Psalm 135

1 Kaksakin LEUM GOD! Kaksakin Inen LEUM GOD, kowos mwet kulansap lal,

הללו יה הללו את שם יהוה הללו עבדי יהוה׃

2 Su tu in lohm sin LEUM GOD, In Tempul lun God lasr.

שעמדים בבית יהוה בחצרות בית אלהינו׃

3 Kaksakin LEUM GOD, mweyen El wo; Yuk on in kaksak nu ke Inel, tuh El kulang.

הללו יה כי טוב יהוה זמרו לשמו כי נעים׃

4 El sulella Jacob nu sel sifacna, Ac mwet Israel tuh elos in mwet lal.

כי יעקב בחר לו יה ישראל לסגלתו׃

5 Nga etu tuh LEUM GOD El fulat, El fulat liki god nukewa.

כי אני ידעתי כי גדול יהוה ואדנינו מכל אלהים׃

6 El oru kutena ma El lungse oru In kusrao ac fin faclu, In meoa uh ac acn loal ye kof uh.

כל אשר חפץ יהוה עשה בשמים ובארץ בימים וכל תהומות׃

7 El use pukunyeng in paka liki kapinkusra uh; El orala sarom nu ke paka uh, Ac El use eng liki nien filma lal.

מעלה נשאים מקצה הארץ ברקים למטר עשה מוצא רוח מאוצרותיו׃

8 El uniya wounse nukewa in acn Egypt, Nutin mwet oayapa nutin kosro.

שהכה בכורי מצרים מאדם עד בהמה׃

9 El oru mwenmen ac ma sakirik in acn we In kai tokosra lun acn we ac mwet pwapa lal nukewa.

שלח אתות ומפתים בתוככי מצרים בפרעה ובכל עבדיו׃

10 El kunausla mutunfacl puspis Ac uniya tokosra pwengpeng inge:

שהכה גוים רבים והרג מלכים עצומים׃

11 Sihon, tokosra lun mwet Amor, Og, tokosra lun mwet Bashan, Ac tokosra nukewa in acn Canaan.

לסיחון מלך האמרי ולעוג מלך הבשן ולכל ממלכות כנען׃

12 God El sang acn sin mwet inge nu sin mwet lal; El sang tuh in mwe usru lalos, mwet Israel.

ונתן ארצם נחלה נחלה לישראל עמו׃

13 LEUM GOD, ac fah sulkakinyuk Inem nwe tok; Fwil nukewa fah esam kom.

יהוה שמך לעולם יהוה זכרך לדר ודר׃

14 LEUM GOD El fah karingin mwet lal; El fah pakomuta mwet kulansap lal.

כי ידין יהוה עמו ועל עבדיו יתנחם׃

15 Tuh god lun mutunfacl saya orekla ke silver ac gold; Elos ma orekla ke poun mwet.

עצבי הגוים כסף וזהב מעשה ידי אדם׃

16 Oasr oalulos, a elos tia ku in kaskas, Ac oasr mutalos, a elos tia ku in liye.

פה להם ולא ידברו עינים להם ולא יראו׃

17 Oasr sraclos, a elos tia ku in lohng, Elos tia pacna ku in momong.

אזנים להם ולא יאזינו אף אין יש רוח בפיהם׃

18 Lela tuh elos nukewa su orala ma inge ac lulalfongi kac In ekla oana ma sruloala ma elos orala!

כמוהם יהיו עשיהם כל אשר בטח בהם׃

19 Kowos mwet Israel, kowos in kaksakin LEUM GOD; Kaksakunul, kowos mwet tol lun God!

בית ישראל ברכו את יהוה בית אהרן ברכו את יהוה׃

20 Kaksakin LEUM GOD, kowos mwet Levi; Kaksakunul, kowos nukewa su alu nu sel!

בית הלוי ברכו את יהוה יראי יהוה ברכו את יהוה׃

21 Kaksakin LEUM GOD in Zion, In Jerusalem, acn sel. Kaksakin LEUM GOD!

ברוך יהוה מציון שכן ירושלם הללו יה׃