Psalmorum 114

1 Alleluja. [In exitu Israël de Ægypto, domus Jacob de populo barbaro,

בְּצֵאת יִשְׂרָאֵל מִמִּצְרָיִם בֵּית יַעֲקֹב מֵעַם לֹעֵֽז׃

2 facta est Judæa sanctificatio ejus; Israël potestas ejus.

הָיְתָה יְהוּדָה לְקׇדְשׁוֹ יִשְׂרָאֵל מַמְשְׁלוֹתָֽיו׃

3 Mare vidit, et fugit; Jordanis conversus est retrorsum.

הַיָּם רָאָה וַיָּנֹס הַיַּרְדֵּן יִסֹּב לְאָחֽוֹר׃

4 Montes exsultaverunt ut arietes, et colles sicut agni ovium.

הֶהָרִים רָקְדוּ כְאֵילִים גְּבָעוֹת כִּבְנֵי־צֹֽאן׃

5 Quid est tibi, mare, quod fugisti? et tu, Jordanis, quia conversus es retrorsum?

מַה־לְּךָ הַיָּם כִּי תָנוּס הַיַּרְדֵּן תִּסֹּב לְאָחֽוֹר׃

6 montes, exsultastis sicut arietes? et colles, sicut agni ovium?

הֶהָרִים תִּרְקְדוּ כְאֵילִים גְּבָעוֹת כִּבְנֵי־צֹֽאן׃

7 A facie Domini mota est terra, a facie Dei Jacob:

מִלִּפְנֵי אָדוֹן חוּלִי אָרֶץ מִלִּפְנֵי אֱלוֹהַּ יַעֲקֹֽב׃

8 qui convertit petram in stagna aquarum, et rupem in fontes aquarum.

הַהֹפְכִי הַצּוּר אֲגַם־מָיִם חַלָּמִישׁ לְמַעְיְנוֹ־מָֽיִם׃