ئەیوب 31

1 «پەیمانم لەگەڵ چاوەکانم بەست، ئیتر چۆن تەماشای پاکیزەیەک بکەم؟

ברית כרתי לעיני ומה אתבונן על-בתולה

2 بەشی ئێمە لە خودا لە سەرەوە چییە، چ میراتێکمان هەیە لە توانادارەکەی ئاسمان؟

ומה חלק אלוה ממעל ונחלת שדי ממרמים

3 ئایا کارەسات بۆ بەدکار و بەڵا بۆ خراپەکار نییە؟

הלא-איד לעול ונכר לפעלי און

4 ئایا ئەو تەماشای ڕێگای من ناکات و هەموو هەنگاوەکانم ناژمێرێت؟

הלא-הוא יראה דרכי וכל-צעדי יספור

5 «ئەگەر لەگەڵ درۆ ملی ڕێم گرتبێتەبەر یان پێیەکانم پەلەیان کردبێت بەرەو فێڵ،

אם-הלכתי עם-שוא ותחש על-מרמה רגלי

6 با خودا لە تەرازووی ڕاستودروستیدا بمکێشێت و بزانێت کە کەموکوڕیم نییە.

ישקלני במאזני-צדק וידע אלוה תמתי

7 ئەگەر هەنگاوەکانم لە ڕێچکە لایانداوە، ئەگەر دڵم بەدوای چاوم کەوتووە، یان ئەگەر کردەوەکانم دەستەکانی منیان گڵاو کردووە،

אם תטה אשרי מני הדרך ואחר עיני הלך לבי ובכפי דבק מאום

8 ئەوا ئەوەی من چاندم با کەسانی دیکە بیخۆن، با لقەکانم ڕیشەکێش بکرێن.

אזרעה ואחר יאכל וצאצאי ישרשו

9 «ئەگەر دڵم بەلای ژنێکدا فریوی خواردووە، یان لە بەردەرگای دراوسێکەم بۆسەم داناوە،

אם-נפתה לבי על-אשה ועל-פתח רעי ארבתי

10 با ژنەکەم دانەوێڵەی پیاوێکی دیکە بهاڕێت و با خەڵکانی دیکە بەسەریدا بچەمێنەوە.

תטחן לאחר אשתי ועליה יכרעון אחרין

11 لەبەر ئەوەی ئەمە بێ ناموسییە، تاوانە و پێویستە دادگایی بکرێت.

כי-הוא (היא) זמה והיא (והוא) עון פלילים

12 ئاگرێکە هەتا لەناوچوون دەخوات و هەموو دروێنەکەم ڕیشەکێش دەکات.

כי אש היא עד-אבדון תאכל ובכל-תבואתי תשרש

13 «ئەگەر مافی خزمەتکار و کارەکەرەکەم ڕەت کردووەتەوە کاتێک لە دژی من سکاڵایان کردووە،

אם-אמאס--משפט עבדי ואמתי ברבם עמדי

14 ئەو کاتە چی بکەم لە کاتی ڕووبەڕووبوونەوەم لەگەڵ خودا؟ ئەگەر لێکۆڵینەوەم لەگەڵ بکرێت بە چی وەڵامی بدەمەوە؟

ומה אעשה כי-יקום אל וכי-יפקד מה אשיבנו

15 ئایا دروستکەری من لە سکدا دروستکەری ئەوانیش نییە؟ ئایا شێوەکێشمان لە سکی دایک یەک نییە؟

הלא-בבטן עשני עשהו ויכננו ברחם אחד

16 «ئەگەر هەژارانم لە مرازی خۆیان قەدەغە کردبێت یان چاوی بێوەژنم فەوتاندبێت،

אם-אמנע מחפץ דלים ועיני אלמנה אכלה

17 یان پارووەکەی خۆم بە تەنها خواردبێت، کە هەتیو لێی نەخواردبێت،

ואכל פתי לבדי ולא-אכל יתום ממנה

18 بەڵام لە گەنجیمەوە وەک باوک بە هەتیوی بەخێوم کردووە و لە سکی دایکمەوە ڕێنمایی بێوەژنم کردووە.

כי מנעורי גדלני כאב ומבטן אמי אנחנה

19 ئەگەر فەوتاوێکم بینیبێت لەبەر نەبوونی جل یان نەدارێکی بێ بەرگ،

אם-אראה אובד מבלי לבוש ואין כסות לאביון

20 کە بە کەوڵی مەڕەکەم خۆیان گەرم نەکردووەتەوە ئیتر لە دڵیانەوە داوای بەرەکەتیان بۆ نەکردووم،

אם-לא ברכוני חלצו ומגז כבשי יתחמם

21 ئەگەر پەیوەندیم لەگەڵ کاربەدەستانم بەکارهێناوە بۆ ئەوەی دەستدرێژی بکەمە سەر هەتیو،

אם-הניפותי על-יתום ידי כי-אראה בשער עזרתי

22 با شانم لە ئەستۆم بەربێتەوە و با قۆڵم لە جومگەکەیەوە بشکێت.

