Luo Tokosra 11
1 Ke na pacl se Athaliah, nina kial Tokosra Ahaziah, el lohngak lah akmuseyuki wen se natul ah, el sap in anwukla nufon mwet in sou in leum uh.
阿哈齊雅的母親阿塔里雅見自己的兒子已死，便起來消滅王室所有的後裔。
2 Joash, wen natul Ahaziah mukena kaingla. El lukunna wi mwet ngia anwuki, tuh pa moliyukla el sel Jehosheba, ma loul Tokosra Ahaziah papa tumal ah, ac ma natul Tokosra Jehoram. Jehosheba el usalla ac mutan to se lal nu infukil in motul se in Tempul, ac okanulla lukel Athaliah, pwanang el tia wi anwuki.
但約蘭王的女兒，阿哈齊雅的姊姊約舍巴，將阿哈齊雅的兒子約阿士，從被殺的王太子中偷了出來，把他和他的奶媽安置在寢室內，藏了起來，沒有讓阿塔里雅看見：這樣纔沒有被殺。
3 Jehosheba el okanulla in Tempul ke yac onkosr ac karinganulang ke pacl Athaliah el kasra ac leum fin acn uh.
約阿士和他的奶媽，在上主的殿內隱藏了六年，當時由阿塔里雅主持國政。
4 Tusruktu in yac se akitkosr, Jehoiada mwet tol el sapla nu sin mwet kol lun mwet mweun karinginyal tokosra ac un mwet topang inkul sin tokosra, ac fahk elos in tuku nu in Tempul, ac fulahk we lah elos ac insese nu ke ma su el akola in oru. El kololma Joash, wen natul Tokosra Ahaziah, nu ye mutalos
第七年，約雅達派人將眾百夫長，加黎人隊長和衛隊長召來，領進上主的殿，與他們立約，在上主殿內起誓，然後引君王的兒子出來與他們相見，
5 ac sapkin nu selos: “Ke pacl se kowos ac oru orekma kunowos ke len Sabbath, sie tafu tolu suwos ac fah karingin inkul fulat sin tokosra,
同時吩咐他們說：「你們應這樣行事，在安息日進宮值班的三分之一，要照例守衛王宮，
6 ac sie tafu tolu ac fah karingin Mutunpot Sur, ac sie tafu tolu ac liyaung mutunpot se ma oan tukun mwet topang ngia.
另三分之一守衛穌爾門，另三分之一把守守衛者的後門；仍照舊值班守衛聖殿。
7 U luo ma tia orekma ke len Sabbath an elos ac liyaung Tempul in karinganul tokosra.
在安息日從上主殿內下班的兩隊，仍應在上主的殿內戒備，
8 Kowos sruok na cutlass nutuwos an inpouwos ke kowos karinganulang Tokosra Joash, ac welul yen nukewa el fahsr nu we. Kutena mwet fin tuku apkuran nu yuruwos, kowos uniya.”
各人要手裡拿著武器環繞君王。擅入防線的，即將他殺死；君王出入時，你們要緊隨不離。」
9 Mwet kol inge elos akos sap lal Jehoiada, ac use mwet lalos nu yorol — kewana mwet ma orekma tari ke len Sabbath, ac mwet ma tuku in aolulos.
百夫長就按照司祭約雅達所吩咐的一切去行，各自帶領在安息日值班，和在安息日下班的士兵，來見司祭約雅達。
10 El sang nu sin mwet kol inge osra in fakfuk ac mwe loeyuk natul Tokosra David, su ma tuh karinginyuk in Tempul,
司祭便將上主殿內屬達味王的刀槍和盾牌，交給了眾百夫長。
11 ac el oakiya mwet inge yen selos ke cutlass natulos akola, ac elos tu raunela mutun Tempul in karinganul tokosra.
