Psalmorum 27
1 Psalmus David priusquam liniretur. Dominus illuminatio mea, et salus mea, quem timebo? Dominus protector vitæ meæ, a quo trepidabo?
David priusquam liniretur Dominus inluminatio mea et salus mea quem timebo Dominus protector vitae meae a quo trepidabo
2 Dum appropiant super me nocentes, ut edant carnes meas: Qui tribulant me inimici mei, ipsi infirmati sunt et ceciderunt.
dum adpropiant super me nocentes ut edant carnes meas qui tribulant me et inimici mei ipsi infirmati sunt et ceciderunt
3 Si consistant adversum me castra, non timebit cor meum. Si exurgat adversum me prælium, in hoc ego sperabo.
si consistant adversus me castra non timebit cor meum si exsurgat adversus me proelium in hoc ego sperabo
4 Unam petii a Domino, hanc requiram, ut inhabitem in domo Domini omnibus diebus vitæ meæ: Ut videam voluptatem Domini, et visitem templum eius.
unam petii a Domino hanc requiram ut inhabitem in domo Domini omnes dies vitae meae ut videam voluntatem Domini et visitem templum eius
5 Quoniam abscondit me in tabernaculo suo: in die malorum protexit me in abscondito tabernaculi sui.
quoniam abscondit me in tabernaculo in die malorum protexit me in abscondito tabernaculi sui
6 In petra exaltavit me: et nunc exaltavit caput meum super inimicos meos. Circuivi, et immolavi in tabernaculo eius hostiam vociferationis: cantabo, et psalmum dicam Domino.
in petra exaltavit me et nunc exaltavit caput meum super inimicos meos circuivi et immolavi in tabernaculo eius hostiam vociferationis cantabo et psalmum dicam Domino
7 Exaudi Domine vocem meam, qua clamavi ad te: miserere mei, et exaudi me.
exaudi Domine vocem meam qua clamavi miserere mei et exaudi me
8 Tibi dixit cor meum, exquisivit te facies mea: faciem tuam Domine requiram.
tibi dixit cor meum exquisivit facies mea faciem tuam Domine requiram
9 Ne avertas faciem tuam a me: ne declines in ira a servo tuo. Adiutor meus esto: ne derelinquas me, neque despicias me Deus salutaris meus.
ne avertas faciem tuam a me ne declines in ira a servo tuo adiutor meus esto ne derelinquas me neque dispicias me Deus salvator meus
10 Quoniam pater meus, et mater mea dereliquerunt me: Dominus autem assumpsit me.
quoniam pater meus et mater mea dereliquerunt me Dominus autem adsumpsit me
11 Legem pone mihi Domine in via tua: et dirige me in semitam rectam propter inimicos meos.
legem pone mihi Domine in via tua et dirige me in semita recta propter inimicos meos
12 Ne tradideris me in animas tribulantium me: quoniam insurrexerunt in me testes iniqui, et mentita est iniquitas sibi.
ne tradideris me in animas tribulantium me quoniam insurrexerunt in me testes iniqui et mentita est iniquitas sibi
13 Credo videre bona Domini in terra viventium.
credo videre bona Domini in terra viventium
14 Expecta Dominum, viriliter age: et confortetur cor tuum, et sustine Dominum.
expecta Dominum viriliter age et confortetur cor tuum et sustine Dominum
