Psalm 119
1 Insewowo elos su wangin mwatalos, Su moul fal nu ke ma sap lun LEUM GOD.
| אשרי תמימי-דרך-- ההלכים בתורת יהוה |
2 Insewowo elos su fahsr ke ma sap lal, Su aksol ke insialos nufon.
| אשרי נצרי עדתיו בכל-לב ידרשוהו |
3 Elos tiana oru ma koluk; A elos fahsr fal nu ke ma lungse lun LEUM GOD.
| אף לא-פעלו עולה בדרכיו הלכו |
4 LEUM GOD, kom ase tari ma sap lom Ac kom sapkin tuh kut in arulana akos.
| אתה צויתה פקדיך-- לשמר מאד |
5 Saok ngan ku in arulana oaru In liyaung mwe luti lom!
| אחלי יכנו דרכי-- לשמר חקיך |
6 Nga fin liyaung ma sap lom nukewa, Na nga fah tia akmwekinyeyuk.
| אז לא-אבוש-- בהביטי אל-כל-מצותיך |
7 Ke nga lutlut ke nununku suwoswos lom Nga fah kaksakin kom ke inse nasnas.
| אודך בישר לבב-- בלמדי משפטי צדקך |
8 Nga fah akos ma sap lom; Nikmet sisyula.
| את-חקיך אשמר אל-תעזבני עד-מאד |
9 Sie mwet fusr ac liyaung fuka tuh in nasnas moul lal? Pa inge: el fin akos ma sap lom.
| במה יזכה-נער את-ארחו-- לשמר כדברך |
10 Ke insiuk nufon nga srike in kulansupwekom; Nik kom lela nga in seakos ma sap lom.
| בכל-לבי דרשתיך אל-תשגני ממצותיך |
11 Nga likiya ma sap lom insiuk, Tuh nga in tia orekma koluk lain kom.
| בלבי צפנתי אמרתך-- למען לא אחטא-לך |
12 Nga kaksakin kom, O LEUM GOD, Lutiyu inkanek lom.
| ברוך אתה יהוה-- למדני חקיך |
13 Nga fah kaskaskin Ma sap nukewa ma kom oakiya.
| בשפתי ספרתי-- כל משפטי-פיך |
14 Nga engan in fahsr ke ma sap lom Liki na in eis mwe kasrup yohk.
| בדרך עדותיך ששתי-- כעל כל-הון |
15 Nga lutlut ke oakwuk lom; Nga lohang nu ke mwe luti lom.
| בפקודיך אשיחה ואביטה ארחתיך |
16 Nga insewowo ke ma sap lom, Nga fah tiana mulkunla kas lom.
| בחקתיך אשתעשע לא אשכח דברך |
17 Nga mwet kulansap lom, kom in kulang nu sik Tuh nga fah ku in moul ac akos mwe luti lom.
| גמל על-עבדך אחיה ואשמרה דברך |
18 Ikasla mutuk tuh nga fah ku in akilen Wolana lun mwe luti pwaye lom.
| גל-עיני ואביטה-- נפלאות מתורתך |
19 Nga muta fin faclu ke kitin pacl na fototo; Nikmet okanla ma sap lom likiyu.
| גר אנכי בארץ אל-תסתר ממני מצותיך |
20 Insiuk kena ma lulap In liye nununku lom pacl e nukewa.
| גרסה נפשי לתאבה-- אל-משפטיך בכל-עת |
21 Kom kai mwet filang; Elos su tia akos ma sap lom elos selngawiyuk.
| גערת זדים ארורים-- השגים ממצותיך |
22 Eisla kaskou ac aksruksruk lalos likiyu, Tuh nga liyaung na ma sap lom.
| גל מעלי חרפה ובוז כי עדתיך נצרתי |
23 Mwet leum elos tukeni ac pwapa koluk lainyu, Tusruktu nga fah lutlut ke mwe luti lom.
| גם ישבו שרים בי נדברו-- עבדך ישיח בחקיך |
24 Kas in luti lom akinsewowoyeyu Ac oana mwet kasru nu sik.
