시편 118
1 여호와께 감사하라! 저는 선하시며 그 인자하심이 영원함이로다
Whakawhetai ki a Ihowa; he pai hoki ia, he pumau tonu hoki tana mahi tohu.
2 이제 이스라엘은 말하기를 그 인자하심이 영원하다 할지로다
Kia mea a Iharaira, He pumau tonu tana mahi tohu.
3 이제 아론의 집은 말하기를 그 인자하심이 영원하다 할지로다
Kia mea te whare o Arona, He pumau tonu tana mahi tohu.
4 이제 여호와를 경외하는 자는 말하기를 그 인자하심이 영원하다 할지로다
Kia mea te hunga e wehi ana i a Ihowa, He pumau tonu tana mahi tohu.
5 내가 고통 중에 여호와께 부르짖었더니 여호와께서 답하시고 나를 광활한 곳에 세우셨도다
I karanga ahau ki a Ihowa i roto i te pouri: i whakahoki kupu mai a Ihowa ki ahau, i whakatu hoki i ahau ki te wahi whanui.
6 여호와는 내 편이시라 내게 두려움이 없나니 내게 어찌할꼬
Kei ahau a Ihowa; e kore ahau e wehi: he aha ta te tangata e mea ai ki ahau?
7 여호와께서 내 편이 되사 나를 돕는 자 중에 계시니 그러므로 나를 미워하는 자에게 보응하시는 것을 내가 보리로다
Kei ahau a Ihowa kei roto i oku kaiawhina: no reira tera ahau e kite i taku i hiahia ai ki te hunga e kino ana ki ahau.
8 여호와께 피함이 사람을 신뢰함보다 나으며
Ko te whakawhirinaki ki a Ihowa, pai atu i te whakaaro ki te tangata.
9 여호와께 피함이 방백들을 신뢰함보다 낫도다
Ko te whakawhirinaki ki a Ihowa, pai atu i te okioki ki nga rangatira.
I karapotia ahau e nga iwi katoa: ka ngaro ratou i ahau i runga i te ingoa o Ihowa.
I karapotia ahau e ratou: ae, i karapotia ahau e ratou: ka ngaro ratou i ahau i runga i te ingoa o Ihowa.
Me te mea he pi ratou e mui ana ki ahau; kua pirau ratou ano he ahi tataramoa: i ngaro hoki ratou i ahau i runga i te ingoa o Ihowa.
Kaha pu tau turaki i ahau, kia hinga ai ahau: na Ihowa ia ahau i awhina mai.
Ko Ihowa toku kaha, taku himene, ko ia ano toku whakaoranga.
He reo hari, he reo whakaoranga, kei nga tapenakara o te hunga tika: he maia nga mahi a te ringa matau o Ihowa.
Kua whakanuia te matau o Ihowa: he maia nga mahi a te ringa matau o Ihowa.
E kore ahau e mate, engari tera ahau e ora, hei whakapuaki i nga mahi a Ihowa.
I pakia rawatia ahau e Ihowa: otiia kihai ahau i tukua e ia kia mate.
Whakatuwheratia ki ahau nga kuwaha o te tika: ka tomo ahau ki roto, ka whakamoemiti ki a Ihowa.
Ko te kuwaha tenei o Ihowa: ka tomo te hunga tika ki reira.
Ka whakamoemiti ahau ki a koe, mou i whakahoki kupu mai ki ahau, kua meinga hoki ko koe hei whakaora moku.
Ko te kohatu i kapea e nga kaihanga, kua meinga hei upoko mo te kokonga.
Na Ihowa tenei: he mea miharo ki o tatou kanohi.
Ko te ra tenei i hanga e Ihowa kia whakamanamana, kia koa tatou i reira.
Whakaorangia ra aianei, e Ihowa: tena ra, e Ihowa, homai he ngahuru ki a matou.
Kia whakapaingia te tangata e haere mai ana i runga i te ingoa o Ihowa: kua whakapaingia koutou e matou i roto i te whare o Ihowa.
Ko Ihowa te Atua, a nana i homai te marama ki a tatou: herea te patunga tapu ki nga aho, ki nga haona ra ano o te aata.
Ko koe toku Atua, maku koe e whakamoemiti: toku Atua, maku koe e whakanui.
Whakawhetai ki a Ihowa; he pai hoki ia: he pumau tonu tana mahi tohu.
