Sams-Zgame 89

1 Ra Anumzamofo vagaore avesizama'agura nagra zagamera huvava hugahue. Hugahuema hu'nana kema avaririnkama hu kavukvazana huama nehanuge'za, forehu anante anante'ma hanaza vahe'mo'za antahigahaze.

A Maskil of Ethan the Ezrahite. I will sing evermore of the love of the Lord, proclaiming to all generations his faithfulness.

2 Na'ankure nagra amanage hu'na huama hugahue, Ra Anumzamoka vagaore kavesizamo'a mevava huno vugahie. Hugahuema hunana kema avaririnkama hu kavukvazamo'a monamo'ma nehiaza huno mevava hugahie.

For your love you did promise to build up forever, your faithfulness firm as the heavens themselves.

3 Ra Anumzamoka hunka, Nagrama huhamprinte'noa eri'za ne' Deviti'ene huhagerafi huvempagea nehu'na, agri'ene huvempa kea hu'noe.

“I have made with my chosen a covenant, and sworn to David my servant,

4 Devitiga kagripinti'ma fore'ma hu anante anante'ma hu'za vanaza vahepintinke, kini vahera zamazeri fore huvava hu'na vugahue hunka hu'nane.

to establish his seed forever, and to build up his throne to all ages.” (Selah)

5 Ra Anumzamoka monamo'za knare huno mareri agatere kavukva zanka'a husga hunegantesage'za, hugahuema hu'nana ke'ma avaririnkama hu kavukvazana, atruma hu'za mani'saza ankero vahe'mo'za husga hugahaze.

Then the holy assembly in heaven praised your marvelous faithfulness, Lord.

6 Iza monafima nemanizafintira Ra Anumzanknara hu'ne? Monafima mani'nea hanavenentake ankeromo'a Kagri knara osu'ne.

For who in the skies may compare with the Lord? Who is like the Lord among the gods?

7 Marerirfa ankero vahe'mo'za, Anumzamofonkura kesga hu'za koro hunentaze. Anumzamo'a Agri'ma tra'are'ma manigaginte'naza ankero vahetmina, zamagatereno mareri agatere'nea Anumza mani'ne.

A God to be feared in the holy assembly, awful and great above all who are round him.

8 Ra Anumzana Monafinka Sondia vahe'mofo Anumza mani'nane! Kagrikna hankave Anumzana omani'ne. Ra Anumzamoka kagra hankavenentake Anumza mani'nenka, hugahuema hu'nana kema avaririnkama hu kavukvazamo'a kazeri kagi'ne.

O Lord God of hosts, who is mighty as you? Your strength and faithfulness, Lord, surround you.

9 Kagra knafu knafu'ma nehia hagerina kegava hu'nane. Hagerimo'ma knafu knafu'ma higenka, Kagra zamaherava nehane.

You are the Lord of the raging sea: when its waves surge, it is you who still them.

10 Rehapu'e hu'zama nehaza tusi'a osifave krerfama hagerimpima nemania osifavea, Kagra asenia rupraro vazinka ahe'nane. Hankavenentake kazanuti ha' vaheka'a zamahe panani hu'nane.

It was you who did pierce and crush Rahab in pieces, and scatter your foes by your mighty arm.

11 Ra Anumzamoka mona kagri su'a megeno, mopa kagri su'a me'ne. Hagi maka ama mopafima me'nea zantamina maka kagrike zantmi me'neankinka, kagrake tro huzmante'nane.

Yours are the heavens, yours also the earth, the world and its fulness, it’s you who did found them.

12 Kagrake'za noti kazigama me'nea zantamina tro nehunka, sauti kazigama me'nea zantamina tro hu'nane. Tabori agonane Hemoni agonanemokea musena nehuke, zagamera huke kagia ahentesga neha'e.

The north and the south, it’s you have created them; Tabor and Hermon shout praise to your name.

13 Anumzamoka kazamofona hihamu hanave'amo'a agatere'ne. Kazamo'a tusiza huno hanavenentake hu'ne. Tamaga kaziga kazamo'a mareri agatereno hankavenentake hu'ne.

You have an arm with the might of a hero; strong is your hand, high uplifted your right hand.

14 Fatgo avu'avazane, maka zama fatgoma huno'ma refkohu avu'avazamokea kinima mani'nana traka'amofo tra me'na'e. Vagaore kavesizamo'ene tamage nanekekamo'enena kavuga neva'e.