| גם-עדתיך שעשעי-- אנשי עצתי |
25 Nga putatla nu infohk uh ke kutangyukla nga, Tukasyuyak, oana kom tuh wulela kac.
| דבקה לעפר נפשי חיני כדברך |
26 Nga fahkyuyak nu sum, ac kom topukyu; Luti nu sik inkanek lom.
| דרכי ספרתי ותענני למדני חקיך |
27 Kasreyu tuh nga in kalem ke ma sap lom, Ac nga fah nunku yohk ke kas in luti wolana lom.
| דרך-פקודיך הבינני ואשיחה בנפלאותיך |
28 Insiuk munasla ke asor; Akkeyeyu, oana kom tuh wulela kac.
| דלפה נפשי מתוגה קימני כדברך |
29 Sruokyuwi liki inkanek tafongla; Ke kulang lom, luti nu sik ke ma sap lom.
| דרך-שקר הסר ממני ותורתך חנני |
30 Nga sulela tuh nga in akosten; Nga lohang nu ke nununku lom.
| דרך-אמונה בחרתי משפטיך שויתי |
31 LEUM GOD nga liyaung na mwe luti lom, Nikmet lela tuh nga in akmwekinyeyuk.
| דבקתי בעדותיך יהוה אל-תבישני |
32 Nga arulana engan in akos ma sap lom, Mweyen kom ac fah akyokye etauk luk.
| דרך-מצותיך ארוץ כי תרחיב לבי |
33 O LEUM GOD, luti nu sik kalmen ma sap lom, Na nga fah akos in pacl e nukewa.
| הורני יהוה דרך חקיך ואצרנה עקב |
34 Aketeya ma sap lom nu sik, ac nga fah akos; Nga fah liyaung ke insiuk nufon.
| הבינני ואצרה תורתך ואשמרנה בכל-לב |
35 Oru tuh nga in fahsr fal nu ke ma sap lom, Tuh nga konauk insewowo kac.
| הדריכני בנתיב מצותיך כי-בו חפצתי |
36 Oru tuh nga in lungse akos ma sap lom Yohk liki na tuh nga in kasrup.
| הט-לבי אל-עדותיך ואל אל-בצע |
37 Furokla mutuk liki ma lusrongten; Liyeyume oana kom tuh wulela kac.
| העבר עיני מראות שוא בדרכך חיני |
38 Nga mwet kulansap lom, akfalye wulela lom nu sik, In oana wulela su kom oru nu selos su akos kom.
| הקם לעבדך אמרתך-- אשר ליראתך |
39 Moliyula liki kaskas kou su nga sangeng kac; Fuka woiyen nununku lom!
| העבר חרפתי אשר יגרתי כי משפטיך טובים |
40 Nga kena akos ma sap lom; Ase moul sasu nu sik, tuh kom suwoswos.
| הנה תאבתי לפקדיך בצדקתך חיני |
41 LEUM GOD, akkalemye lupan lungse lom nu sik, Ac moliyula oana kom wulela kac.
| ויבאני חסדך יהוה תשועתך כאמרתך |
42 Na nga fah ku in topkolos su kaskas kou keik, Mweyen nga lulalfongi ke kas lom.
| ואענה חרפי דבר כי-בטחתי בדברך |
43 Oru tuh nga in ku in kaskas pwaye pacl e nukewa, Tuh finsrak luk oan in nununku lom.
| ואל-תצל מפי דבר-אמת עד-מאד כי למשפטך יחלתי |
44 Nga ac fah liyaung ma sap lom pacl e nukewa, Nu tok ma pahtpat.
| ואשמרה תורתך תמיד-- לעולם ועד |
45 Nga fah muta in sukosok pwaye, Mweyen nga srike in akos kas in luti lom.
| ואתהלכה ברחבה כי פקדיך דרשתי |
46 Nga fah fahkak nu sin tokosra uh ma kom sapkin, Ac nga fah tia akmwekinyeyuk.
