시편 118
1 여호와께 감사하라! 저는 선하시며 그 인자하심이 영원함이로다
Yamikani Yehova chifukwa ndi wabwino; pakuti chikondi chake chosasinthika ndi chosatha.
2 이제 이스라엘은 말하기를 그 인자하심이 영원하다 할지로다
Israeli anene kuti: “Chikondi chake ndi chosatha.”
3 이제 아론의 집은 말하기를 그 인자하심이 영원하다 할지로다
Banja la Aaroni linene kuti, “Chikondi chake ndi chosatha.”
4 이제 여호와를 경외하는 자는 말하기를 그 인자하심이 영원하다 할지로다
Iwo amene amaopa Yehova anene kuti: “Chikondi chake ndi chosatha.”
5 내가 고통 중에 여호와께 부르짖었더니 여호와께서 답하시고 나를 광활한 곳에 세우셨도다
Ndili mʼmasautso anga ndinalirira Yehova, ndipo Iye anayankha pondichotsa mʼmasautsowo.
6 여호와는 내 편이시라 내게 두려움이 없나니 내게 어찌할꼬
Yehova ali nane; sindidzachita mantha. Munthu angandichite chiyani?
7 여호와께서 내 편이 되사 나를 돕는 자 중에 계시니 그러므로 나를 미워하는 자에게 보응하시는 것을 내가 보리로다
Yehova ali nane; Iye ndiye thandizo langa. Ndidzayangʼana adani anga mwachipambano.
8 여호와께 피함이 사람을 신뢰함보다 나으며
Nʼkwabwino kuthawira kwa Yehova kusiyana ndi kudalira munthu.
9 여호와께 피함이 방백들을 신뢰함보다 낫도다
Nʼkwabwino kuthawira kwa Yehova kusiyana ndi kudalira mafumu.
Anthu a mitundu yonse anandizinga, koma mʼdzina la Yehova ndinawawononga.
Anandizinga mbali zonse, koma mʼdzina la Yehova ndinawawononga.
Anandizinga ngati njuchi, koma anatha msanga ngati moto wapaminga; mʼdzina la Yehova ndinawawononga.
Anandikankha uku ndi uko ndipo ndinali pafupi kugwa, koma Yehova anandithandiza.
Yehova ndiye mphamvu yanga ndi nyimbo yanga; Iye wakhala chipulumutso changa.
Mfuwu wachimwemwe ndi chipambano ukumveka mʼmatenti a anthu olungama mtima kuti: “Dzanja lamanja la Yehova lachita zamphamvu!
Dzanja lamanja la Yehova latukulidwa mmwamba Dzanja lamanja la Yehova lachita zamphamvu!”
Sindidzafa koma ndidzakhala ndi moyo ndipo ndidzalalika za ntchito ya Yehova.
Yehova wandilanga koopsa, koma sanandipereke ku imfa.
Tsekulireni zipata zachilungamo, kuti ndifike kudzayamika Yehova.
Ichi ndicho chipata cha Yehova chimene olungama mtima okha adzalowerapo.
Ndidzakuyamikani chifukwa Inu munandiyankha; mwakhala chipulumutso changa.
Mwala umene amisiri omanga nyumba anawukana wasanduka wapangodya;
Yehova ndiye wachita zimenezi ndipo nʼzodabwitsa pamaso pathu.
Lero ndiye tsiku limene Yehova walipanga; tiyeni tikondwere ndi kusangalala nalo.
Inu Yehova, tipulumutseni; Yehova, tipambanitseni.
Wodala amene akubwera mʼdzina la Yehova. Tikukudalitsani kuchokera ku nyumba ya Yehova.
Yehova ndi Mulungu, ndipo kuwala kwake kwatiwunikira Ife. Lowani nawo pa mʼdipiti wa ku chikondwerero mutanyamula nthambi mʼdzanja lanu, mpaka ku nyanga za guwa.
Inu ndinu Mulungu wanga, ndipo ndidzakuyamikani; Inu ndinu Mulungu wanga, ndipo ndidzakukwezani.
Yamikani Yehova chifukwa ndi wabwino; pakuti chikondi chake chosasinthika ndi chosatha.