Justice and right are the base of your throne, kindness and faithfulness ever attend you.

15 Ra Anumzamofoma mono'ma hunente'za muse zagame'ma nehaza vahe'mo'za muse hugahaze. Na'ankure zamagra Ra Anumzamofona Agri masa zampi vano nehaze.

Happy the people who know the glad shout, who walk, O Lord, in the light of your face.

16 Kagri kagirera nanteranteti agafa hu'za musena nehazageno, vuno kinaga omese'ne. Fatgo kavukva zanka'amo'a zamagrira zamazeri muse nehie.

They exult in your name all the day, and your righteousness they extol.

17 Kagra masanentake hihamu hankavezmi mani'nane. Na'ankure kagra muse hurantenka hankavea neraminketa, tagra hankavenentakera nehune.

For you are our strength and our pride. Your favor will lift us to honor.

18 Ra Anumzantimoka Kagra tagri hanko mani'nane. Israeli vahe'mofo Ruotge'ma hu'nea Ne'mo'a Agra kinia tami'ne. (2 Samuel 7:8-16)

For the holy Lord of Israel keeps our defender and king.

19 Korapara Kagri'ma kazigazima hu'za negavariri'za tagehemofona, ava'nafi nanekea amanage hunka zamasami'nane, Nagra hankavenentake sondia azeri oti'noe. Nagra amne vahepinti vahetmimofo kini manigahane hu'na huhamprinte'noe.

In a vision of old you did speak in this way to the one whom you loved: “A crown I have set on the hero I chose to be over the people

20 Nagra eri'za vahe'ni'a Deviti hakena erifore hu'noe. Nagra ruotge masave anumpina taginte'na, azeri ruotge hunte'noe.

“I found my servant David, and anointed with holy oil.

21 Nagra nazanu hagaza nemi'na, hihamu'ane nazanu azeri hankavetigahue.

My hand will be with him forever, my arm will give him strength.

22 Ha' vahe'amo'za revatga osuge, kefo avu'ava'ma nehaza vahe'mo'za azeri fenkamia otregahaze.

“No enemy will dare to assail him, nor the wicked to oppress him;

23 Agri avuga ha' vahe'aramina zamahe'na rehapatinetre'na, zamavaresrama hunentaza vahera zamahehna hugahue.

but his foes I will shatter before him, I will strike down those who hate him.

24 Nagra avesinte vava nehu'na, agrane mani'nenugeno nagri nagifinti hankavea erino ome hankavetigahie.

“My loyal love shall attend him, and I will lift him to honor.

25 Hihamu amisugeno Mediterenia hagerinteti vuno, zage hanati kaziga Yufretis tirantema uhanati'nea mopa kegava hugahie.

I will set his hand on the sea, and his right hand on the rivers.

26 Ana hanugeno Nagrikura amanage hugahie, Kagra Nenfaga mani'nenka, nagri Anumza mani'nanankinka, nagri naguvazi Have mani'nane huno hugahie.

“As for him, he will call me ‘My father, my God, and my rock of salvation.’

27 Nagra azeri nagonesa mofavre sa'nena, maka ama mopafina hankavenentake kini ne' fore huno manigahie.

And I will make him my firstborn, highest of kings on the earth.

28 Nagra vagaore navesizanu, navesinte vava hu'na nevuna, huhagerafi huvempa ke'ni'a eri tamage hugahue.

“My love will I keep for him ever, my covenant with him shall stand fast.

29 Agripinti'ma fore hu anante anante'ma hu'za vanaza vahera kegava huzmante'nanena, kini tra'amo'a monagna huno mevava huno vugahie.

His line will I make everlasting, and his throne as the days of the heavens.

30 Hianagi agripinti fore hu anante anantema hanaza vahe'mo'zama nagri kene kasegenema novaririza, kasegeni'a novaririsaza,

“If his children forsake my law, and walk not as I have ordained;

31 tra keni'a ruhanetagi'za, kasegenima ovaririnazana,

if they profane my statutes, and do not keep my commandments;

32 Nagra ana kumizmirera sefu nezmi'na, ke'nima rutrage'narera knazana zamigahue.

“I will punish their sin with the rod, their iniquity with scourges.