| ואדברה בעדתיך נגד מלכים ולא אבוש |
47 Nga pulakin insewowo ke nga akos ma sap lom, Mweyen nga arulana lungse kas lom.
| ואשתעשע במצותיך אשר אהבתי |
48 Nga sunakin ac lungse ma sap lom, Ac nga fah nunku yohk ke mwe luti lom.
| ואשא-כפי--אל-מצותיך אשר אהבתי ואשיחה בחקיך |
49 Esam wulela lom nu sik, mwet kulansap lom, Tuh ma inge ase finsrak nu sik.
| זכר-דבר לעבדך-- על אשר יחלתני |
50 Finne in pacl in keok luk, nga akwoyeyuk Mweyen wulela lom ase moul nu sik.
| זאת נחמתי בעניי כי אמרתך חיתני |
51 Mwet filang elos aksruksrukiyu pacl nukewa, Tusruktu nga tiana fahsr liki ma sap lom.
| זדים הליצני עד-מאד מתורתך לא נטיתי |
52 Nga esam nununku lom in pacl oemeet, Ac ma inge akwoyeyu, O LEUM GOD.
| זכרתי משפטיך מעולם יהוה ואתנחם |
53 Ke nga liye mwet koluk ke elos lain ma sap lom, Nga arulana kasrkusrak.
| זלעפה אחזתני מרשעים-- עזבי תורתך |
54 In pacl fototo luk fin faclu Nga kinala on ke sap lom.
| זמרות היו-לי חקיך-- בבית מגורי |
55 Ke fong uh nga esam kom, O LEUM GOD, Ac nga nunku ke ma sap lom.
| זכרתי בלילה שמך יהוה ואשמרה תורתך |
56 Nga pulakin insewowo Ke nga akos ma sap lom.
| זאת היתה-לי כי פקדיך נצרתי |
57 O LEUM GOD, kom na pa nga enenu, Ac nga wulela tuh nga fah akos ma sap lom.
| חלקי יהוה אמרתי-- לשמר דבריך |
58 Nga siyuk sum ke insiuk nufon Tuh kom in pakomutuk, in oana wulela lom.
| חליתי פניך בכל-לב חנני כאמרתך |
59 Ke nga nunku ke ouiyen moul luk, Nga wulela nga in sifil forla ac fahsr tukun mwe luti lom.
| חשבתי דרכי ואשיבה רגלי אל-עדתיך |
60 Nga sulaklak, ac tia tuptupan In akos ma kom sapkin.
| חשתי ולא התמהמהתי-- לשמר מצותיך |
61 Mwet koluk elos filiya mwe kwasrip nu sik, Tusruktu nga tiana mulkunla ma sap lom.
| חבלי רשעים עודני תורתך לא שכחתי |
62 Ke infulwen fong nga tukakek Ac kaksakin kom ke nununku suwoswos lom.
| חצות-לילה--אקום להודות לך על משפטי צדקך |
63 Nga mwet kawuk lun mwet nukewa su kulansupwekom, Aok, elos nukewa su akos ma sap lom.
| חבר אני לכל-אשר יראוך ולשמרי פקודיך |
64 LEUM GOD, faclu sessesla ke lungkulang lom; Lutiyu ke ma sap lom.
| חסדך יהוה מלאה הארץ חקיך למדני |
65 LEUM GOD, kom oru wo nu sik, mwet kulansap lom, Fal nu ke wulela lom.
| טוב עשית עם-עבדך-- יהוה כדברך |
66 Ase etauk ac lalmwetmet nu sik, Tuh nga lulalfongi ke sap lom.
| טוב טעם ודעת למדני כי במצותיך האמנתי |
67 Meet liki kom tuh kaiyu, nga fahsr sayen ma sap lom, A inge nga akos kas lom.
| טרם אענה אני שגג ועתה אמרתך שמרתי |
68 Kom arulana wo ac arulana kulang! Lutiyu ke sap lom.
| טוב-אתה ומטיב למדני חקיך |
