Sams-Zgame 89
1 Ra Anumzamofo vagaore avesizama'agura nagra zagamera huvava hugahue. Hugahuema hu'nana kema avaririnkama hu kavukvazana huama nehanuge'za, forehu anante anante'ma hanaza vahe'mo'za antahigahaze.
| משכיל לאיתן האזרחי חסדי יהוה עולם אשירה לדר ודר אודיע אמונתך בפי׃ |
2 Na'ankure nagra amanage hu'na huama hugahue, Ra Anumzamoka vagaore kavesizamo'a mevava huno vugahie. Hugahuema hunana kema avaririnkama hu kavukvazamo'a monamo'ma nehiaza huno mevava hugahie.
| כי אמרתי עולם חסד יבנה שמים תכן אמונתך בהם׃ |
3 Ra Anumzamoka hunka, Nagrama huhamprinte'noa eri'za ne' Deviti'ene huhagerafi huvempagea nehu'na, agri'ene huvempa kea hu'noe.
| כרתי ברית לבחירי נשבעתי לדוד עבדי׃ |
4 Devitiga kagripinti'ma fore'ma hu anante anante'ma hu'za vanaza vahepintinke, kini vahera zamazeri fore huvava hu'na vugahue hunka hu'nane.
| עד עולם אכין זרעך ובניתי לדר ודור כסאך סלה׃ |
5 Ra Anumzamoka monamo'za knare huno mareri agatere kavukva zanka'a husga hunegantesage'za, hugahuema hu'nana ke'ma avaririnkama hu kavukvazana, atruma hu'za mani'saza ankero vahe'mo'za husga hugahaze.
| ויודו שמים פלאך יהוה אף אמונתך בקהל קדשים׃ |
6 Iza monafima nemanizafintira Ra Anumzanknara hu'ne? Monafima mani'nea hanavenentake ankeromo'a Kagri knara osu'ne.
| כי מי בשחק יערך ליהוה ידמה ליהוה בבני אלים׃ |
7 Marerirfa ankero vahe'mo'za, Anumzamofonkura kesga hu'za koro hunentaze. Anumzamo'a Agri'ma tra'are'ma manigaginte'naza ankero vahetmina, zamagatereno mareri agatere'nea Anumza mani'ne.
| אל נערץ בסוד קדשים רבה ונורא על כל סביביו׃ |
8 Ra Anumzana Monafinka Sondia vahe'mofo Anumza mani'nane! Kagrikna hankave Anumzana omani'ne. Ra Anumzamoka kagra hankavenentake Anumza mani'nenka, hugahuema hu'nana kema avaririnkama hu kavukvazamo'a kazeri kagi'ne.
| יהוה אלהי צבאות מי כמוך חסין יה ואמונתך סביבותיך׃ |
9 Kagra knafu knafu'ma nehia hagerina kegava hu'nane. Hagerimo'ma knafu knafu'ma higenka, Kagra zamaherava nehane.
| אתה מושל בגאות הים בשוא גליו אתה תשבחם׃ |
10 Rehapu'e hu'zama nehaza tusi'a osifave krerfama hagerimpima nemania osifavea, Kagra asenia rupraro vazinka ahe'nane. Hankavenentake kazanuti ha' vaheka'a zamahe panani hu'nane.
| אתה דכאת כחלל רהב בזרוע עזך פזרת אויביך׃ |
11 Ra Anumzamoka mona kagri su'a megeno, mopa kagri su'a me'ne. Hagi maka ama mopafima me'nea zantamina maka kagrike zantmi me'neankinka, kagrake tro huzmante'nane.
| לך שמים אף לך ארץ תבל ומלאה אתה יסדתם׃ |
12 Kagrake'za noti kazigama me'nea zantamina tro nehunka, sauti kazigama me'nea zantamina tro hu'nane. Tabori agonane Hemoni agonanemokea musena nehuke, zagamera huke kagia ahentesga neha'e.
| צפון וימין אתה בראתם תבור וחרמון בשמך ירננו׃ |
13 Anumzamoka kazamofona hihamu hanave'amo'a agatere'ne. Kazamo'a tusiza huno hanavenentake hu'ne. Tamaga kaziga kazamo'a mareri agatereno hankavenentake hu'ne.
| לך זרוע עם גבורה תעז ידך תרום ימינך׃ |
14 Fatgo avu'avazane, maka zama fatgoma huno'ma refkohu avu'avazamokea kinima mani'nana traka'amofo tra me'na'e. Vagaore kavesizamo'ene tamage nanekekamo'enena kavuga neva'e.
