Psalmorum 111

1 Alleluja. [Confitebor tibi, Domine, in toto corde meo, in consilio justorum, et congregatione.

Alleluia. Confitebor tibi Domine in toto corde meo: in consilio iustorum, et congregatione.

2 Magna opera Domini: exquisita in omnes voluntates ejus.

Magna opera Domini: exquisita in omnes voluntates eius.

3 Confessio et magnificentia opus ejus, et justitia ejus manet in sæculum sæculi.

Confessio et magnificentia opus eius: et iustitia eius manet in saeculum saeculi.

4 Memoriam fecit mirabilium suorum, misericors et miserator Dominus.

Memoriam fecit mirabilium suorum, misericors et miserator Dominus:

5 Escam dedit timentibus se; memor erit in sæculum testamenti sui.

escam dedit timentibus se. Memor erit in saeculum testamenti sui:

6 Virtutem operum suorum annuntiabit populo suo,

virtutem operum suorum annunciabit populo suo:

7 ut det illis hæreditatem gentium. Opera manuum ejus veritas et judicium.

Ut det illis hereditatem gentium: opera manuum eius veritas, et iudicium.

8 Fidelia omnia mandata ejus, confirmata in sæculum sæculi, facta in veritate et æquitate.

Fidelia omnia mandata eius: confirmata in saeculum saeculi, facta in veritate et aequitate.

9 Redemptionem misit populo suo; mandavit in æternum testamentum suum. Sanctum et terribile nomen ejus.

Redemptionem misit populo suo: mandavit in aeternum testamentum suum. Sanctum, et terribile nomen eius:

10 Initium sapientiæ timor Domini; intellectus bonus omnibus facientibus eum: laudatio ejus manet in sæculum sæculi.]

initium sapientiae timor Domini. Intellectus bonus omnibus facientibus eum: laudatio eius manet in saeculum saeculi.