כתפי משכמה תפול ואזרעי מקנה תשבר

23 لەبەر ئەوەی کارەسات لە خوداوە بەلامەوە تۆقێنەرە و لە ترسی شکۆیەکەی نەمتوانی شتی وا بکەم.

כי פחד אלי איד אל ומשאתו לא אוכל

24 «ئەگەر پشتم بە زێڕی خۆم بەستووە و ئەگەر بە زێڕی بێگەردم گوت:”تۆ پاڵپشتی منی،“

אם-שמתי זהב כסלי ולכתם אמרתי מבטחי

25 ئەگەر دڵخۆش بووم کە سامانەکەم زۆر بوو و لەبەر ئەوەی زۆریان بەدەستهێناوە،

אם-אשמח כי-רב חילי וכי-כביר מצאה ידי

26 ئەگەر تەماشای ڕووناکی خۆرم کردووە کاتێک درەوشاوەتەوە، یان مانگ کاتێک بە جوانییەوە دەڕوات

אם-אראה אור כי יהל וירח יקר הלך

27 تاوەکو دڵم بە نهێنی فریودراو و دەستم دەمی داپۆشی،

ויפת בסתר לבי ותשק ידי לפי

28 ئەوا ئەمانەش تاوان دەبن و دەدرێن بە دادگا، چونکە ئەگەر شتی وام بکردایە ناپاک دەبووم بەرامبەر بە خودا لە سەرەوە.

גם-הוא עון פלילי כי-כחשתי לאל ממעל

29 «ئەگەر بە بەڵای ناحەزەکەم دڵخۆش بووم یان بزەم گرت کە تووشی خراپە بوو،

אם-אשמח בפיד משנאי והתעררתי כי-מצאו רע

30 بەڵکو نەمهێشت مەڵاشووم گوناه بکات بەوەی کە بە نەفرەتەوە داوای ژیانی ئەو بکات؛

ולא-נתתי לחטא חכי-- לשאל באלה נפשו

31 ئەگەر کەسانی ناو چادرەکەم هەرگیز نەیانگوتایە،”کێ یەکێک دەهێنێت لە خواردنەکەی ئەیوب تێری نەخواردبێت؟“

אם-לא אמרו מתי אהלי מי-יתן מבשרו לא נשבע

32 ئاوارەیەک لە دەرەوە شەوی بەسەرنەبرد، دەرگای ماڵەکەم بۆ ڕێبوار کردەوە.

בחוץ לא-ילין גר דלתי לארח אפתח

33 ئەگەر وەک خەڵکی دیکە یاخیبوونی خۆم داپۆشیوە، بە شاردنەوەی تاوانەکانم لە باوەشی خۆم،

אם-כסיתי כאדם פשעי-- לטמון בחבי עוני

34 بەهۆی ئەوەی لە قسەی خەڵک ترساوم، لە سووکایەتی پێکردنی خێڵەکان تۆقیوم، لەبەر ئەوەیە کە بێدەنگم و لە ماڵەوە دانیشتووم.

כי אערוץ המון רבה-- ובוז-משפחות יחתני ואדם לא-אצא פתח

35 «خۆزگە یەکێک دەبوو گوێی لێم دەگرت! ئەوەتا مۆری من، با خودای هەرە بەتوانا وەڵامم پێ بداتەوە؛ ئەوەی سکاڵا لە من دەکات با سکاڵانامەکەی پێشکەش بکات.

מי יתן-לי שמע לי-- הן-תוי שדי יענני וספר כתב איש ריבי

36 بێگومان لەسەر شانم هەڵمدەگرت، دەمبەست وەک تاج بەسەرمەوە.

אם-לא על-שכמי אשאנו אענדנו עטרות לי

37 ژمارەی هەنگاوەکانی خۆم پێی دەگوت، پێشکەشیشم دەکرد وەک بۆ فەرمانڕەوایەک.

מספר צעדי אגידנו כמו-נגיד אקרבנו

38 «ئەگەر زەوییەکەم هاواری کردووە لە دژی من و هەموو هێڵی جووتەکانی بە فرمێسک تەڕ دەبێت،

אם-עלי אדמתי תזעק ויחד תלמיה יבכיון

39 ئەگەر بەروبوومەکەی ئەوم بەبێ پارە خواردووە یان گیانی کرێچییەکانیم کوژاندووەتەوە،

אם-כחה אכלתי בלי-כסף ונפש בעליה הפחתי

40 با لە جێی گەنم دڕک بڕووێت و لە جێی جۆ زیوان.» وشەکانی ئەیوب تەواو بوون.

תחת חטה יצא חוח--ותחת-שערה באשה תמו דברי איוב