Psalmorum 18
1 In finem, puero Domini David, qui locutus est Domino verba cantici huius, in die, qua eripuit eum Dominus de manu omnium inimicorum eius, et de manu Saul, et dixit: Diligam te Domine fortitudo mea:
in finem puero Domini David quae locutus est Domino verba cantici huius in die qua eripuit eum Dominus de manu omnium inimicorum eius et de manu Saul et dixit diligam te Domine fortitudo mea
2 Dominus firmamentum meum, et refugium meum, et liberator meus. Deus meus adiutor meus, et sperabo in eum. Protector meus, et cornu salutis meæ, et susceptor meus.
Dominus firmamentum meum et refugium meum et liberator meus Deus meus adiutor meus et sperabo in eum protector meus et cornu salutis meae et susceptor meus
3 Laudans invocabo Dominum: et ab inimicis meis salvus ero.
laudans invocabo Dominum et ab inimicis meis salvus ero
4 Circumdederunt me dolores mortis: et torrentes iniquitatis conturbaverunt me.
circumdederunt me dolores mortis et torrentes iniquitatis conturbaverunt me
dolores inferni circumdederunt me praeoccupaverunt me laquei mortis (Sheol h7585)
6 In tribulatione mea invocavi Dominum, et ad Deum meum clamavi: et exaudivit de templo sancto suo vocem meam: et clamor meus in conspectu eius, introivit in aures eius.
cum tribularer invocavi Dominum et ad Deum meum clamavi exaudivit de templo sancto suo vocem meam et clamor meus in conspectu eius introibit in aures eius
7 Commota est, et contremuit terra: fundamenta montium conturbata sunt, et commota sunt, quoniam iratus est eis.
et commota est et contremuit terra et fundamenta montium conturbata sunt et commota sunt quoniam iratus est eis
8 Ascendit fumus in ira eius: et ignis a facie eius exarsit: carbones succensi sunt ab eo.
ascendit fumus in ira eius et ignis a facie eius exarsit carbones succensi sunt ab eo
9 Inclinavit cælos, et descendit: et caligo sub pedibus eius.
inclinavit caelos et descendit et caligo sub pedibus eius
10 Et ascendit super cherubim, et volavit: volavit super pennas ventorum.
et ascendit super cherubin et volavit volavit super pinnas ventorum
11 Et posuit tenebras latibulum suum, in circuitu eius tabernaculum eius: tenebrosa aqua in nubibus aeris.
et posuit tenebras latibulum suum in circuitu eius tabernaculum eius tenebrosa aqua in nubibus aeris
12 Præ fulgore in conspectu eius nubes transierunt, grando et carbones ignis.
prae fulgore in conspectu eius nubes eius; transierunt grando et carbones ignis
13 Et intonuit de cælo Dominus, et Altissimus dedit vocem suam: grando et carbones ignis.
et intonuit de caelo Dominus et Altissimus dedit vocem suam grando et carbones ignis;
14 Et misit sagittas suas, et dissipavit eos: fulgura multiplicavit, et conturbavit eos.
et misit sagittas et dissipavit eos et fulgora multiplicavit et conturbavit eos
15 Et apparuerunt fontes aquarum, et revelata sunt fundamenta orbis terrarum: Ab increpatione tua Domine, ab inspiratione Spiritus iræ tuæ.
et apparuerunt fontes aquarum et revelata sunt fundamenta orbis terrarum ab increpatione tua Domine ab inspiratione spiritus irae tuae
16 Misit de summo, et accepit me: et assumpsit me de aquis multis.
misit de summo et accepit me adsumpsit me de aquis multis
17 Eripuit me de inimicis meis fortissimis, et ab his qui oderunt me: quoniam confortati sunt super me.
eripiet me de inimicis meis fortissimis et ab his qui oderunt me quoniam confirmati sunt super me
18 Prævenerunt me in die afflictionis meæ: et factus est Dominus protector meus.
praevenerunt me in die adflictionis meae et factus est Dominus protector meus
19 Et eduxit me in latitudinem: salvum me fecit, quoniam voluit me.
et eduxit me in latitudinem salvum me faciet quoniam voluit me
20 Et retribuet mihi Dominus secundum iustitiam meam, et secundum puritatem manuum mearum retribuet mihi:
et retribuet mihi Dominus secundum iustitiam meam et secundum puritatem manuum mearum retribuet mihi
21 Quia custodivi vias Domini, nec impie gessi a Deo meo.
quia custodivi vias Domini nec impie gessi a Deo meo
22 Quoniam omnia iudicia eius in conspectu meo: et iustitias eius non repuli a me.
quoniam omnia iudicia eius in conspectu meo sunt et iustitias eius non reppuli a me
23 Et ero immaculatus cum eo: et observabo me ab iniquitate mea.
et ero inmaculatus cum eo et observabo ab iniquitate mea
24 Et retribuet mihi Dominus secundum iustitiam meam: et secundum puritatem manuum mearum in conspectu oculorum eius.
et retribuet mihi Dominus secundum iustitiam meam et secundum puritatem manuum mearum in conspectu oculorum eius
25 Cum sancto sanctus eris, et cum viro innocente innocens eris:
cum sancto sanctus eris et cum viro innocente innocens eris
26 et cum electo electus eris: et cum perverso perverteris.
