Psalm 115

1 Nu sum mukena, O LEUM GOD, nu sum mukena Pa fal wolana in itukyang nu se, ac tia nu sesr, Ke sripen lungse pwaye lom ac oaru lom.

לא לנו יהוה לא לנו כי לשמך תן כבוד על חסדך על אמתך׃

2 Efu ku mutunfacl uh in siyuk sesr, “Ku pia God lowos an?”

למה יאמרו הגוים איה נא אלהיהם׃

3 God lasr El oasr inkusrao; El oru na ma El lungse oru.

ואלהינו בשמים כל אשר חפץ עשה׃

4 A god lalos orekla ke silver ac gold, Ma na orekla ke poun mwet.

עצביהם כסף וזהב מעשה ידי אדם׃

5 Oasr inwalulos, tuh tia ku in kaskas, Oasr pac mutalos, tuh tia ku in liye.

פה להם ולא ידברו עינים להם ולא יראו׃

6 Oasr insraclos, tuh tia ku in lohng, Oasr pac infwaclos, tuh tia ku in ngok.

אזנים להם ולא ישמעו אף להם ולא יריחון׃

7 Oasr paolos, tuh tia ku in pula, Oasr nialos, tuh tia ku in fahsr; Wanginna pusraclos.

ידיהם ולא ימישון רגליהם ולא יהלכו לא יהגו בגרונם׃

8 Lela tuh elos nukewa su orala ma inge ac lulalfongi kac, In ekla oana ma sruloala ma elos orala uh.

כמוהם יהיו עשיהם כל אשר בטח בהם׃

9 O Israel, kowos in lulalfongi LEUM GOD, Tuh El kasrekowos ac karingin kowos.

ישראל בטח ביהוה עזרם ומגנם הוא׃

10 Lulalfongi LEUM GOD, kowos mwet tol lun God, Tuh El kasrekowos ac karingin kowos.

בית אהרן בטחו ביהוה עזרם ומגנם הוא׃

11 Lulalfongi LEUM GOD, kowos kewa su alu nu sel, Tuh El kasrekowos ac karingin kowos.

יראי יהוה בטחו ביהוה עזרם ומגנם הוא׃

12 LEUM GOD El esam kut, ac El ac fah akinsewowoye kut; El ac fah akinsewowoye mwet Israel Ac mwet tol nukewa lun God.

יהוה זכרנו יברך יברך את בית ישראל יברך את בית אהרן׃

13 El fah akinsewowoyalos nukewa su alu nu sel — Mwet fulat ac mwet srisrik, oana sie.

יברך יראי יהוה הקטנים עם הגדלים׃

14 Lela tuh LEUM GOD Elan akpusye tulik nutuwos Ac nutin fwil nutuwos.

יסף יהוה עליכם עליכם ועל בניכם׃

15 Lela tuh kowos in akinsewowoyeyuk sin LEUM GOD Su orala kusrao ac faclu!

ברוכים אתם ליהוה עשה שמים וארץ׃

16 Kusrao ma lun LEUM GOD mukena, A funu faclu, El sang nu sin mwet uh.

השמים שמים ליהוה והארץ נתן לבני אדם׃

17 Kutena mwet su oatula tari nu yen wangin kaskas we Elos tia kaksakin LEUM GOD.

לא המתים יהללו יה ולא כל ירדי דומה׃

18 A kut, su moul, kut fah sang kulo nu sel Inge ac nu tok ma pahtpat. Kaksakin LEUM GOD!

ואנחנו נברך יה מעתה ועד עולם הללו יה׃