I Paralipomenon 24
1 Porro filiis Aaron hæ partitiones erant. Filii Aaron: Nadab, et Abiu, et Eleazar, et Ithamar.
porro filiis Aaron hae partitiones erunt filii Aaron Nadab et Abiu et Eleazar et Ithamar
2 Mortui sunt autem Nadab et Abiu ante patrem suum absque liberis: sacerdotioque functus est Eleazar, et Ithamar.
mortui sunt autem Nadab et Abiu ante patrem suum absque liberis sacerdotioque functus est Eleazar et Ithamar
3 Et divisit eos David, id est, Sadoc de filiis Eleazari, et Ahimelech de filiis Ithamar, secundum vices suas et ministerium.
et divisit eos David id est Sadoc de filiis Eleazar et Ahimelech de filiis Ithamar secundum vices suas et ministerium
4 Inventique sunt multo plures filii Eleazar in principibus viris, quam filii Ithamar. Divisit autem eis, hoc est, filiis Eleazar, principes per familias sedecim: et filiis Ithamar per familias et domos suas octo.
inventique sunt multo plures filii Eleazar in principibus viris quam filii Ithamar divisit autem eis hoc est filiis Eleazar principes per familias sedecim et filiis Ithamar per familias et domos suas octo
5 Porro divisit utrasque inter se familias sortibus: erant enim principes sanctuarii, et principes Dei, tam de filiis Eleazar quam de filiis Ithamar.
porro divisit utrasque inter se familias sortibus erant enim principes sanctuarii et principes Dei tam de filiis Eleazar quam de filiis Ithamar
6 Descripsitque eos Semeias filius Nathanaël scriba Levites, coram rege et principibus, et Sadoc sacerdote, et Ahimelech filio Abiathar, principibus quoque familiarum sacerdotalium, et Leviticarum: unam domum, quæ ceteris præerat, Eleazar: et alteram domum, quæ sub se habebat ceteros, Ithamar.
descripsitque eos Semeias filius Nathanahel scriba Levites coram rege et principibus et Sadoc sacerdote et Ahimelech filio Abiathar principibus quoque familiarum sacerdotalium et leviticarum unam domum quae ceteris praeerat Eleazar et alteram domum quae sub se habebat ceteros Ithamar
7 Exivit autem sors prima Jojarib, secunda Jedei,
exivit autem sors prima Ioiarib secunda Iedeiae
8 tertia Harim, quarta Seorim,
tertia Arim quarta Seorim
9 quinta Melchia, sexta Maiman,
quinta Melchia sexta Maiman
10 septima Accos, octava Abia,
septima Accos octava Abia
11 nona Jesua, decima Sechenia,
nona Hiesu decima Sechenia
12 undecima Eliasib, duodecima Jacim,
undecima Eliasib duodecima Iacim
13 tertiadecima Hoppha, decimaquarta Isbaab,
tertiadecima Oppa quartadecima Isbaal
14 decimaquinta Belga, decimasexta Emmer,
quintadecima Belga sextadecima Emmer
15 decimaseptima Hezir, decimaoctava Aphses,
septimadecima Ezir octavadecima Hapses
16 decimanona Pheteia, vigesima Hezechiel,
nonadecima Phetheia vicesima Iezecel
17 vigesima prima Jachin, vigesima secunda Gamul,
vicesima prima Iachin vicesima secunda Gamul
18 vigesima tertia Dalaiau, vigesima quarta Maaziau.
vicesima tertia Dalaiau vicesima quarta Mazziau
19 Hæ vices eorum secundum ministeria sua, ut ingrediantur domum Domini, et juxta ritum suum sub manu Aaron patris eorum, sicut præceperat Dominus Deus Israël.
hae vices eorum secundum ministeria sua ut ingrediantur domum Domini et iuxta ritum suum sub manu Aaron patris eorum sicut praecepit Dominus Deus Israhel
20 Porro filiorum Levi qui reliqui fuerant, de filiis Amram erat Subaël, et de filiis Subaël, Jehedeia.
porro filiorum Levi qui reliqui fuerant de filiis Amram erat Subahel et filiis Subahel Iedeia
21 De filiis quoque Rohobiæ, princeps Jesias.
de filiis quoque Roobiae princeps Iesias
22 Isaari vero filius Salemoth, filiusque Salemoth Jahath:
Isaaris vero Salemoth filiusque Salemoth Iaath
23 filiusque ejus Jeriau primus, Amarias secundus, Jahaziel tertius, Jecmaan quartus.
filiusque eius Ieriahu Amarias secundus Iazihel tertius Iecmaam quartus
24 Filius Oziel, Micha: filius Micha, Samir.
filius Ozihel Micha filius Micha Samir
25 Frater Micha, Jesia: filiusque Jesiæ, Zacharias.
frater Micha Iesia filiusque Iesiae Zaccharias
26 Filii Merari: Moholi, et Musi. Filius Oziau: Benno.
filii Merari Mooli et Musi filius Ioziau Benno
27 Filius quoque Merari: Oziau, et Soam, et Zachur, et Hebri.
filius quoque Merari Oziau et Soem et Zacchur et Hebri
28 Porro Moholi filius, Eleazar, qui non habebat liberos.
porro Mooli filius Eleazar qui non habebat liberos
29 Filius vero Cis, Jerameel.
filius vero Cis Ierahemel
30 Filii Musi: Moholi, Eder et Jerimoth: isti filii Levi secundum domos familiarum suarum.
filii Musi Mooli Eder et Ierimoth isti filii Levi secundum domos familiarum suarum
31 Miseruntque et ipsi sortes contra fratres suos filios Aaron coram David rege, et Sadoc, et Ahimelech, et principibus familiarum sacerdotalium et Leviticarum, tam majores quam minores: omnes sors æqualiter dividebat.
miseruntque et ipsi sortes contra fratres suos filios Aaron coram David rege et Sadoc et Ahimelech et principibus familiarum sacerdotalium et leviticarum tam maiores quam minores omnes sors aequaliter dividebat