69 Mwet filang elos tuh fahk kas kikiap keik, Tusruktu nga akos mwe luti lom ke insiuk nufon.
| טפלו עלי שקר זדים אני בכל-לב אצר פקודיך |
70 Wanginna kalem lun mwet inge, A funu nga, nga insewowo ke ma sap lom.
| טפש כחלב לבם אני תורתך שעשעתי |
71 Kaiyuk lom nu sik mwe akwoyeyu, Mweyen ke sripa sac nga lutlut ke ma sap lom.
| טוב-לי כי-עניתי-- למען אלמד חקיך |
72 Ma sap su kom ase nu sik, yohk kalmac nu sik Liki mani nukewa fin faclu.
| טוב-לי תורת-פיך-- מאלפי זהב וכסף |
73 Kom oreyula ac karinginyu; Ase etauk nu sik tuh nga fah luti ma sap lom.
| ידיך עשוני ויכוננוני הבינני ואלמדה מצותיך |
74 Elos su akfulatye kom elos ac engan ke elos liyeyu, Mweyen nga lulalfongi ke wulela lom.
| יראיך יראוני וישמחו כי לדברך יחלתי |
75 LEUM GOD, nga etu tuh nununku lom suwohs, Ac kom kaiyu mweyen kom inse pwaye.
| ידעתי יהוה כי-צדק משפטיך ואמונה עניתני |
76 Lela lungse kawil lom in akwoyeyu, Oana kom tuh wulela nu sik, mwet kulansap lom.
| יהי-נא חסדך לנחמני-- כאמרתך לעבדך |
77 Pakomutuk, ac nga fah moul, Tuh nga insewowo ke ma sap lom.
| יבאוני רחמיך ואחיה כי-תורתך שעשעי |
78 Lela mwet filang in mwekin lah elos akkolukyeyu ke kikiap; A funu nga, nga fah arulana nunku ke kas in luti lom.
| יבשו זדים כי-שקר עותוני אני אשיח בפקודיך |
79 Lela tuh elos su akfulatye kom in tuku nu yuruk — Elos nukewa su etu ke ma sap lom.
| ישובו לי יראיך וידעו (וידעי) עדתיך |
80 Lela nga in akos na pwaye ma sap lom Tuh nga fah tia akmwekinyeyuk.
| יהי-לבי תמים בחקיך-- למען לא אבוש |
81 LEUM GOD, nga totola in soano molela lom nu sik; Nga filiya lulalfongi luk ke kas lom.
| כלתה לתשועתך נפשי לדברך יחלתי |
82 Mutuk totola in tupan ma kom tuh wulela kac, Ac nga fahk, “Kom ac kasreyu ngac?”
| כלו עיני לאמרתך-- לאמר מתי תנחמני |
83 Nga oana sie pak in neinyuk wain ma sisila ac wanginla sripa, Tusruktu nga tiana mulkunla ma sap lom.
| כי-הייתי כנאד בקיטור-- חקיך לא שכחתי |
84 Nga ac soano putaka? Kom ac kai mwet su akkeokyeyu ngac?
| כמה ימי-עבדך מתי תעשה ברדפי משפט |
85 Mwet filang su tia akos ma sap lom, Elos pukanak luf in sruokyuwi.
| כרו-לי זדים שיחות-- אשר לא כתורתך |
86 Ma sap lom nukewa fal in lulalfongiyuk; Mwet elos akkeokyeyu ke kas kikiap — kasreyu!
| כל-מצותיך אמונה שקר רדפוני עזרני |
87 Elos apkuranna in uniyuwi, Tusruk nga tiana pilesrala ma sap lom.
| כמעט כלוני בארץ ואני לא-עזבתי פקדיך |
88 Ke lungse kawil lom, oru wo nu sik, Tuh nga fah akos ma sap lom.
| כחסדך חיני ואשמרה עדות פיך |
89 Kas lom, O LEUM GOD, oan ma pahtpat, Aok, oan ma pahtpat inkusrao.