et cum electo electus eris et cum perverso perverteris
27 Quoniam tu populum humilem salvum facies: et oculos superborum humiliabis.
quoniam tu populum humilem salvum facies et oculos superborum humiliabis
28 Quoniam tu illuminas lucernam meam Domine: Deus meus illumina tenebras meas.
quoniam tu inluminas lucernam meam Domine Deus meus inluminas tenebras meas
29 Quoniam in te eripiar a tentatione, et in Deo meo transgrediar murum.
quoniam in te eripiar a temptatione et in Deo meo transgrediar murum
30 Deus meus impolluta via eius: eloquia Domini igne examinata: protector est omnium sperantium in se.
Deus meus inpolluta via eius eloquia Domini igne examinata protector est omnium sperantium in eum
31 Quoniam quis Deus præter Dominum? aut quis Deus præter Deum nostrum?
quoniam quis deus praeter Dominum et quis deus praeter Deum nostrum
32 Deus qui præcinxit me virtute: et posuit immaculatam viam meam.
Deus qui praecingit me virtute et posuit inmaculatam viam meam
33 Qui perfecit pedes meos tamquam cervorum, et super excelsa statuens me.
qui perfecit pedes meos tamquam cervorum et super excelsa statuens me
34 Qui docet manus meas ad prælium: et posuisti, ut arcum æreum, brachia mea.
qui doces manus meas in proelium et posuisti arcum aereum brachia mea
35 Et dedisti mihi protectionem salutis tuæ: et dextera tua suscepit me: Et disciplina tua correxit me in finem: et disciplina tua ipsa me docebit.
et dedisti mihi protectionem salutis tuae et dextera tua suscepit me et disciplina tua correxit me in finem et disciplina tua ipsa me docebit
36 Dilatasti gressus meos subtus me: et non sunt infirmata vestigia mea:
dilatasti gressus meos subtus me et non sunt infirmata vestigia mea
37 Persequar inimicos meos, et comprehendam illos: et non convertar donec deficiant.
persequar inimicos meos et conprehendam illos et non convertar donec deficiant
38 Confringam illos, nec poterunt stare: cadent subtus pedes meos.
confringam illos nec poterunt stare cadent subtus pedes meos
39 Et præcinxisti me virtute ad bellum: et supplantasti insurgentes in me subtus me.
et praecinxisti me virtute ad bellum subplantasti insurgentes in me subtus me
40 Et inimicos meos dedisti mihi dorsum, et odientes me disperdidisti.
et inimicos meos dedisti mihi dorsum et odientes me disperdisti
41 Clamaverunt, nec erat qui salvos faceret, ad Dominum: nec exaudivit eos.
clamaverunt nec erat qui salvos faceret ad Dominum nec exaudivit eos
42 Et comminuam eos, ut pulverem ante faciem venti: ut lutum platearum delebo eos.
et comminuam illos ut pulverem ante faciem venti ut lutum platearum delebo eos
43 Eripies me de contradictionibus populi: constitues me in caput Gentium.
eripe me de contradictionibus populi constitues me in caput gentium
44 Populus, quem non cognovi, servivit mihi: in auditu auris obedivit mihi.
populus quem non cognovi servivit mihi in auditu auris oboedivit mihi
45 Filii alieni mentiti sunt mihi, filii alieni inveterati sunt, et claudicaverunt a semitis suis.
filii alieni mentiti sunt mihi filii alieni inveterati sunt et claudicaverunt a semitis suis
46 Vivit Dominus, et benedictus Deus meus, et exaltetur Deus salutis meæ.
vivit Dominus et benedictus Deus meus et exaltetur Deus salutis meae
47 Deus qui das vindictas mihi, et subdis populos sub me, liberator meus de inimicis meis iracundis.
Deus qui dat vindictas mihi et subdidit populos sub me liberator meus de gentibus iracundis
48 Et ab insurgentibus in me exaltabis me: a viro iniquo eripies me.
et ab insurgentibus in me exaltabis me a viro iniquo eripies me
49 Propterea confitebor tibi in nationibus Domine: et nomini tuo psalmum dicam,
propterea confitebor tibi in nationibus Domine et psalmum dicam nomini tuo
50 magnificans salutes regis eius, et faciens misericordiam christo suo David, et semini eius usque in sæculum.
magnificans salutes regis eius et faciens misericordiam christo suo David et semini eius usque in saeculum