衛兵每人所持武器，自殿右至殿左，面對祭壇和聖殿，環立在君王四周；
12 Na Jehoiada el pwenilya Joash nu likin Tempul uh, oakiya tefuro nu fin sifal, ac sang nu sel ma simusla ke ma oakwuk nu ke tokosra. Ouinge Joash el mosrweyukla ac fwackyak lah el pa tokosra. Na mwet uh paspasla ac wowoyak ac fahk, “In paht moul lal tokosra!”
然後引出太子來，給他加冕，將約書交給他，立他為王，給他傅油，在場民眾都鼓掌歡呼：「君王萬歲! 」
13 Kasra Athaliah el lohngak pusren wowon lun mwet topang ac mwet ah, na el sulaklak som nu ke Tempul, yen mwet uh tukeni we.
阿塔里雅聽見民眾叫喊聲，就進上主的殿，到民眾前。
14 Ac el liyauk tokosra sasu se tu ke sru soko ke nien utyak nu in Tempul, in oana facsin lalos. Tokosra el rauniyukla sin mwet kol lun mwet mweun ac mwet ukuk, ac mwet nukewa sasa ke engan lulap, ac uk mwe ukuk natulos. Athaliah el foloyak, seseya nuknuk lal, wowoyak ac fahk, “Tunyuna! Tunyuna!”
她一看，見君王照儀式站在高台上，官長和吹號角的，都站在君王兩旁，所有當地人民歡樂吹號；阿塔里雅就撕裂了自己的衣服，喊叫說：「反了，反了! 」
15 Jehoiada el tia lungse in anwuki Athaliah inkul lun Tempul, ouinge el sapkin nu sin mwet kol lun mwet mweun, “Usal fahla inmasrlon takin mwet mweun an nu likin kalkal uh, ac uniya kutena mwet ma srike in molella.”
約雅達司祭即吩咐帶領軍隊的眾百夫長說：「將她從行列中趕出去，凡跟隨她的，都用刀殺死。」原來司祭曾吩咐說：不可在上主的殿內殺她。
16 Elos sruokilya, usalla nu inkul sin tokosra, ac unilya ke Mutunpot Horse.
於是眾人捉住她；當她由馬門進入王宮時，就地將她殺了。
17 Mwet tol Jehoiada el oru tuh Tokosra Joash ac mwet uh in orala sie wulela lalos yurin LEUM GOD, lah elos ac mwet na lun LEUM GOD. El oayapa orala sie wulela inmasrlon tokosra ac mwet uh.
此後，約雅達使君王和人民與上主立約，作上主的人民；又使君王與人民立約。
18 Na mwet uh som nu ke tempul lun Baal ac kunausya. Elos fukulya loang ac ma sruloala we, ac unilya Mattan, su mwet tol lun Baal, ye mutun loang uh. Jehoiada el sang in oasr mwet topang su forfor taran Tempul,
然後，所有當地人民都到巴耳廟去，將廟拆毀，將祭壇推翻，將神像完全打碎，在祭台前斬了巴耳的司祭瑪堂。司祭約雅達又調派士兵把守上主的殿，
19 na el, oayapa leum lun mwet mweun, wi mwet mweun su karinganul tokosra ac mwet karingin inkul sin tokosra, elos pwenilya tokosra liki Tempul nu ke inkul fulat sel, ac mwet nukewa fahsr tokolos. Tokosra Joash el utyak ke Mutunpot lun Mwet Topang ac muta fin tron lal.
以後，率領眾百夫長、加黎人、衛兵和所有當地人民，請君王從上主的殿下來，經衛兵門進入王宮，請他坐在王座上。
20 Mwet nukewa sessesla ke engan, ac siti sac misla ke sripen Athaliah el tuh anwuki ke inkul sin tokosra.
全國人民都歡樂喜慶，京城也很平靜。至於阿塔里雅，已在王宮用刀殺死。
21 Joash el tokosrala lun Judah ke el yac itkosr.
約阿士即位時，纔七歲；
