Psalm 118
1 Sang kulo nu sin LEUM GOD, tuh El wo, Ac lungkulang lal oan ma pahtpat.
| הודו ליהוה כי-טוב כי לעולם חסדו |
2 Lela mwet Israel in fahk, “Lungkulang lal oan ma pahtpat.”
| יאמר-נא ישראל כי לעולם חסדו |
3 Lela mwet tol lun God in fahk, “Lungkulang lal oan ma pahtpat.”
| יאמרו-נא בית-אהרן כי לעולם חסדו |
4 Lela elos nukewa su alu nu sel in fahk, “Lungkulang lal oan ma pahtpat.”
| יאמרו-נא יראי יהוה כי לעולם חסדו |
5 In ongoiya luk nga pang nu sin LEUM GOD. El topukyu ac aksukosokyeyula.
| מן-המצר קראתי יה ענני במרחב יה |
6 LEUM GOD El wiyu, nga fah tia sangeng; Mea mwet uh ku in oru nu sik?
| יהוה לי לא אירא מה-יעשה לי אדם |
7 LEUM GOD pa kasreyu, Ac nga fah liye ke mwet lokoalok luk kutangyukla.
| יהוה לי בעזרי ואני אראה בשנאי |
8 Wo in lulalfongi LEUM GOD Liki in lulalfongi mwet uh.
| טוב לחסות ביהוה-- מבטח באדם |
9 Wo in lulalfongi LEUM GOD Liki in lulalfongi mwet kol faclu.
| טוב לחסות ביהוה-- מבטח בנדיבים |
10 Mwet lokoalok pus rauniyula, Tusruktu nga kunauselosla ke ku lun LEUM GOD!
| כל-גוים סבבוני בשם יהוה כי אמילם |
11 Elos apinyula ke siska nukewa, Tusruktu nga kunauselosla ke ku lun LEUM GOD!
| סבוני גם-סבבוני בשם יהוה כי אמילם |
12 Elos rirme apinyula oana bee uh, Tusruktu elos firiryak ac sa na wanginla, oana firirla lun mah pao; Nga kunauselosla ke ku lun LEUM GOD.
| סבוני כדבורים-- דעכו כאש קוצים בשם יהוה כי אמילם |
13 Elos mweuniyu arulana upa, ac nga apkuran in kutangyukla, Tusruktu, LEUM GOD El kasreyu.
| דחה דחיתני לנפל ויהוה עזרני |
14 LEUM GOD El oru tuh nga in ku ac fokoko; El moliyula.
| עזי וזמרת יה ויהי-לי לישועה |
15 Porongo pusren sasa in engan ke kutangla in lohm nuknuk sin mwet lun God, “Ku lulap lun LEUM GOD pa oru ma inge!
| קול רנה וישועה--באהלי צדיקים ימין יהוה עשה חיל |
16 Ku lal pa ase kutangla nu sesr, Aok ku lal in pacl in mweun.”
| ימין יהוה רוממה ימין יהוה עשה חיל |
17 Nga fah tia misa, a nga ac moul Ac fahkak ke ma LEUM GOD El oru.
| לא-אמות כי-אחיה ואספר מעשי יה |
18 El arulana kaiyu upa, Tusruktu El tiana lela nga in misa.
| יסר יסרני יה ולמות לא נתנני |
19 Ikasla mutunpot lun Tempul nu sik. Nga ac fah utyak ac sang kulo nu sin LEUM GOD!
| פתחו-לי שערי-צדק אבא-בם אודה יה |
20 Pa inge mutunpot lun LEUM GOD; Mwet suwoswos mukena ku in utyak we.
| זה-השער ליהוה צדיקים יבאו בו |
21 Nga kaksakin kom, LEUM GOD, tuh kom lohngyu, Ac ase kutangla nu sik.
| אודך כי עניתני ותהי-לי לישועה |
22 Eot se su mwet musa elos sisla, Sikyak tuh pa inge eot se ma yohk sripa oemeet.
| אבן מאסו הבונים-- היתה לראש פנה |
23 Ma inge ma LEUM GOD El oru; Fuka lupan woiya ke kut liye!
| מאת יהוה היתה זאת היא נפלאת בעינינו |
24 Pa inge len se su LEUM GOD El orala; Lela kut in engan ac akfulatye!
| זה-היום עשה יהוה נגילה ונשמחה בו |
25 Molikutla, LEUM GOD, molikutla! Ase wo ouiya nu sesr, LEUM GOD!
| אנא יהוה הושיעה נא אנא יהוה הצליחה נא |
26 Lela God Elan akinsewowoye el su tuku ke Inen LEUM GOD! Liki Tempul lun LEUM GOD kut akinsewowoye kom.
| ברוך הבא בשם יהוה ברכנוכם מבית יהוה |
27 Tuh LEUM GOD El God, El ase kalem nu sesr. Ke lesak inpouwos kowos in mutawauk pacl in akfulat Ac fahsr rauni loang uh.
| אל יהוה--ויאר-לנו אסרו-חג בעבתים--עד קרנות המזבח |
28 Kom God luk, ac nga sot kulo nu sum; Nga fah fahkak fulat lom.
| אלי אתה ואודך אלהי ארוממך |
29 Sang kulo nu sin LEUM GOD, tuh El wo Ac lungkulang lal oan ma pahtpat.
| הודו ליהוה כי-טוב כי לעולם חסדו |
