Psalmorum 98

1 Psalmus ipsi David. [Cantate Domino canticum novum, quia mirabilia fecit. Salvavit sibi dextera ejus, et brachium sanctum ejus.

Psalmus ipsi David. Cantate Domino canticum novum: quia mirabilia fecit. Salvavit sibi dextera eius: et brachium sanctum eius.

2 Notum fecit Dominus salutare suum; in conspectu gentium revelavit justitiam suam.

Notum fecit Dominus salutare suum: in conspectu gentium revelavit iustitiam suam.

3 Recordatus est misericordiæ suæ, et veritatis suæ domui Israël. Viderunt omnes termini terræ salutare Dei nostri.

Recordatus est misericordiæ suæ, et veritatis suæ domui Israel. Viderunt omnes termini terræ salutare Dei nostri.

4 Jubilate Deo, omnis terra; cantate, et exsultate, et psallite.

Iubilate Deo omnis terra: cantate, et exultate, et psallite.

5 Psallite Domino in cithara; in cithara et voce psalmi;

Psallite Domino in cithara, in cithara et voce psalmi:

6 in tubis ductilibus, et voce tubæ corneæ. Jubilate in conspectu regis Domini:

in tubis ductilibus, et voce tubæ corneæ. Iubilate in conspectu regis Domini:

7 moveatur mare, et plenitudo ejus; orbis terrarum, et qui habitant in eo.

moveatur mare, et plenitudo eius: orbis terrarum, et qui habitant in eo.

8 Flumina plaudent manu; simul montes exsultabunt

Flumina plaudent manu, simul montes exultabunt

9 a conspectu Domini: quoniam venit judicare terram. Judicabit orbem terrarum in justitia, et populos in æquitate.]

a conspectu Domini: quoniam venit iudicare terram. Iudicabit orbem terrarum in iustitia, et populos in æquitate.