Psalmorum 32
1 Ipsi David intellectus. [Beati quorum remissæ sunt iniquitates, et quorum tecta sunt peccata.
huic David intellectus beati quorum remissae sunt iniquitates et quorum tecta sunt peccata
2 Beatus vir cui non imputavit Dominus peccatum, nec est in spiritu ejus dolus.
beatus vir cui non inputabit Dominus peccatum nec est in spiritu eius dolus
3 Quoniam tacui, inveteraverunt ossa mea, dum clamarem tota die.
quoniam tacui inveteraverunt ossa mea dum clamarem tota die
4 Quoniam die ac nocte gravata est super me manus tua, conversus sum in ærumna mea, dum configitur spina.
quoniam die ac nocte gravata est super me manus tua conversus sum in aerumna mea; dum configitur mihi spina diapsalma
5 Delictum meum cognitum tibi feci, et injustitiam meam non abscondi. Dixi: Confitebor adversum me injustitiam meam Domino; et tu remisisti impietatem peccati mei.
delictum meum cognitum tibi; feci et iniustitiam meam non abscondi dixi confitebor adversus me iniustitiam meam Domino et tu remisisti impietatem peccati mei diapsalma
6 Pro hac orabit ad te omnis sanctus in tempore opportuno. Verumtamen in diluvio aquarum multarum, ad eum non approximabunt.
pro hac orabit ad te omnis sanctus in tempore oportuno verumtamen in diluvio aquarum multarum ad eum non adproximabunt
7 Tu es refugium meum a tribulatione quæ circumdedit me; exsultatio mea, erue me a circumdantibus me.
tu es refugium meum a tribulatione quae circumdedit me exultatio mea erue me a circumdantibus me diapsalma
8 Intellectum tibi dabo, et instruam te in via hac qua gradieris; firmabo super te oculos meos.
intellectum tibi dabo et instruam te in via hac qua gradieris firmabo super te oculos meos
9 Nolite fieri sicut equus et mulus, quibus non est intellectus. In camo et freno maxillas eorum constringe, qui non approximant ad te.
nolite fieri sicut equus et mulus quibus non est intellectus in camo et freno maxillas eorum constringe qui non adproximant ad te
10 Multa flagella peccatoris; sperantem autem in Domino misericordia circumdabit.
multa flagella peccatoris sperantem autem in Domino misericordia circumdabit
11 Lætamini in Domino, et exsultate, justi; et gloriamini, omnes recti corde.]
laetamini in Domino et exultate iusti et gloriamini omnes recti corde