| לעולם יהוה-- דברך נצב בשמים |
90 Oaru lom oanna ke fwil nukewa; Kom tuh oakiya faclu, ac faclu srakna oan.
| לדר ודר אמונתך כוננת ארץ ותעמד |
91 Ma nukewa oanna nwe misenge ke sripen sap lom, Ac ma nukewa kulansapwekom.
| למשפטיך עמדו היום כי הכל עבדיך |
92 Ma sap lom funu tia ase insewowo nu sik, Nga lukun misa tari ke mwe keok nu sik.
| לולי תורתך שעשעי-- אז אבדתי בעניי |
93 Nga fah tiana pilesru kas in luti lom; Tuh ke ma inge kom moliyula.
| לעולם לא-אשכח פקודיך כי בם חייתני |
94 Nga ma lom — moliyula! Nga srike na in akos ma sap lom.
| לך-אני הושיעני כי פקודיך דרשתי |
95 Mwet koluk elos soano in uniyuwi, Tusruktu nga fah arulana nunku ke ma sap lom.
| לי קוו רשעים לאבדני עדתיך אתבונן |
96 Nga etu tari lah oasr saflaiyen ma nukewa; Tusruktu ma sap lom wangin saflaiya.
| לכל-תכלה ראיתי קץ רחבה מצותך מאד |
97 Arulana yohk lungse luk ke ma sap lom! Nga nunku kac ke len nufon.
| מה-אהבתי תורתך כל-היום היא שיחתי |
98 Ma sap lom wiyu pacl e nukewa Ac oru nga lalmwetmet liki mwet lokoalok luk.
| מאיבי תחכמני מצותך כי לעולם היא-לי |
99 Nga kalem kac yohk liki mwet luti luk nukewa, Mweyen nga arulana nunku ke kas in luti lom.
| מכל-מלמדי השכלתי כי עדותיך שיחה לי |
100 Yohk lalmwetmet luk liki mwet matu, Mweyen nga akos ma sap lom.
| מזקנים אתבונן כי פקודיך נצרתי |
101 Nga taranyu liki orekma koluk nukewa, Mweyen nga lungse akos kas lom.
| מכל-ארח רע כלאתי רגלי-- למען אשמר דברך |
102 Nga tiana pilesrala kas in luti lom, Mweyen kom na pa lutiyu.
| ממשפטיך לא-סרתי כי-אתה הורתני |
103 Kas in luti lom arulana emwem, Aok, emwem liki na honey nu ke oalik!
| מה-נמלצו לחכי אמרתך-- מדבש לפי |
104 Nga eis lalmwetmet ke ma sap lom, Ke ma inge nga srunga inkanek koluk nukewa.
| מפקודיך אתבונן על כן שנאתי כל-ארח שקר |
105 Kas lom lam nu ke niuk Ac kalem nu ke inkanek luk.
| נר-לרגלי דברך ואור לנתיבתי |
106 Nga orala sie wulela na ku Tuh nga in akos kas in luti suwoswos lom.
| נשבעתי ואקימה-- לשמר משפטי צדקך |
107 LEUM GOD, pwayena lah mwe keok luk arulana upa; Sruokya moul luk, oana ke kom wulela.
| נעניתי עד-מאד יהוה חיני כדברך |
108 Eis pre in sang kulo luk, O LEUM GOD, Ac lutiyu ke ma sap lom.
| נדבות פי רצה-נא יהוה ומשפטיך למדני |
109 Nga akola pacl nukewa in pilesrala moul luk, Tuh nga tiana mulkunla ma sap lom.
| נפשי בכפי תמיד ותורתך לא שכחתי |
110 Mwet koluk elos filiya mwe kwasrip nu sik, Tuh nga tiana pilesrala ma sap lom.
| נתנו רשעים פח לי ומפקודיך לא תעיתי |
111 Ma sap lom mwe usru luk nwe tok, Aok, mwe engan lun insiuk.
