Psalm 107
1 “Sang kulo nu sin LEUM GOD mweyen El wo, Lungkulang lal oan ma pahtpat!”
| הדו ליהוה כי-טוב כי לעולם חסדו |
2 Kalweni in fahkak kas inge in kaksakin LEUM GOD, Kowos nukewa su El tuh molela. El tuh molikowosla liki mwet lokoalok lowos,
| יאמרו גאולי יהוה-- אשר גאלם מיד-צר |
3 Ac folokinkowosme liki mutunfacl saya, Liki acn kutulap ac roto, liki acn epang ac eir.
| ומארצות קבצם ממזרח וממערב מצפון ומים |
4 Kutu selos tuh forfor yen wangin inkanek we in acn mwesis Ac tia ku in konauk inkanek nu ke sie siti elos in muta we.
| תעו במדבר בישימון דרך עיר מושב לא מצאו |
5 Elos masrinsral ac malu Ac elos fuhleak finsrak lalos.
| רעבים גם-צמאים-- נפשם בהם תתעטף |
6 In ongoiya lalos, elos pang nu sin LEUM GOD Ac El molelosla liki keok lalos.
| ויצעקו אל-יהוה בצר להם ממצוקותיהם יצילם |
7 El kololosla ke soko inkanek suwohs Nu ke sie siti, yen elos ku in muta we.
| וידריכם בדרך ישרה-- ללכת אל-עיר מושב |
8 Fal elos in sang kulo nu sin LEUM GOD ke lungse kawil lal, Ac ke ma wolana El oru nu selos.
| יודו ליהוה חסדו ונפלאותיו לבני אדם |
9 El sang ma nimalos su malu, Ac akkihpyalos su masrinsral ke ma wo.
| כי-השביע נפש שקקה ונפש רעבה מלא-טוב |
10 Kutu selos muta in acn lohsr matoltol; Kapiri elos ke mwe kapir osra
| ישבי חשך וצלמות אסירי עני וברזל |
11 Mweyen elos lain sap ku lun God Kulana Ac pilesru mwe luti lal.
| כי-המרו אמרי-אל ועצת עליון נאצו |
12 Elos totola ke orekma upa lalos. Elos ikori a wangin mwet kasrelos.
| ויכנע בעמל לבם כשלו ואין עזר |
13 Na in ongoiya lalos, elos pang nu sin LEUM GOD, Ac El molelosla liki keok lalos.
| ויזעקו אל-יהוה בצר להם ממצקותיהם יושיעם |
14 El usalosme liki acn lohsr matoltol, Ac wotyalik mwe kapir kaclos.
| יוציאם מחשך וצלמות ומוסרותיהם ינתק |
15 Fal elos in sang kulo nu sin LEUM GOD ke lungse pwaye lal, Ac ke ma wolana El oru nu selos.
| יודו ליהוה חסדו ונפלאותיו לבני אדם |
16 El kunausya srungul orekla ke osra bronze, Ac koteya polo osra srumasriyen srungul uh.
| כי-שבר דלתות נחשת ובריחי ברזל גדע |
17 Kutu selos mwet lalfon, elos keok ke sripen ma koluk lalos, Ac ke ma sufal lalos.
| אולים מדרך פשעם ומעונתיהם יתענו |
18 Elos tia lungse liye kutena kain in mongo Ac elos apkuran in misa.
| כל-אכל תתעב נפשם ויגיעו עד-שערי מות |
19 Na ke elos sun ongoiya, elos pang nu sin LEUM GOD Ac El molelosla liki keok lalos.
| ויזעקו אל-יהוה בצר להם ממצקותיהם יושיעם |
20 El akkeyalosla ke sap ku lal, Ac molelosla liki misa.
| ישלח דברו וירפאם וימלט משחיתותם |
21 Fal elos in sang kulo nu sin LEUM GOD ke lungse pwaye lal, Ac ke ma wolana El oru nu selos.
| יודו ליהוה חסדו ונפלאותיו לבני אדם |
22 Lela elos in sang kulo nu sel ke mwe kisa firir, Ac fahkak orekma nukewa lal ke pusren on.
| ויזבחו זבחי תודה ויספרו מעשיו ברנה |
