Psalmorum 97

1 Huic David, quando terra ejus restituta est. [Dominus regnavit: exsultet terra; lætentur insulæ multæ.

Psalmus David, Quando terra eius restituta est ei. Dominus regnavit, exultet terra: laetentur insulae multae.

2 Nubes et caligo in circuitu ejus; justitia et judicium correctio sedis ejus.

Nubes, et caligo in circuitu eius: iustitia, et iudicium correctio sedis eius.

3 Ignis ante ipsum præcedet, et inflammabit in circuitu inimicos ejus.

Ignis ante ipsum praecedet, et inflammabit in circuitu inimicos eius.

4 Illuxerunt fulgura ejus orbi terræ; vidit, et commota est terra.

Alluxerunt fulgura eius orbi terrae: vidit, et commota est terra.

5 Montes sicut cera fluxerunt a facie Domini; a facie Domini omnis terra.

Montes, sicut cera fluxerunt a facie Domini: a facie Domini omnis terra.

6 Annuntiaverunt cæli justitiam ejus, et viderunt omnes populi gloriam ejus.

Annunciaverunt caeli iustitiam eius: et viderunt omnes populi gloriam eius.

7 Confundantur omnes qui adorant sculptilia, et qui gloriantur in simulacris suis. Adorate eum omnes angeli ejus.

Confundantur omnes, qui adorant sculptilia: et qui gloriantur in simulacris suis. Adorate eum omnes angeli eius:

8 Audivit, et lætata est Sion, et exsultaverunt filiæ Judæ propter judicia tua, Domine.

audivit, et laetata est Sion. Et exultaverunt filiae Iuda, propter iudicia tua Domine:

9 Quoniam tu Dominus altissimus super omnem terram; nimis exaltatus es super omnes deos.

Quoniam tu Dominus altissimus super omnem terram: nimis exaltatus es super omnes deos.

10 Qui diligitis Dominum, odite malum: custodit Dominus animas sanctorum suorum; de manu peccatoris liberabit eos.

Qui diligitis Dominum, odite malum: custodit Dominus animas sanctorum suorum, de manu peccatoris liberabit eos.

11 Lux orta est justo, et rectis corde lætitia.

Lux orta est iusto, et rectis corde laetitia.

12 Lætamini, justi, in Domino, et confitemini memoriæ sanctificationis ejus.]

Laetamini iusti in Domino: et confitemini memoriae sanctificationis eius.