Soakas 10
1 Pa inge soakas lal Solomon: Sie wen lalmwetmet el akinsewowoye papa tumal. Sie wen lalfon el mwe toasr nu sin nina kial.
| משלי שלמה בן חכם ישמח-אב ובן כסיל תוגת אמו |
2 Mwe kasrup ma kom eis ke inkanek koluk, wangin ma wo ac tuku kac, a moul suwohs ku in molela moul lom.
| לא-יועילו אוצרות רשע וצדקה תציל ממות |
3 LEUM GOD El ac fah tia lela mwet wo in masrinsral, a El ac taran tuh mwet koluk in tia eis ma elos lungse.
| לא-ירעיב יהוה נפש צדיק והות רשעים יהדף |
4 Alsrangesr ac oru kom in sukasrup, a alken in orekma ac oru kom in kasrup.
| ראש--עשה כף-רמיה ויד חרוצים תעשיר |
5 Sie mwet etu nunak el kosrani fukun ima lal ke pacl fal — sie mwe mwekin in motul ke pacl in kosrani.
| אגר בקיץ בן משכיל נרדם בקציר בן מביש |
6 Sie mwet wo ac eis mwe insewowo, a kas lun sie mwet koluk okanla elah sulallal oan in el.
| ברכות לראש צדיק ופי רשעים יכסה חמס |
7 Mwet wo uh esamyuk oana sie mwe insewowo, a mwet koluk fah sa in mulkinyukla.
| זכר צדיק לברכה ושם רשעים ירקב |
8 Mwet etu nunak elos engan in eis kas in kasru. Mwet kaskas lalfon fah kunausyukla.
| חכם-לב יקח מצות ואויל שפתים ילבט |
9 Mwet moul suwohs uh fah misla ac okak, a mwet sesuwos ac fah sruhu.
| הולך בתם ילך בטח ומעקש דרכיו יודע |
10 El su okanla ma pwaye ac ku in pwanang lokoalok, a el su pulaik in kai ke orekma tafongla, ac orala misla.
| קרץ עין יתן עצבת ואויל שפתים ילבט |
11 Kas lun sie mwet wo oana sie unon in moul, a kas lun sie mwet koluk okanla elah sulallal oan in el.
| מקור חיים פי צדיק ופי רשעים יכסה חמס |
12 Srunga uh purakak lokoalok, a lungse fah nunak munas ke ma tafongla nukewa.
| שנאה תערר מדנים ועל כל-פשעים תכסה אהבה |
13 Kas lun mwet lalmwetmet oasr kalmac, a mwet lalfon uh enenu in kalyeiyuk.
| בשפתי נבון תמצא חכמה ושבט לגו חסר-לב |
14 Mwet lalmwetmet uh kena akyokye etauk lalos, a kas lusrongten lun mwet lalfon ac pwanma lokoalok.
| חכמים יצפנו-דעת ופי-אויל מחתה קרבה |
15 Kasrup uh ma karinginyen mwet kasrup; a sukasrup uh kunausla mwet sukasrup.
| הון עשיר קרית עזו מחתת דלים רישם |
16 Lacnen orekma wo pa moul; a ma koluk uh mwe na akyokye ma koluk.
| פעלת צדיק לחיים תבואת רשע לחטאת |
17 Mwet su porongo kas in kai ac fah moul, a elos su tia ku in fahkak lah oasr tafongla lalos, mwe sensen nu selos.
| ארח לחיים שומר מוסר ועזב תוכחת מתעה |
18 Mwet se su okanla srunga lal uh, el sie mwet kikiap. El su srumunelik kas in lesrik, el sie mwet lalfon.
| מכסה שנאה שפתי-שקר ומוצא דבה הוא כסיל |
19 Kom fin kaskas pusla, ac ku in pwanang kom orala ma koluk. Kom fin lalmwetmet, na kom mislana.
| ברב דברים לא יחדל-פשע וחושך שפתיו משכיל |
20 Kas lun sie mwet wo oana silver nasnas, a nunak lun sie mwet koluk wanginna sripa.
| כסף נבחר לשון צדיק לב רשעים כמעט |
21 Kaskas lun sie mwet wo ac akwoye moul lun mwet puspis, a lalfon lom ku in unikom sifacna.
| שפתי צדיק ירעו רבים ואוילים בחסר-לב ימותו |
22 Mwe akinsewowo sin LEUM GOD pa oru kom in kasrup. Orekma upa tia ku in akyokye kasrup lom.
| ברכת יהוה היא תעשיר ולא-יוסף עצב עמה |
23 Ma lalfon se pa in oru ma koluk. Mwet oasr etauk yoro elos engankin lalmwetmet.
| כשחוק לכסיל עשות זמה וחכמה לאיש תבונה |
24 Ac itukyang nu sin mwet suwoswos ma elos kena kac, a mwet koluk uh ac sun ma elos arulana sangeng kac.
| מגורת רשע היא תבואנו ותאות צדיקים יתן |
25 Ke paka uh tuku, mwet koluk uh ac ukukla, a mwet wo uh muta okak in pacl nukewa.
| כעבור סופה ואין רשע וצדיק יסוד עולם |
26 Nimet eis sie mwet alsrangesr in orekma lom. El ac oana vinegar nu ke wihsum, ku kulasr nu ke atronmotom.
| כחמץ לשנים--וכעשן לעינים כן העצל לשלחיו |
27 Akfulatye LEUM GOD na ac fah loes moul lom, a moul lun mwet koluk ac akfototoyeyuk.
| יראת יהוה תוסיף ימים ושנות רשעים תקצרנה |
28 Finsrak lun mwet wo uh pa mwe insewowo; a mwet koluk uh wangin ma elos ac finsrak nu kac.
| תוחלת צדיקים שמחה ותקות רשעים תאבד |
29 LEUM GOD El loango mwet suwoswos, a El kunauselosla su orekma koluk.
| מעוז לתם דרך יהוה ומחתה לפעלי און |
30 Mwet suwoswos fah muta okak pacl nukewa, a mwet koluk uh fah tia ku in mutana fin acn uh.
| צדיק לעולם בל-ימוט ורשעים לא ישכנו-ארץ |
31 Mwet suwoswos elos fahk kas lalmwetmet, a loh ma fahk ma koluk fah tulokinyuki.
| פי-צדיק ינוב חכמה ולשון תהפכות תכרת |
32 Mwet suwoswos elos etu in fahk kas kulang; a mwet koluk uh fahk kas in aktoasrye mwet pacl nukewa.
| שפתי צדיק ידעון רצון ופי רשעים תהפכות |