| נחלתי עדותיך לעולם כי-ששון לבי המה |
112 Nga sulela tari tuh nga in akos ma sap lom Nwe ke na nga misa.
| נטיתי לבי לעשות חקיך-- לעולם עקב |
113 Nga srungalos su tia inse pwaye nu sum, A nga lungse ma sap lom.
| סעפים שנאתי ותורתך אהבתי |
114 Kom nien wikla luk ac lango luk; Nga filiya finsrak luk in wuleang lom.
| סתרי ומגני אתה לדברך יחלתי |
115 Mwet koluk, kowos fahla likiyu. Nga ac fah akos ma sap lun God luk.
| סורו-ממני מרעים ואצרה מצות אלהי |
116 Akkeyeyu, oana kom wulela, ac nga fah moul; Nikmet lela tuh nga in toasrla ke sripen tia sun mwe finsrak luk!
| סמכני כאמרתך ואחיה ואל-תבישני משברי |
117 Sruokyuwi tuh nga fah tu na ku, Ac nga fah lohang nu ke ma sap lom pacl e nukewa.
| סעדני ואושעה ואשעה בחקיך תמיד |
118 Kom ngetla liki mwet nukewa su seakos ma sap lom; Pwapa kutasrik lalos wangin sripa.
| סלית כל-שוגים מחקיך כי-שקר תרמיתם |
119 Kom oru mwet koluk nukewa oana kutkut, Ke ma inge nga lungse kas in luti lom.
| סגים--השבת כל-רשעי-ארץ לכן אהבתי עדתיך |
120 Ke sripom nga sangeng; Nga arulana sangeng ke sripen nununku lom.
| סמר מפחדך בשרי וממשפטיך יראתי |
121 Nga oru ma suwohs ac pwaye; Nikmet filiyula nu inpoun mwet lokoalok luk.
| עשיתי משפט וצדק בל-תניחני לעשקי |
122 Wulela nu sik lah kom ac kasru mwet kulansap lom; Nikmet lela mwet inse fulat in akkeokyeyu.
| ערב עבדך לטוב אל-יעשקני זדים |
123 Mutuk totola in soano molela lom nu sik Su kom tuh wulela kac.
| עיני כלו לישועתך ולאמרת צדקך |
124 Oru nu sik fal nu ke lungse kawil lom, Ac luti nu sik sap ku lom.
| עשה עם-עבדך כחסדך וחקיך למדני |
125 Nga mwet kulansap lom; ase etauk nu sik Tuh nga fah etu kas in luti lom.
| עבדך-אני הבינני ואדעה עדתיך |
126 LEUM GOD, pacl fal kom in kai mwet uh, Mweyen elos seakos ma sap lom.
| עת לעשות ליהוה-- הפרו תורתך |
127 Nga lungse ma sap lom yohk liki gold, Yohk liki gold ma arulana nasnas.
| על-כן אהבתי מצותיך-- מזהב ומפז |
128 Ke ma inge nga fahsr ke inkanek in luti lom nukewa; Ac nga srunga inkanek sutuu nukewa.
| על-כן כל-פקודי כל ישרתי כל-ארח שקר שנאתי |
129 Kas in luti lom wolana; Nga akos ke insiuk nufon.
| פלאות עדותיך על-כן נצרתם נפשי |
130 Aketeyen mwe luti lom ase kalem, Ac sang etauk nu sin mwet nikin.
| פתח דבריך יאיר מבין פתיים |
131 In kena luk nu ke sap ku lom Nga mangelik na ke malak luk.
| פי-פערתי ואשאפה כי למצותיך יאבתי |
132 Forma nu sik ac pakomutuk, Oana kom oru nu selos nukewa su lungse kom.
| פנה-אלי וחנני-- כמשפט לאהבי שמך |
133 Sruokyuwi nga in tia ikori, fal nu ke wulela lom, Ac tia lela tuh ma koluk in kutangyula.
