Psalmorum 114

1 Alleluja. [In exitu Israël de Ægypto, domus Jacob de populo barbaro,

Alleluia. In exitu Israel de Ægypto, domus Iacob de populo barbaro:

2 facta est Judæa sanctificatio ejus; Israël potestas ejus.

Facta est Iudæa sanctificatio eius, Israel potestas eius.

3 Mare vidit, et fugit; Jordanis conversus est retrorsum.

Mare vidit, et fugit: Iordanis conversus est retrorsum.

4 Montes exsultaverunt ut arietes, et colles sicut agni ovium.

Montes exultaverunt ut arietes: et colles sicut agni ovium.

5 Quid est tibi, mare, quod fugisti? et tu, Jordanis, quia conversus es retrorsum?

Quid est tibi mare quod fugisti: et tu Iordanis, quia conversus es retrorsum?

6 montes, exsultastis sicut arietes? et colles, sicut agni ovium?

Montes exultastis sicut arietes, et colles sicut agni ovium?

7 A facie Domini mota est terra, a facie Dei Jacob:

A facie Domini mota est terra, a facie Dei Iacob.

8 qui convertit petram in stagna aquarum, et rupem in fontes aquarum.

Qui convertit petram in stagna aquarum, et rupem in fontes aquarum.