| צדק ומשפט מכון כסאך חסד ואמת יקדמו פניך׃ |
15 Ra Anumzamofoma mono'ma hunente'za muse zagame'ma nehaza vahe'mo'za muse hugahaze. Na'ankure zamagra Ra Anumzamofona Agri masa zampi vano nehaze.
| אשרי העם יודעי תרועה יהוה באור פניך יהלכון׃ |
16 Kagri kagirera nanteranteti agafa hu'za musena nehazageno, vuno kinaga omese'ne. Fatgo kavukva zanka'amo'a zamagrira zamazeri muse nehie.
| בשמך יגילון כל היום ובצדקתך ירומו׃ |
17 Kagra masanentake hihamu hankavezmi mani'nane. Na'ankure kagra muse hurantenka hankavea neraminketa, tagra hankavenentakera nehune.
| כי תפארת עזמו אתה וברצנך תרים קרננו׃ |
18 Ra Anumzantimoka Kagra tagri hanko mani'nane. Israeli vahe'mofo Ruotge'ma hu'nea Ne'mo'a Agra kinia tami'ne. (2 Samuel 7:8-16)
| כי ליהוה מגננו ולקדוש ישראל מלכנו׃ |
19 Korapara Kagri'ma kazigazima hu'za negavariri'za tagehemofona, ava'nafi nanekea amanage hunka zamasami'nane, Nagra hankavenentake sondia azeri oti'noe. Nagra amne vahepinti vahetmimofo kini manigahane hu'na huhamprinte'noe.
| אז דברת בחזון לחסידיך ותאמר שויתי עזר על גבור הרימותי בחור מעם׃ |
20 Nagra eri'za vahe'ni'a Deviti hakena erifore hu'noe. Nagra ruotge masave anumpina taginte'na, azeri ruotge hunte'noe.
| מצאתי דוד עבדי בשמן קדשי משחתיו׃ |
21 Nagra nazanu hagaza nemi'na, hihamu'ane nazanu azeri hankavetigahue.
| אשר ידי תכון עמו אף זרועי תאמצנו׃ |
22 Ha' vahe'amo'za revatga osuge, kefo avu'ava'ma nehaza vahe'mo'za azeri fenkamia otregahaze.
| לא ישא אויב בו ובן עולה לא יעננו׃ |
23 Agri avuga ha' vahe'aramina zamahe'na rehapatinetre'na, zamavaresrama hunentaza vahera zamahehna hugahue.
| וכתותי מפניו צריו ומשנאיו אגוף׃ |
24 Nagra avesinte vava nehu'na, agrane mani'nenugeno nagri nagifinti hankavea erino ome hankavetigahie.
| ואמונתי וחסדי עמו ובשמי תרום קרנו׃ |
25 Hihamu amisugeno Mediterenia hagerinteti vuno, zage hanati kaziga Yufretis tirantema uhanati'nea mopa kegava hugahie.
| ושמתי בים ידו ובנהרות ימינו׃ |
26 Ana hanugeno Nagrikura amanage hugahie, Kagra Nenfaga mani'nenka, nagri Anumza mani'nanankinka, nagri naguvazi Have mani'nane huno hugahie.
| הוא יקראני אבי אתה אלי וצור ישועתי׃ |
27 Nagra azeri nagonesa mofavre sa'nena, maka ama mopafina hankavenentake kini ne' fore huno manigahie.
| אף אני בכור אתנהו עליון למלכי ארץ׃ |
28 Nagra vagaore navesizanu, navesinte vava hu'na nevuna, huhagerafi huvempa ke'ni'a eri tamage hugahue.
| לעולם אשמור לו חסדי ובריתי נאמנת לו׃ |
29 Agripinti'ma fore hu anante anante'ma hu'za vanaza vahera kegava huzmante'nanena, kini tra'amo'a monagna huno mevava huno vugahie.
| ושמתי לעד זרעו וכסאו כימי שמים׃ |
30 Hianagi agripinti fore hu anante anantema hanaza vahe'mo'zama nagri kene kasegenema novaririza, kasegeni'a novaririsaza,
