Job 23

1 Na Job el fahk,

2 “Nga srakna torkaskas ac lain God; Nga tia ku in kutongya sasao luk.

3 Seyal nga ke etu lah nga ac konalak ya, Ac lah nga ac ut ya nu yen El muta we.

4 Nga lukun fahkang na nunak luk nu sel Ac takunang nufon ma nga pulakin mu pwaye sik.

5 Nga ke etu lah mea El ac fahk, Ac lah El ac topukyu fuka.

6 Ya God El ac lainyu ke ku lal nufon? Mo, El ac porongo na ke nga ac kaskas uh.

7 In pacl sac El ac engan in lohng sramsram luk, mweyen nga inse pwayena nu sel; Na El ac fah akkalemye lah El tuleyula, ingela nwe tok.

8 “Nga tuh sokol kutulap, tuh El wangin we; Nga tia pacna konalak ke nga sokol roto ah.

9 El tuh orekma na epang ac eir, Tuh nga tia pacna liyal we.

10 Ne ouinge a God El etu nufon acn nga forfor we; El fin srikeyu, El ac konauk lah nga nasnasna.

11 Nga oaru na in fahsr ke inkanek ma El sulela nu sik uh, Ac tiana kuhfla liki.

12 Nga oru na ma El sapkin pacl nukewa; Nga fahsrna ke ma lungse lal ac tia lungse luk sifacna.

13 “God El tiana ekyek. Wangin mwet ku in kifasulla, Ku tulokinilya liki ma El lungse oru uh.

14 El ac oralana ma El akou in oru nu sik; Ako se lal inge siena sin ma pus ma El ke oru nu sik uh.

15 Nga arulana rarrar ac sangeng ye mutal.

16 God pa arulana akmunasyela nunak luk uh. El su Kulana El arulana aksangengyeyu.

17 Finne lohsr uh kosrala mutuk, Nga tiana misla in fahk nunak luk uh.