Psalmorum 61

1 In finem. In hymnis David. [Exaudi, Deus, deprecationem meam; intende orationi meæ.

In finem, In hymnis David. Exaudi Deus deprecationem meam: intende orationi meæ.

2 A finibus terræ ad te clamavi, dum anxiaretur cor meum; in petra exaltasti me. Deduxisti me,

A finibus terræ ad te clamavi: dum anxiaretur cor meum, in petra exaltasti me. Deduxisti me,

3 quia factus es spes mea: turris fortitudinis a facie inimici.

quia factus es spes mea: turris fortitudinis a facie inimici.

4 Inhabitabo in tabernaculo tuo in sæcula; protegar in velamento alarum tuarum.

Inhabitabo in tabernaculo tuo in sæcula: protegar in velamento alarum tuarum.

5 Quoniam tu, Deus meus, exaudisti orationem meam; dedisti hæreditatem timentibus nomen tuum.

Quoniam tu Deus meus exaudisti orationem meam: dedisti hereditatem timentibus nomen tuum.

6 Dies super dies regis adjicies; annos ejus usque in diem generationis et generationis.

Dies super dies regis adiicies: annos eius usque in diem generationis et generationis.

7 Permanet in æternum in conspectu Dei: misericordiam et veritatem ejus quis requiret?

Permanet in æternum in conspectu Dei: misericordiam et veritatem eius quis requiret?

8 Sic psalmum dicam nomini tuo in sæculum sæculi, ut reddam vota mea de die in diem.]

Sic psalmum dicam nomini tuo in sæculum sæculi: ut reddam vota mea de die in diem.