| אם יעזבו בניו תורתי ובמשפטי לא ילכון׃ |
31 tra keni'a ruhanetagi'za, kasegenima ovaririnazana,
| אם חקתי יחללו ומצותי לא ישמרו׃ |
32 Nagra ana kumizmirera sefu nezmi'na, ke'nima rutrage'narera knazana zamigahue.
| ופקדתי בשבט פשעם ובנגעים עונם׃ |
33 Hianagi Nagra navesinte vava nehu'na, agri'enema huvempama hu'noa keni'a ruha'ontagigahue.
| וחסדי לא אפיר מעמו ולא אשקר באמונתי׃ |
34 Huge huhagerafi'noa keni'a ruha'ontagige, magore hu'na kema hu'noa kea ete'na eri otregahue.
| לא אחלל בריתי ומוצא שפתי לא אשנה׃ |
35 Nagra ruotge hu'nea huvempage Devitina hunte'noankina, havigea osugahue.
| אחת נשבעתי בקדשי אם לדוד אכזב׃ |
36 Deviti nagapintike kini vahera manivava hu'za vanageno, kini tra'amo'a zagemo'ma nehiaza huno mevava huno vugahie.
| זרעו לעולם יהיה וכסאו כשמש נגדי׃ |
37 Ikamo'ma monafima me'nenoma, huama'ma huno neviaza huno, tra'amo'a mevava huno vugahie.
| כירח יכון עולם ועד בשחק נאמן סלה׃ |
38 Hianagi menina kavresra hunentenka kamefi humine. Masavema anumpima tagintenka kinima azeri oti'nana nera krimpa ahentane.
| ואתה זנחת ותמאס התעברת עם משיחך׃ |
39 Eri'za vaheka'anema huhagerafi'nana huvempa kea kamefi huneminka, kini fetori'a kugusopafi zafitre'nane.
| נארתה ברית עבדך חללת לארץ נזרו׃ |
40 Agu'ma nevazia kuma have keginaramina, maka ahe fragu vazinetrenka, fraki kuma'a eri haviza hutre'nane.
| פרצת כל גדרתיו שמת מבצריו מחתה׃ |
41 Maka vahe'ma ana kante'ma enevaza vahe'mo'za arohure'za keonke zama'a eri hana nehazageno, tavaoma'arema nemaniza kini ne'mofona kizazokago ke hunte'naze.
| שסהו כל עברי דרך היה חרפה לשכניו׃ |
42 Ha' vahe'aramina hankave zaminke'za hara hugate'nere'za, musenkase nehaze.
| הרימות ימין צריו השמחת כל אויביו׃ |
43 Ha'ma nehia bainati kazinknoma'a eri amnezankna nehunka, ha'ma nehigenka kamefi huminka aza osu'nane.
| אף תשיב צור חרבו ולא הקימתו במלחמה׃ |
44 Kagra marerirfa konariri'a eri netrenka, kini tra'a mopafi eri akaha hutre'nane.
| השבת מטהרו וכסאו לארץ מגרתה׃ |
45 Kagra ame hunka zahufafi azeri ozafa nerenka, azeri agaze hu'nane.
| הקצרת ימי עלומיו העטית עליו בושה סלה׃ |
46 Ra Anumzamoka nama'agna fraki vava hunka vugahane? Krimpa ahe'zamo'a nama'gna teveareno vugahie?
| עד מה יהוה תסתר לנצח תבער כמו אש חמתך׃ |
47 Kagesa antahio, nagra zazatera mani'na ovugahue. Vahe'ma tro'ma hurante'nanana, amne'za mani'none.
| זכר אני מה חלד על מה שוא בראת כל בני אדם׃ |
48 Mago'mo'e huno mani vava huno ovugahianki, maka frisuna vaheke mani'none. Mago'mo'e huno fri'zana agatereno fregara osu'ne. (Sheol h7585)
| מי גבר יחיה ולא יראה מות ימלט נפשו מיד שאול סלה׃ (Sheol h7585) |
49 Ra Anumzamoka iga vagaore kavesizana me'negenka anara nehane? Kagra huvempama Deviti'ma hunentenka, kavesinte vava hugahue hu'nane.
| איה חסדיך הראשנים אדני נשבעת לדוד באמונתך׃ |
50 Ra Anumzamoka eri'za vaheka'amo'na huhavizama hunenantazana antahio. Rama'a vahe'mo'zama huhavizama hunenantaza kea nagu'afi erinte'na vano nehue.
| זכר אדני חרפת עבדיך שאתי בחיקי כל רבים עמים׃ |
51 Ra Anumzamoka ha' vahekamo'za kizazokago ke hunenantaze. Anumpima masavema tagintenka kinima azeri oti'nana nera, vuno eno'ma hirega hunte'za ki'za zokago ke hunentaze.
| אשר חרפו אויביך יהוה אשר חרפו עקבות משיחך׃ |
52 Ra Anumzana ragi amivava hugahune. Tamage, tamage.
| ברוך יהוה לעולם אמן ואמן׃ |
