Psalmorum 67

1 In finem, in hymnis. Psalmus cantici David. [Deus misereatur nostri, et benedicat nobis; illuminet vultum suum super nos, et misereatur nostri:

Psalmus Cantici David, in finem, In hymnis. Deus misereatur nostri, et benedicat nobis: illuminet vultum suum super nos, et misereatur nostri.

2 ut cognoscamus in terra viam tuam, in omnibus gentibus salutare tuum.

Ut cognoscamus in terra viam tuam: in omnibus gentibus salutare tuum.

3 Confiteantur tibi populi, Deus: confiteantur tibi populi omnes.

Confiteantur tibi populi Deus: confiteantur tibi populi omnes.

4 Lætentur et exsultent gentes, quoniam judicas populos in æquitate, et gentes in terra dirigis.

Laetentur et exultent gentes: quoniam iudicas populos in aequitate, et gentes in terra dirigis.

5 Confiteantur tibi populi, Deus: confiteantur tibi populi omnes.

Confiteantur tibi populi Deus: confiteantur tibi populi omnes.

6 Terra dedit fructum suum: benedicat nos Deus, Deus noster!

terra dedit fructum suum. Benedicat nos Deus, Deus noster,

7 Benedicat nos Deus, et metuant eum omnes fines terræ.]

benedicat nos Deus: et metuant eum omnes fines terrae.