Psalm 149

1 Kaksakin LEUM GOD! Yuk soko on sasu nu sin LEUM GOD; Kaksakunul in walil lun mwet su inse pwaye nu sel!

2 Israel, kowos in engan ke sripen El su orekowosla; Enganak, kowos mwet Zion, ke sripen tokosra lowos!

3 Kaksakin Inel ke onsrosro; Srital ke harp ac drum ke kowos kaksakunul.

4 LEUM GOD El insewowo ke mwet lal. El akfulatye mwet pusisel ke El sang kutangla nu selos.

5 Lela mwet lun God in enganak ke kutangla lalos, Ac on ke engan ke fong nufon.

6 Ke elos kaksakin God, lela elos in sasa ke pusra lulap, Oayapa elos in sruok cutlass kosro natulos in paolos

7 Tuh elos in kutangla mutunfacl Ac in kai mwet we.

8 Elos in kapriya tokosra lalos ke sein, Oayapa mwet kol lalos ke sein osra,

9 In kai mutanfahl uh in oana ma God El sapkin. Pa inge kutangla lun mwet lun God. Kaksakin LEUM GOD!