| פעמי הכן באמרתך ואל-תשלט-בי כל-און |
134 Moliyula liki mwet su akkeokyeyu, Tuh nga fah akos sap lom.
| פדני מעשק אדם ואשמרה פקודיך |
135 Kom in akinsewowoyeyu ke kalem lun motom, Ac lutiyu ke oakwuk lom.
| פניך האר בעבדך ולמדני את-חקיך |
136 Sroninmutuk sororla oana soko infacl Mweyen mwet uh elos tia akos ma sap lom.
| פלגי-מים ירדו עיני-- על לא-שמרו תורתך |
137 LEUM GOD, kom suwoswos, Ac ma sap lom suwosna.
| צדיק אתה יהוה וישר משפטיך |
138 Oakwuk ma kom ase tari Arulana fal ac suwohs.
| צוית צדק עדתיך ואמונה מאד |
139 Kasrkusrak luk tayak in nga oana sie e, Mweyen mwet lokoalok luk elos tia akilen ma sap lom.
| צמתתני קנאתי כי-שכחו דבריך צרי |
140 Wulela lom pwayena! Nga arulana lungse!
| צרופה אמרתך מאד ועבדך אהבה |
141 Nga mwet lusrongten, ac kwaseyuk nga, Tusruktu nga tia pilesru kas in luti lom.
| צעיר אנכי ונבזה פקדיך לא שכחתי |
142 Suwoswos lom ac fah oan ma pahtpat, Ac ma sap lom pwaye pacl e nukewa.
| צדקתך צדק לעולם ותורתך אמת |
143 Nga arulana keok ac fosrnga, Tusruktu ma sap lom akinsewowoyeyu.
| צר-ומצוק מצאוני מצותיך שעשעי |
144 Kas in luti lom suwosna in pacl e nukewa; Ase nu sik etauk ac nga fah moul.
| צדק עדותיך לעולם הבינני ואחיה |
145 Nga pang nu sum ke insiuk nufon. Topukyu, O LEUM GOD, ac nga fah akos ma sap lom.
| קראתי בכל-לב ענני יהוה חקיך אצרה |
146 Nga pang nu sum, Moliyula, ac nga fah liyaung ma sap lom.
| קראתיך הושיעני ואשמרה עדתיך |
147 Meet liki lenelik nga pang nu sum in kasreyu; Nga filiya finsrak luk in wulela lom.
| קדמתי בנשף ואשועה לדבריך (לדברך) יחלתי |
148 In fong nufon se nga oanna ngetnget, Ac nunku yohk ke kas in luti lom.
| קדמו עיני אשמרות-- לשיח באמרתך |
149 Lohngyu, O LEUM GOD, ke sripen lungse lom kawil; Pakomutuk ac moliyula.
| קולי שמעה כחסדך יהוה כמשפטך חיני |
150 Mwet su akkeokyeyu elos apkuranme, Aok, elos su tiana karinganang ma sap lom.
| קרבו רדפי זמה מתורתך רחקו |
151 Tusruk kom apkuran nu yuruk, LEUM GOD, Ac ma sap lom nukewa oanna nwe tok.
| קרוב אתה יהוה וכל-מצותיך אמת |
152 In pacl loeloes somla nga lutlut ke mwe luti lom, Tuh kom oakiya in oan ma pahtpat.
| קדם ידעתי מעדתיך כי לעולם יסדתם |
153 Liye keok luk, ac moliyula, Mweyen nga tiana pilesru ma sap lom.
| ראה-עניי וחלצני כי-תורתך לא שכחתי |
154 Loangeyu ac aksukosokyeyu; Moliyula, oana kom tuh wulela.
| ריבה ריבי וגאלני לאמרתך חיני |
155 Mwet koluk ac fah tia moliyukla, Mweyen elos tia akos ma sap lom.
| רחוק מרשעים ישועה כי חקיך לא דרשו |
156 A pakoten lom yoklana, LEUM GOD. Akkalemye pakoten lom ac moliyula.
