Psalm 51
1 [Psalm lal David, Tukun Mwet Palu Nathan el Kaskas nu sel ke Tafongla lal yorol Bathsheba] Pakoten nu sik, O God, Ke sripen lungse kawil lom! Ke pakoten lulap lom, Eela ma koluk luk!
| למנצח מזמור לדוד ב בבוא-אליו נתן הנביא-- כאשר-בא אל-בת-שבע ג חנני אלהים כחסדך כרב רחמיך מחה פשעי |
2 Ohlla ma koluk luk nukewa Ac aknasnasyeyula liki ma koluk luk!
| הרבה (הרב) כבסני מעוני ומחטאתי טהרני |
3 Nga akilen tafongla luk, Ac ma koluk luk oan in nunak luk pacl e nukewa.
| כי-פשעי אני אדע וחטאתי נגדי תמיד |
4 Nga oru ma koluk lain kom, aok lain kom mukena, Ac oru ma su tia wo ye motom. Ke ma inge fal kom in nununkeyu. Oasr suwohs lom in lisyula.
| לך לבדך חטאתי והרע בעיניך עשיתי למען תצדק בדברך-- תזכה בשפטך |
5 Nga nuna koluk oe ke len se nga isusla ah me; Liki pacl se nga srimetak, nga nuna mwet koluk.
| הן-בעוון חוללתי ובחטא יחמתני אמי |
6 Orekma suwohs ac inse pwaye pa kom lungsum; Nwakla nunak luk ke lalmwetmet lom.
| הן-אמת חפצת בטחות ובסתם חכמה תודיעני |
7 Aknasnasyeyu ke sak hyssop, ac nga fah nasnasla; Oulyula ac nga fah fasrfasr liki snow.
| תחטאני באזוב ואטהר תכבסני ומשלג אלבין |
8 Lela nga in lohng pusren engan ac insewowo; Finne kom tuh itungyuwi ac kunausyula, Nga ac sifil pacna enganak.
| תשמיעני ששון ושמחה תגלנה עצמות דכית |
9 Afinya motom liki ma koluk luk Ac eela ma koluk luk nukewa.
| הסתר פניך מחטאי וכל-עונתי מחה |
10 Kom in oru insiuk in nasnas, O God, Ac ase sie ngun sasu ac pwaye in nga.
| לב טהור ברא-לי אלהים ורוח נכון חדש בקרבי |
11 Nikmet lisyula liki ye motom; Nikmet eisla ngun mutal lom likiyu.
| אל-תשליכני מלפניך ורוח קדשך אל-תקח ממני |
12 Sifilpa ase nu sik engan su tuku ke molela lom, Ac oru tuh nga in insewowo in akos kom.
| השיבה לי ששון ישעך ורוח נדיבה תסמכני |
13 Na nga fah luti mwet koluk ke ma kom sapkin, Ac elos ac fah foloko nu yurum.
| אלמדה פשעים דרכיך וחטאים אליך ישובו |
14 Sruokya moul luk, O God, ac moliyula, Ac nga fah engan in fahkak ke suwoswos lom.
| הצילני מדמים אלהים-- אלהי תשועתי תרנן לשוני צדקתך |
15 Leum, kasreyu tuh nga in ku in kaskas, Ac nga fah kaksakin kom.
| אדני שפתי תפתח ופי יגיד תהלתך |
16 Kom tia lungse mwe kisa; Kom funu lungse, nga lukun orek kisa; Kom tiana insewowo ke mwe kisa firir.
| כי לא-תחפץ זבח ואתנה עולה לא תרצה |
17 O God, mwe kisa luk uh pa inse pusisel — Kom ac tia pilesru sie inse pusisel su auliyak.
| זבחי אלהים רוח נשברה לב-נשבר ונדכה-- אלהים לא תבזה |
18 O God, kulang nu sin Zion ac kasrel; Sifilpa musaeak pot Jerusalem.
| היטיבה ברצונך את-ציון תבנה חומות ירושלם |
19 Na kom fah insewowo ke mwe kisa pwaye Ac ke mwe kisa firir lasr; Ac cow mukul fah kisakinyuk fin loang lom.
| אז תחפץ זבחי-צדק עולה וכליל אז יעלו על-מזבחך פרים |
