Psalmorum 102
1 Oratio pauperis, Cum anxius fuerit, et in conspectu Domini effuderit precem suam. Domine exaudi orationem meam: et clamor meus ad te veniat.
oratio pauperis cum anxius fuerit et coram Domino effuderit precem suam Domine exaudi orationem meam et clamor meus ad te veniat
2 Non avertas faciem tuam a me: in quacumque die tribulor, inclina ad me aurem tuam. In quacumque die invocavero te, velociter exaudi me.
non avertas faciem tuam a me in quacumque die tribulor inclina ad me aurem tuam in quacumque die invocavero te velociter exaudi me
3 Quia defecerunt sicut fumus dies mei: et ossa mea sicut cremium aruerunt.
quia defecerunt sicut fumus dies mei et ossa mea sicut gremium aruerunt
4 Percussus sum ut fœnum, et aruit cor meum: quia oblitus sum comedere panem meum.
percussum est ut faenum et aruit cor meum quia oblitus sum comedere panem meum
5 A voce gemitus mei adhæsit os meum carni meæ.
a voce gemitus mei adhesit os meum carni meae
6 Similis factus sum pellicano solitudinis: factus sum sicut nycticorax in domicilio.
similis factus sum pelicano solitudinis factus sum sicut nycticorax in domicilio
7 Vigilavi, et factus sum sicut passer solitarius in tecto.
vigilavi et factus sum sicut passer solitarius in tecto
8 Tota die exprobrabant mihi inimici mei: et qui laudabant me adversum me iurabant.
tota die exprobrabant mihi inimici mei et qui laudabant me adversus me iurabant
9 Quia cinerem tamquam panem manducabam, et potum meum cum fletu miscebam.
quia cinerem tamquam panem manducavi et poculum meum cum fletu miscebam
10 A facie iræ et indignationis tuæ: quia elevans allisisti me.
a facie irae et indignationis tuae quia elevans adlisisti me
11 Dies mei sicut umbra declinaverunt: et ego sicut fœnum arui.
dies mei sicut umbra declinaverunt et ego sicut faenum arui
12 Tu autem Domine in æternum permanes: et memoriale tuum in generationem et generationem.
tu autem Domine in aeternum permanes et memoriale tuum in generationem et generationem
13 Tu exurgens misereberis Sion: quia tempus miserendi eius, quia venit tempus.
tu exsurgens misereberis Sion quia tempus miserendi eius quia venit tempus
14 Quoniam placuerunt servis tuis lapides eius: et terræ eius miserebuntur.
quoniam placuerunt servis tuis lapides eius et terrae eius miserebuntur
15 Et timebunt Gentes nomen tuum Domine, et omnes reges terræ gloriam tuam.
et timebunt gentes nomen Domini et omnes reges terrae gloriam tuam
16 Quia ædificavit Dominus Sion: et videbitur in gloria sua.
quia aedificabit Dominus Sion et videbitur in gloria sua
17 Respexit in orationem humilium: et non sprevit precem eorum.
respexit in orationem humilium et non sprevit precem eorum
18 Scribantur hæc in generatione altera: et populus, qui creabitur, laudabit Dominum:
scribantur haec in generationem alteram et populus qui creabitur laudabit Dominum
19 Quia prospexit de excelso sancto suo: Dominus de cælo in terram aspexit:
quia prospexit de excelso sancto suo Dominus de caelo in terram aspexit
20 Ut audiret gemitus compeditorum: ut solveret filios interemptorum:
ut audiret gemitum conpeditorum ut solvat filios interemptorum
21 Ut annuncient in Sion nomen Domini: et laudem eius in Ierusalem.
ut adnuntiet in Sion nomen Domini et laudem suam in Hierusalem
22 In conveniendo populos in unum, et reges ut serviant Domino.
in conveniendo populos in unum et reges ut serviant Domino
23 Respondit ei in via virtutis suæ: Paucitatem dierum meorum nuncia mihi.
respondit ei in via virtutis suae paucitatem dierum meorum nuntia mihi
24 Ne revoces me in dimidio dierum meorum: in generationem et generationem anni tui.
ne revoces me in dimidio dierum meorum in generationem et generationem anni tui
25 Initio tu Domine terram fundasti: et opera manuum tuarum sunt cæli.
initio tu Domine terram fundasti et opera manuum tuarum sunt caeli
26 Ipsi peribunt, tu autem permanes: et omnes sicut vestimentum veterascent. Et sicut opertorium mutabis eos, et mutabuntur:
ipsi peribunt tu autem permanes et omnes sicut vestimentum veterescent et sicut opertorium mutabis eos et mutabuntur
27 tu autem idem ipse es, et anni tui non deficient.
tu autem idem ipse es et anni tui non deficient
28 Filii servorum tuorum habitabunt: et semen eorum in sæculum dirigetur.
filii servorum tuorum habitabunt et semen eorum in saeculum dirigetur