| רחמיך רבים יהוה כמשפטיך חיני |
157 Pus mwet lokoalok luk ac mwet kalyeiyu, Tusruktu nga tiana mulkunla in akos ma sap lom.
| רבים רדפי וצרי מעדותיך לא נטיתי |
158 Ke nga liye mwet kutasrik inge, nga arulana toasr selos, Mweyen elos tia liyaung sap lom.
| ראיתי בגדים ואתקוטטה-- אשר אמרתך לא שמרו |
159 LEUM GOD, liye lupan lungse luk nu ke kas in luti lom. Lungse lom uh tiana ekyek, ke ma inge moliyula!
| ראה כי-פקודיך אהבתי יהוה כחסדך חיני |
160 Kas nukewa in ma sap lom arulana pwaye, Ac nununku suwoswos nukewa lom oan ma pahtpat.
| ראש-דברך אמת ולעולם כל-משפט צדקך |
161 Mwet leum elos kalyeiyu ke wangin mwetik, Tusruktu nga akfulatye ma sap lom.
| שרים רדפוני חנם ומדבריך (ומדברך) פחד לבי |
162 Nga arulana engan ke wuleang lom Oana sie mwet su konauk mwe kasrup yohk lal.
| שש אנכי על-אמרתך-- כמוצא שלל רב |
163 Nga srunga ac kwase ma kikiap nukewa, A nga lungse ma sap lom.
| שקר שנאתי ואתעבה תורתך אהבתי |
164 Pacl itkosr in len se nga fahkak kulo luk nu sum, Ke sripen nununku suwohs lom.
| שבע ביום הללתיך-- על משפטי צדקך |
165 Elos su lungse ma sap lom elos muta in misla wo, Ac wangin kutena ma ac fah aktukulkulyelos.
| שלום רב לאהבי תורתך ואין-למו מכשול |
166 LEUM GOD, nga soano kom in moliyula, Ac nga oru ma kom sapkin.
| שברתי לישועתך יהוה ומצותיך עשיתי |
167 Nga akos kas in luti lom, Ac lungse ma inge ke insiuk nufon.
| שמרה נפשי עדתיך ואהבם מאד |
168 Nga akos ma sap lom ac mwe luti lom; Kom liye ma nukewa nga oru.
| שמרתי פקודיך ועדתיך כי כל-דרכי נגדך |
169 Lela pusren pang luk nu sum in sun kom, LEUM GOD! Ase etauk nu sik, oana kom tuh wulela.
| תקרב רנתי לפניך יהוה כדברך הבינני |
170 Porongo pre luk, Ac moliyula, fal nu ke wulela lom!
| תבוא תחנתי לפניך כאמרתך הצילני |
171 Nga fah kaksakin kom pacl e nukewa, Mweyen kom lutiyu ke ma sap lom.
| תבענה שפתי תהלה כי תלמדני חקיך |
172 Nga fah onkakin ma sap lom, Mweyen ma sap lom suwohs.
| תען לשוני אמרתך כי כל-מצותיך צדק |
173 Akola pacl nukewa in kasreyu, Tuh nga sulela in fahsr tukun ma sap lom.
| תהי-ידך לעזרני כי פקודיך בחרתי |
174 O LEUM GOD, nga kena eis kasru sum in moliyula. Nga konauk engan in ma sap lom.
| תאבתי לישועתך יהוה ותורתך שעשעי |
175 Lela nga in moul, tuh nga fah ku in kaksakin kom; Lela tuh mwe luti lom in kasreyu.
| תחי-נפשי ותהללך ומשפטך יעזרני |
176 Nga nikinyula in fufahsryesr luk oana soko sheep tuhlac; Ke ma inge fahsru ac sukyu, mwet kulansap lom, Mweyen nga tiana pilesru ma sap lom.
| תעיתי-- כשה אבד בקש עבדך כי מצותיך לא שכחתי |
