Soakas 23
1 Kom fin wi sie mwet fulat muta mongo, esam akwoya lah su el uh.
| כי תשב ללחום את מושל בין תבין את אשר לפניך׃ |
2 Kom finne ke mongo yohk, kom eis na lupa fal.
| ושמת שכין בלעך אם בעל נפש אתה׃ |
3 Nimet oasroasr nu ke mwe mongo yuyu el kite kom kac. Sahp el oru in mwe srike kom.
| אל תתאו למטעמותיו והוא לחם כזבים׃ |
4 Kom in lalmwetmet, ac tia kemkatula in suk mwe kasrup.
| אל תיגע להעשיר מבינתך חדל׃ |
5 Mani lom uh ku in wanginla ke kitin pacl na — oana in oasr posohksok kac, na sohkla oana sie eagle.
| התעוף עיניך בו ואיננו כי עשה יעשה לו כנפים כנשר ועיף השמים׃ |
6 Nimet mongo yurin sie mwet srowohsr, ku mwel mwe mongo yuyu el oru.
| אל תלחם את לחם רע עין ואל תתאו למטעמתיו׃ |
7 El ac fahk mu, “Fahsru eis pac kutu mongo uh,” tusruktu el tia fahk ke inse pwaye. Nunak lal siena.
| כי כמו שער בנפשו כן הוא אכל ושתה יאמר לך ולבו בל עמך׃ |
8 Kom ac wihtacla ma kom kangla, ac kusen eyeinse lom uh wanginla sripa.
| פתך אכלת תקיאנה ושחת דבריך הנעימים׃ |
9 Nimet srike in sramsram in lalmwetmet nu sin sie mwet lalfon; el tia ku in eis in nunku kac.
| באזני כסיל אל תדבר כי יבוז לשכל מליך׃ |
10 Nimet mokle sie masrol matu, ku eisla acn lun mwet mukaimtal.
| אל תסג גבול עולם ובשדי יתומים אל תבא׃ |
11 LEUM GOD El ac loangelos ke ku lal, ac aolulos in sramsram lain kom.
| כי גאלם חזק הוא יריב את ריבם אתך׃ |
12 Porongo mwet luti lom, ac sang kuiyom in lutlut.
| הביאה למוסר לבך ואזנך לאמרי דעת׃ |
13 Nimet alolo in kai sie tulik. Sie sringsring fal ac tia unilya,
| אל תמנע מנער מוסר כי תכנו בשבט לא ימות׃ |
15 Tulik nutik, kom fin sun lalmwetmet, nga ac arulana insewowo.
| בני אם חכם לבך ישמח לבי גם אני׃ |
16 Nga ac arulana engan ke nga lohng kom fahk kas lalmwetmet.
| ותעלזנה כליותי בדבר שפתיך מישרים׃ |
17 Nimet sok sin mwet koluk, a kom in akfulatye LEUM GOD pacl nukewa.
| אל יקנא לבך בחטאים כי אם ביראת יהוה כל היום׃ |
18 Fin ouinge, kom ac fah sun finsrak nukewa lom.
| כי אם יש אחרית ותקותך לא תכרת׃ |
19 Tulik nutik, porongeyu. Kom in lalmwetmet ac nunak akloalya ke ouiyen moul lom.
| שמע אתה בני וחכם ואשר בדרך לבך׃ |
20 Nimet kupasr nu sin mwet nim wain yokla ac kainmongo.
| אל תהי בסבאי יין בזללי בשר למו׃ |
21 Mwet lungse nimnim ac mwet kainmongo elos ac sukasrup. Fin pwayena ma kom oru pa mongo ac motul, ac tia paht na kom nukum nuknuk mihsasa.
| כי סבא וזולל יורש וקרעים תלביש נומה׃ |
22 Porongo papa tomom — funu tia el, kom lukun wangin. Ke pacl se nina kiom el matuoh, akkalemye srui lom nu sel.
| שמע לאביך זה ילדך ואל תבוז כי זקנה אמך׃ |
23 Pwaye, lalmwetmet, lutlut, ac etauk — ma inge kewa fal kom in moli, tusruktu kom in tia kukakunla, mweyen ma inge arulana saok.
| אמת קנה ואל תמכר חכמה ומוסר ובינה׃ |
24 Mwe insewowo nu sin sie papa tulik natul fin lalmwetmet ac moul suwohs.
| גול יגול אבי צדיק יולד חכם וישמח בו׃ |
25 Oru ma ac akinsewowoye papa tomom ac nina kiom. Kom fin oru ouinge, nina kiom el ac arulana engan.
| ישמח אביך ואמך ותגל יולדתך׃ |
26 Wen nutik, lohang akwoya, ac lela moul luk in mwe srikasrak nu sum.
| תנה בני לבך לי ועיניך דרכי תרצנה׃ |
27 Mutan kosro su eis molin kosro lalos, ac mutan koluk uh, elos sie kwasrip nu ke misa.
| כי שוחה עמקה זונה ובאר צרה נכריה׃ |
28 Elos soanekom oana mwet pisrapasr, ac oru mukul puspis in tia pwaye nu sin mutan kialos.
| אף היא כחתף תארב ובוגדים באדם תוסף׃ |
29 Su oasr ongoiya yoro? Su oasr asor yoro? Su amei ac lungse anwuk finne wangin sripa? Su srusrala atronmuta?
| למי אוי למי אבוי למי מדונים למי שיח למי פצעים חנם למי חכללות עינים׃ |
30 Elos su muta paht ke wain uh, ac elos su kar mwe nim ku.
| למאחרים על היין לבאים לחקר ממסך׃ |
31 Nimet lela wain uh in srifekomla, finne srusra ac saromrom in cup uh, ac arulana wo emah ke kom ac ukumya uh.
| אל תרא יין כי יתאדם כי יתן בכיס עינו יתהלך במישרים׃ |
32 Ke lotutang tok ah, kom ac pula mu oana soko wet pwasin el ngaliskomi.
| אחריתו כנחש ישך וכצפעני יפרש׃ |
33 Motom ac liye ma sakirik, ac nunak lom ac kaskas lom ac fah tia kalem.
| עיניך יראו זרות ולבך ידבר תהפכות׃ |
34 Kom ac pula mu kom kalkal meoa — ikwot ikme oana ke kom muta elucng ke kwesu in oak uh.
| והיית כשכב בלב ים וכשכב בראש חבל׃ |
35 Na kom ac fahk, “Oasr mwet puokyu, nga tia pula. Oasr mwet uniyu tuh nga tiana esam. Efu ku nga kofla in tukakek? Nga enenu sie pac mwe nim ah.”
| הכוני בל חליתי הלמוני בל ידעתי מתי אקיץ אוסיף אבקשנו עוד׃ |
