시편 118
1 여호와께 감사하라! 저는 선하시며 그 인자하심이 영원함이로다
Vongai Jehovha, nokuti akanaka; rudo rwake runogara nokusingaperi.
2 이제 이스라엘은 말하기를 그 인자하심이 영원하다 할지로다
Israeri ngaati, “Rudo rwake runogara nokusingaperi.”
3 이제 아론의 집은 말하기를 그 인자하심이 영원하다 할지로다
Imba yaAroni ngaiti, “Rudo rwake runogara nokusingaperi.”
4 이제 여호와를 경외하는 자는 말하기를 그 인자하심이 영원하다 할지로다
Avo vanotya Jehovha ngavati, “Rudo rwake runogara nokusingaperi.”
5 내가 고통 중에 여호와께 부르짖었더니 여호와께서 답하시고 나를 광활한 곳에 세우셨도다
Mukurwadziwa kwangu ndakadana kuna Jehovha, uye akandipindura nokundisunungura.
6 여호와는 내 편이시라 내게 두려움이 없나니 내게 어찌할꼬
Jehovha aneni; handingatyi. Munhu angandiiteiko?
7 여호와께서 내 편이 되사 나를 돕는 자 중에 계시니 그러므로 나를 미워하는 자에게 보응하시는 것을 내가 보리로다
Jehovha aneni; ndiye mubatsiri wangu. Ndichatarira vavengi vangu nokukunda.
8 여호와께 피함이 사람을 신뢰함보다 나으며
Zviri nani kutizira kuna Jehovha pano kuvimba nomunhu.
9 여호와께 피함이 방백들을 신뢰함보다 낫도다
Zviri nani kutizira kuna Jehovha pano kuvimba namachinda.
Ndudzi dzose dzakandikomba, asi ndakavaparadza muzita raJehovha.
Vakandikomba pamativi ose, asi ndakavaparadza muzita raJehovha.
Vakandimomotera senyuchi, asi vakakurumidza kufa seminzwa inotsva, ndakavaparadza muzita raJehovha.
Ndakasundidzirwa shure uye ndikada kuwa, asi Jehovha akandibatsira.
Jehovha ndiye simba rangu norwiyo rwangu; ndiye ava ruponeso rwangu.
Kupembera kwomufaro nokukunda kunonzwika mumatende avakarurama kuchiti: “Ruoko rworudyi rwaJehovha rwakaita zvinhu zvikuru!
Ruoko rworudyi rwaJehovha rwakasimudzirwa kumusoro; ruoko rworudyi rwaJehovha rwakaita zvinhu zvikuru!”
Handingafi asi ndichararama, uye ndichaparidza zvakaitwa naJehovha.
Jehovha akandiranga kwazvo, asi haana kundiisa kurufu.
Ndizarurireiwo masuo okururama; ndichapinda ndigovonga Jehovha.
Iri ndiro suo raJehovha panopinda navakarurama.
Ndichakuvongai, nokuti makandipindura; makava ruponeso rwangu.
Dombo rakarambwa navavaki ndiro rakazova musoro wekona;
Jehovha akaita izvi, uye zvinoshamisa pamberi pedu.
Iri ndiro zuva rakaitwa naJehovha; ngatifarei kwazvo tifarisise mariri.
Haiwa Jehovha, tiponesei; haiwa Jehovha, tipeiwo kubudirira.
Akaropafadzwa uyo anouya muzita raJehovha. Tiri mumba maJehovha tinokuropafadzai.
Jehovha ndiye Mwari, uye akaita kuti chiedza chake chivhenekere pamusoro pedu. Namatavi muruoko, pinda mumudungwe ubatane navamwe vari kuenda kunyanga dzearitari.
Imi muri Mwari wangu, uye ndichakuvongai; ndimi Mwari wangu, uye ndichakukudzai.
Vongai Jehovha, nokuti akanaka; rudo rwake runogara nokusingaperi.
