Psalmorum 20

1 In finem, Psalmus David. Exaudiat te Dominus in die tribulationis: protegat te nomen Dei Iacob.

To victorie, the salm of Dauid. The Lord here thee in the dai of tribulacioun; the name of God of Jacob defende thee.

2 Mittat tibi auxilium de sancto: et de Sion tueatur te.

Sende he helpe to thee fro the hooli place; and fro Syon defende he thee.

3 Memor sit omnis sacrificii tui: et holocaustum tuum pingue fiat.

Be he myndeful of al thi sacrifice; and thi brent sacrifice be maad fat.

4 Tribuat tibi secundum cor tuum: et omne consilium tuum confirmet.

Yyue he to thee aftir thin herte; and conferme he al thi counsel.

5 Lætabimur in salutari tuo: et in nomine Dei nostri magnificabimur.

We schulen be glad in thin helthe; and we schulen be magnyfied in the name of oure God.

6 Impleat Dominus omnes petitiones tuas: nunc cognovi quoniam salvum fecit Dominus CHRISTUM suum. Exaudiet illum de cælo sancto suo: in potentatibus salus dexteræ eius.

The Lord fille alle thin axyngis; nowe Y haue knowe, that the Lord hath maad saaf his crist. He schal here hym fro his hooly heuene; the helthe of his riyt hond is in poweris.

7 Hi in curribus, et hi in equis: nos autem in nomine Domini Dei nostri invocabimus.

Thes in charis, and these in horsis; but we schulen inwardli clepe in the name of oure Lord God.

8 Ipsi obligati sunt, et ceciderunt: nos autem surreximus et erecti sumus.

Thei ben boundun, and felden doun; but we han rise, and ben reisid.

9 Domine salvum fac regem: et exaudi nos in die, qua invocaverimus te.

Lord, make thou saaf the kyng; and here thou vs in the dai in which we inwardli clepen thee.