33 Hianagi Nagra navesinte vava nehu'na, agri'enema huvempama hu'noa keni'a ruha'ontagigahue.

But my love will I not take from him, nor will I belie my faithfulness.

34 Huge huhagerafi'noa keni'a ruha'ontagige, magore hu'na kema hu'noa kea ete'na eri otregahue.

“I will not profane my covenant by changing the word that has passed my lips.

35 Nagra ruotge hu'nea huvempage Devitina hunte'noankina, havigea osugahue.

Once have I solemnly sworn and I would not lie to David,

36 Deviti nagapintike kini vahera manivava hu'za vanageno, kini tra'amo'a zagemo'ma nehiaza huno mevava huno vugahie.

“that his line should endure forever, and his throne as the sun before me,

37 Ikamo'ma monafima me'nenoma, huama'ma huno neviaza huno, tra'amo'a mevava huno vugahie.

firm as the moon which for ever and ever is fixed in the sky.” (Selah)

38 Hianagi menina kavresra hunentenka kamefi humine. Masavema anumpima tagintenka kinima azeri oti'nana nera krimpa ahentane.

But you have cast off in contempt, and been furious with your anointed.

39 Eri'za vaheka'anema huhagerafi'nana huvempa kea kamefi huneminka, kini fetori'a kugusopafi zafitre'nane.

You have spurned the covenant with your servant, and his sacred crown dashed to the ground.

40 Agu'ma nevazia kuma have keginaramina, maka ahe fragu vazinetrenka, fraki kuma'a eri haviza hutre'nane.

You have broken down all his walls, and laid his bulwarks in ruins.

41 Maka vahe'ma ana kante'ma enevaza vahe'mo'za arohure'za keonke zama'a eri hana nehazageno, tavaoma'arema nemaniza kini ne'mofona kizazokago ke hunte'naze.

All who pass on their way despoil him, the scorn of his neighbors is he now.

42 Ha' vahe'aramina hankave zaminke'za hara hugate'nere'za, musenkase nehaze.

You have given his foes the victory, and made all his enemies glad.

43 Ha'ma nehia bainati kazinknoma'a eri amnezankna nehunka, ha'ma nehigenka kamefi huminka aza osu'nane.

You have turned back his sword from the foe, you did not lift him up in the battle.

44 Kagra marerirfa konariri'a eri netrenka, kini tra'a mopafi eri akaha hutre'nane.

The sceptre you took from his hand, and his throne you did hurl to the ground.

45 Kagra ame hunka zahufafi azeri ozafa nerenka, azeri agaze hu'nane.

You have shortened the days of his youth, and covered him with shame. (Selah)

46 Ra Anumzamoka nama'agna fraki vava hunka vugahane? Krimpa ahe'zamo'a nama'gna teveareno vugahie?

How long, Lord will you hide you forever? How long are the fires of your wrath to burn?

47 Kagesa antahio, nagra zazatera mani'na ovugahue. Vahe'ma tro'ma hurante'nanana, amne'za mani'none.

Remember, Lord, the shortness of life how fleeting you made all people.

48 Mago'mo'e huno mani vava huno ovugahianki, maka frisuna vaheke mani'none. Mago'mo'e huno fri'zana agatereno fregara osu'ne. (Sheol h7585)

Who can live without seeing death? Who can rescue their life from the clutch of Sheol? (Selah) (Sheol h7585)

49 Ra Anumzamoka iga vagaore kavesizana me'negenka anara nehane? Kagra huvempama Deviti'ma hunentenka, kavesinte vava hugahue hu'nane.

Where, Lord, is your kindness of old, which you in your faithfulness swore to David?

50 Ra Anumzamoka eri'za vaheka'amo'na huhavizama hunenantazana antahio. Rama'a vahe'mo'zama huhavizama hunenantaza kea nagu'afi erinte'na vano nehue.

Remember, O Lord, how your servants are mocked, how I bear in my heart the scorn of all nations

51 Ra Anumzamoka ha' vahekamo'za kizazokago ke hunenantaze. Anumpima masavema tagintenka kinima azeri oti'nana nera, vuno eno'ma hirega hunte'za ki'za zokago ke hunentaze.

The scorn which your enemies hurl, O Lord, which they hurl at the footsteps of your anointed.

52 Ra Anumzana ragi amivava hugahune. Tamage, tamage.

Blest be the Lord, for ever and ever. Amen and Amen.