시편 118
1 여호와께 감사하라! 저는 선하시며 그 인자하심이 영원함이로다
Sang kulo nu sin LEUM GOD, tuh El wo, Ac lungkulang lal oan ma pahtpat.
2 이제 이스라엘은 말하기를 그 인자하심이 영원하다 할지로다
Lela mwet Israel in fahk, “Lungkulang lal oan ma pahtpat.”
3 이제 아론의 집은 말하기를 그 인자하심이 영원하다 할지로다
Lela mwet tol lun God in fahk, “Lungkulang lal oan ma pahtpat.”
4 이제 여호와를 경외하는 자는 말하기를 그 인자하심이 영원하다 할지로다
Lela elos nukewa su alu nu sel in fahk, “Lungkulang lal oan ma pahtpat.”
5 내가 고통 중에 여호와께 부르짖었더니 여호와께서 답하시고 나를 광활한 곳에 세우셨도다
In ongoiya luk nga pang nu sin LEUM GOD. El topukyu ac aksukosokyeyula.
6 여호와는 내 편이시라 내게 두려움이 없나니 내게 어찌할꼬
LEUM GOD El wiyu, nga fah tia sangeng; Mea mwet uh ku in oru nu sik?
7 여호와께서 내 편이 되사 나를 돕는 자 중에 계시니 그러므로 나를 미워하는 자에게 보응하시는 것을 내가 보리로다
LEUM GOD pa kasreyu, Ac nga fah liye ke mwet lokoalok luk kutangyukla.
8 여호와께 피함이 사람을 신뢰함보다 나으며
Wo in lulalfongi LEUM GOD Liki in lulalfongi mwet uh.
9 여호와께 피함이 방백들을 신뢰함보다 낫도다
Wo in lulalfongi LEUM GOD Liki in lulalfongi mwet kol faclu.
Mwet lokoalok pus rauniyula, Tusruktu nga kunauselosla ke ku lun LEUM GOD!
Elos apinyula ke siska nukewa, Tusruktu nga kunauselosla ke ku lun LEUM GOD!
Elos rirme apinyula oana bee uh, Tusruktu elos firiryak ac sa na wanginla, oana firirla lun mah pao; Nga kunauselosla ke ku lun LEUM GOD.
Elos mweuniyu arulana upa, ac nga apkuran in kutangyukla, Tusruktu, LEUM GOD El kasreyu.
LEUM GOD El oru tuh nga in ku ac fokoko; El moliyula.
Porongo pusren sasa in engan ke kutangla in lohm nuknuk sin mwet lun God, “Ku lulap lun LEUM GOD pa oru ma inge!
Ku lal pa ase kutangla nu sesr, Aok ku lal in pacl in mweun.”
Nga fah tia misa, a nga ac moul Ac fahkak ke ma LEUM GOD El oru.
El arulana kaiyu upa, Tusruktu El tiana lela nga in misa.
Ikasla mutunpot lun Tempul nu sik. Nga ac fah utyak ac sang kulo nu sin LEUM GOD!
Pa inge mutunpot lun LEUM GOD; Mwet suwoswos mukena ku in utyak we.
Nga kaksakin kom, LEUM GOD, tuh kom lohngyu, Ac ase kutangla nu sik.
Eot se su mwet musa elos sisla, Sikyak tuh pa inge eot se ma yohk sripa oemeet.
Ma inge ma LEUM GOD El oru; Fuka lupan woiya ke kut liye!
Pa inge len se su LEUM GOD El orala; Lela kut in engan ac akfulatye!
Molikutla, LEUM GOD, molikutla! Ase wo ouiya nu sesr, LEUM GOD!
Lela God Elan akinsewowoye el su tuku ke Inen LEUM GOD! Liki Tempul lun LEUM GOD kut akinsewowoye kom.
Tuh LEUM GOD El God, El ase kalem nu sesr. Ke lesak inpouwos kowos in mutawauk pacl in akfulat Ac fahsr rauni loang uh.
Kom God luk, ac nga sot kulo nu sum; Nga fah fahkak fulat lom.
Sang kulo nu sin LEUM GOD, tuh El wo Ac lungkulang lal oan ma pahtpat.
