Sams-Zgame 9

1 Ra Anumzamofona mika nagu'areti hu'na susu hunente'na agi'a erisga nehu'na, hentofa zama tro'ma hu'nea zamofo agenkea eri ama hugahue.

למנצח עלמות לבן מזמור לדוד אודה יהוה בכל לבי אספרה כל נפלאותיך׃

2 Marerirfa Anumzamoka, muse nehu'na zagame hu'na kagia erisga hugahue.

אשמחה ואעלצה בך אזמרה שמך עליון׃

3 Hagi ha' vahe'nimo'zama rukrahe'ma hanu'za, kagri kavuga traka hu'za frigahaze.

בשוב אויבי אחור יכשלו ויאבדו מפניך׃

4 Na'ankure kagra kema refko hu trate mani'nenka fatgo hunka keaga refko nehunka, nagrira fatgo hunka refko hunenantane.

כי עשית משפטי ודיני ישבת לכסא שופט צדק׃

5 Krimpama ahenezmantenka ama mopafi vahera kea nezmasunka, kefo avu'ava'ma nehaza vahera zamahe frinkeno zamagimo'a fanene nehie.

גערת גוים אבדת רשע שמם מחית לעולם ועד׃

6 Ha' vahera zamazeri haviza hunka nevunka, rankumazmia tra'zama tasgi hutreankna hunka vatitrankeno vahe'mo'za mago'enena zamagesa antahi nozmize.

האויב תמו חרבות לנצח וערים נתשת אבד זכרם המה׃

7 Hianagi Ra Anumzama kini tra'are'ma manivava huno nevia Anumzamo'a, fatgo huno keagama refko hanigura retro nehie.

ויהוה לעולם ישב כונן למשפט כסאו׃

8 Fatgo avu'ava huno ama mopafi vahera refko hunezmanteno, fatgo huno vahetmina kegava huzmantegahie.

והוא ישפט תבל בצדק ידין לאמים במישרים׃

9 Hagi Ra Anumzamo'a zamazeri havizama nehaza zamunte omne vahe'mokizmi fraki havegazmi mani'neanki'za hazenke knafina anampinka ome frakiza manigahaze.

ויהי יהוה משגב לדך משגב לעתות בצרה׃

10 Kagri kagima antahi'naza vahe'mo'za kagrite zamentinti nehazanki, kagrama zamaza huogu'ma kantahima negaza vahera, Ra Anumzamoka kamefira hunozamine.

ויבטחו בך יודעי שמך כי לא עזבת דרשיך יהוה׃

11 Ra Anumzamo'a Saioni kumatera (Jerusalemi) kini tra'are manisga huno mani'neanki, zagame hunka agi'a erisga nehunka, maka zama hu'nea zamofo agenkea maka ama mopafi vahetmina zamasamio.

זמרו ליהוה ישב ציון הגידו בעמים עלילותיו׃

12 Na'ankure vahe'ma zamahe frizare'ma, nona huno nezamahea Anumzamo'a knafima maniza vahera antahi nezmiankino, hazenke'ma zamiza vahe'mo'zama krafagema hanazana, ana krafage zamia antahi amnea osugahie.

כי דרש דמים אותם זכר לא שכח צעקת עניים׃

13 Ra Anumzamoka kasunku hunanto, zamavaresrama hunenantaza vahe'mo'za nazeri haviza nehazagenka, kasunku hunantenka, fri kahanteti'ma navresgama hu'nana Anumza mani'nane.

חננני יהוה ראה עניי משנאי מרוממי משערי מות׃

14 Saioni (Jerusalemi) mofa'nemofo kuma kafantera zagamera hu'na nagu'ma vazi'nana zankura musena hugahue.

למען אספרה כל תהלתיך בשערי בת ציון אגילה בישועתך׃

15 Ama mopafi vahe'mo'za zamagrama kafinte'naza kerifi neramisageno, zamagrama eri aka'ma hunte'naza kukompi ufregahaze.

טבעו גוים בשחת עשו ברשת זו טמנו נלכדה רגלם׃

16 Ra Anumzamo'a fatgoma huno keagama refkoma huno, agra'a avu'avara eriama nehigeno, kefo avu'ava'ma nehaza vahe'mo'za zamagrama haza kefo zamavu'zmavazamo rukrahe huno zamazeri havizana nehie.

נודע יהוה משפט עשה בפעל כפיו נוקש רשע הגיון סלה׃

17 Hagi ama mopafima kefo avu'ava'ma nehaza vahe'mo'za, ete rukrahe hu'za fri vahe kumapi vanageno, Anumzamofoma zamagema akaninentaza vahe'mo'zanena ana zanke hugahaze. (Sheol h7585)

ישובו רשעים לשאולה כל גוים שכחי אלהים׃ (Sheol h7585)

18 Hianagi keonke zanku'ma upa'ma nehaza vahera, Ra Anumzamo'a agera akaniozmante'na, zamunte omne vahe'mo'zama amuhama nehaza zamo'a, fananea osugahie.

כי לא לנצח ישכח אביון תקות ענוים תאבד לעד׃

19 Ra Anumzamoka otio! Atregeno vahe'mo'a hara azerino agate'orena, atregeno ama mopafi vahe'mo'za keagare kavuga eotiho.

קומה יהוה אל יעז אנוש ישפטו גוים על פניך׃

20 Ra Anumzamoka zamazeri koro huo! Zamatrege'za ama mopafi vahe'mo'za amne vahetafa mani'none hu'za antahiho.

שיתה יהוה מורה להם ידעו גוים אנוש המה סלה׃