23 Kutu selos kalkal in meoa In suk mwe kasru nu selos ke elos orekma fin oak uh.
| ] יורדי הים באניות עשי מלאכה במים רבים |
24 Mwet inge liye ma LEUM GOD El ku in oru, Ac ma usrnguk El oru in meoa uh.
| ] המה ראו מעשי יהוה ונפלאותיו במצולה |
25 El kaskas na, ac eng uh tuhyak upalana Ac mokleak noa uh yokelik.
| ] ויאמר--ויעמד רוח סערה ותרומם גליו |
26 Oak uh touyak nwe lucng Ac sifil putati nwe ten. Ke sripen mwe sensen inge, mwet fin oak uh fosrngalana.
| ] יעלו שמים ירדו תהומות נפשם ברעה תתמוגג |
27 Elos tukulkul ac fahsr toptop oana mwet sruhi. Wanginla sripen etu lalos.
| ] יחוגו וינועו כשכור וכל-חכמתם תתבלע |
28 Na ke ongoiya inge sonolos, elos pang nu sin LEUM GOD Ac El molelosla liki keok lalos.
| ] ויצעקו אל-יהוה בצר להם וממצוקתיהם יוציאם |
29 El akmisyela paka uh, Ac noa uh mihsla.
| יקם סערה לדממה ויחשו גליהם |
30 Elos enganak mweyen mihsla, Ac El kololosla nu yen elos akwot in oai we.
| וישמחו כי-ישתקו וינחם אל-מחוז חפצם |
31 Lela elos in sang kulo nu sin LEUM GOD ke lungse pwaye lal, Ac ke ma wolana El oru nu selos.
| יודו ליהוה חסדו ונפלאותיו לבני אדם |
32 Lela elos in fahkulak in walil uh Ac kaksakunul ye mutun un mwet kol lalos.
| וירוממוהו בקהל-עם ובמושב זקנים יהללוהו |
33 LEUM GOD El akpaoyela infacl uh, Ac El tulokinya unon in kof in tia soror.
| ישם נהרות למדבר ומצאי מים לצמאון |
34 El ekulla fohk wowo in oana acn mwesis, yen wangin sak ku in kapak we, Ke sripen ma koluk lun mwet su muta we.
| ארץ פרי למלחה מרעת יושבי בה |
35 El ekulla acn mwesis nu ke lulu in kof Ac acn pao nu ke unon in kof.
| ישם מדבר לאגם-מים וארץ ציה למצאי מים |
36 Ac El lela tuh mwet su masrinsral in muta we, Na elos musaeak sie siti tuh elos in muta loac.
| ויושב שם רעבים ויכוננו עיר מושב |
37 Elos taknelik ima, ac yukwiya nien grape, Na ke elos kosrani, arulana pus fahko.
| ויזרעו שדות ויטעו כרמים ויעשו פרי תבואה |
38 El akinsewowoye mwet lal, ac akpusye tulik natulos. El oayapa oru tuh cow natulos in tia pueni.
| ויברכם וירבו מאד ובהמתם לא ימעיט |
39 Ke pacl mwet lun God elos kutangyukla ac akpusiselyeyuk Ke mwe keok ac moul upa sin mwet lokoalok lalos,
| וימעטו וישחו-- מעצר רעה ויגון |
40 God El fahkak sulung lal nu sin mwet su akkeokyalos Ac oru tuh elos in forfor yen wangin inkanek we in acn mwesis uh.
| ] שפך בוז על-נדיבים ויתעם בתהו לא-דרך |
41 Tusruktu El molela mwet ongoiya liki moul in keok lalos Ac oru tuh sou lalos in arulana puseni.
| וישגב אביון מעוני וישם כצאן משפחות |
42 Ke mwet suwoswos elos liye ma inge elos engan, A mwet koluk nukewa wanginla ma elos ku in fahk.
| יראו ישרים וישמחו וכל-עולה קפצה פיה |
43 Lela mwet lalmwetmet in nunku ke ma inge; Lela elos in nunku ke lungse pwaye lun LEUM GOD.
| מי-חכם וישמר-אלה ויתבוננו חסדי יהוה |
