Psalmorum 3
1 Psalmus David, Cum fugeret a facie Absalom filii sui. Domine quid multiplicati sunt qui tribulant me? multi insurgunt adversum me.
psalmus David cum fugeret a facie Abessalon filii sui Domine quid multiplicati sunt qui tribulant me multi insurgunt adversum me
2 Multi dicunt animæ meæ: Non est salus ipsi in Deo eius.
multi dicunt animae meae non est salus ipsi in Deo eius diapsalma
3 Tu autem Domine susceptor meus es, gloria mea, et exaltans caput meum.
tu autem Domine susceptor meus es gloria mea et exaltans caput meum
4 Voce mea ad Dominum clamavi: et exaudivit me de monte sancto suo.
voce mea ad Dominum clamavi et exaudivit me de monte sancto suo diapsalma
5 Ego dormivi, et soporatus sum: et exurrexi, quia Dominus suscepit me.
ego dormivi et soporatus sum exsurrexi quia Dominus suscipiet me
6 Non timebo millia populi circumdantis me: exurge Domine: salvum me fac Deus meus.
non timebo milia populi circumdantis me exsurge Domine salvum me fac Deus meus
7 Quoniam tu percussisti omnes adversantes mihi sine causa: dentes peccatorum contrivisti.
quoniam tu percussisti omnes adversantes mihi sine causa dentes peccatorum contrivisti
8 Domini est salus: et super populum tuum benedictio tua.
Domini est salus et super populum tuum benedictio tua
