Psalm 1

1 Insewowo mwet se su Tia fufahsryesr in pwapa lun mwet koluk, Ku ukwe inkanek lun mwet sutuu, Ku muta inmasrlon mwet su aksruksrukye God.

אשרי האיש-- אשר לא הלך בעצת רשעים ובדרך חטאים לא עמד ובמושב לצים לא ישב

2 A el engankin ma sap lun LEUM GOD, Ac el nunku kac ke len ac fong.

כי אם בתורת יהוה חפצו ובתורתו יהגה יומם ולילה

3 El ac fah oana soko sak yoki sisken infacl, Su isus fahko la in pacl la, Ac sra kac tiana paola, Ac ma nukewa el oru fah kapkapak.

והיה-- כעץ שתול על-פלגי-מים אשר פריו יתן בעתו--ועלהו לא-יבול וכל אשר-יעשה יצליח

4 Mwet koluk elos tia ouinge, A elos oana kulun wheat ma eng uh okla.

לא-כן הרשעים כי אם-כמץ אשר-תדפנו רוח

5 Ke ma inge mwet koluk elos ac fah tia tu in nununku Ku mwet sutuu in walil lun mwet suwoswos.

על-כן לא-יקמו רשעים--במשפט וחטאים בעדת צדיקים

6 Tuh LEUM GOD El etu inkanek lun mwet suwoswos, A inkanek lun mwet koluk fah wanginla.

כי-יודע יהוה דרך צדיקים ודרך רשעים תאבד