et velut turbo rapiet eum de loco suo
22 Et mittet super eum, et non parcet: de manu ejus fugiens fugiet.
et mittet super eum et non parcet de manu eius fugiens fugiet
23 Stringet super eum manus suas, et sibilabit super illum, intuens locum ejus.
stringet super eum manus suas et sibilabit super illum intuens locum eius
