Sams-Zgame 89

1 Ra Anumzamofo vagaore avesizama'agura nagra zagamera huvava hugahue. Hugahuema hu'nana kema avaririnkama hu kavukvazana huama nehanuge'za, forehu anante anante'ma hanaza vahe'mo'za antahigahaze.

I will sing of the mercies of the LORD for ever: with my mouth will I make known your faithfulness to all generations.

2 Na'ankure nagra amanage hu'na huama hugahue, Ra Anumzamoka vagaore kavesizamo'a mevava huno vugahie. Hugahuema hunana kema avaririnkama hu kavukvazamo'a monamo'ma nehiaza huno mevava hugahie.

For I have said, Mercy shall be built up for ever: your faithfulness shall you establish in the very heavens.

3 Ra Anumzamoka hunka, Nagrama huhamprinte'noa eri'za ne' Deviti'ene huhagerafi huvempagea nehu'na, agri'ene huvempa kea hu'noe.

I have made a covenant with my chosen, I have sworn unto David my servant,

4 Devitiga kagripinti'ma fore'ma hu anante anante'ma hu'za vanaza vahepintinke, kini vahera zamazeri fore huvava hu'na vugahue hunka hu'nane.

Your seed will I establish for ever, and build up your throne to all generations. (Selah)

5 Ra Anumzamoka monamo'za knare huno mareri agatere kavukva zanka'a husga hunegantesage'za, hugahuema hu'nana ke'ma avaririnkama hu kavukvazana, atruma hu'za mani'saza ankero vahe'mo'za husga hugahaze.

And the heavens shall praise your wonders, O LORD: your faithfulness also in the congregation of the saints.

6 Iza monafima nemanizafintira Ra Anumzanknara hu'ne? Monafima mani'nea hanavenentake ankeromo'a Kagri knara osu'ne.

For who in the heaven can be compared unto the LORD? who among the sons of the mighty can be likened unto the LORD?

7 Marerirfa ankero vahe'mo'za, Anumzamofonkura kesga hu'za koro hunentaze. Anumzamo'a Agri'ma tra'are'ma manigaginte'naza ankero vahetmina, zamagatereno mareri agatere'nea Anumza mani'ne.

God is greatly to be feared in the assembly of the saints, and to be had in reverence of all them that are about him.

8 Ra Anumzana Monafinka Sondia vahe'mofo Anumza mani'nane! Kagrikna hankave Anumzana omani'ne. Ra Anumzamoka kagra hankavenentake Anumza mani'nenka, hugahuema hu'nana kema avaririnkama hu kavukvazamo'a kazeri kagi'ne.

O LORD God of hosts, who is a strong LORD like unto you? or to your faithfulness round about you?

9 Kagra knafu knafu'ma nehia hagerina kegava hu'nane. Hagerimo'ma knafu knafu'ma higenka, Kagra zamaherava nehane.

You rule the raging of the sea: when the waves thereof arise, you still them.

10 Rehapu'e hu'zama nehaza tusi'a osifave krerfama hagerimpima nemania osifavea, Kagra asenia rupraro vazinka ahe'nane. Hankavenentake kazanuti ha' vaheka'a zamahe panani hu'nane.

You have broken Rahab in pieces, as one that is slain; you have scattered your enemies with your strong arm.

11 Ra Anumzamoka mona kagri su'a megeno, mopa kagri su'a me'ne. Hagi maka ama mopafima me'nea zantamina maka kagrike zantmi me'neankinka, kagrake tro huzmante'nane.

The heavens are yours, the earth also is yours: as for the world and the fullness thereof, you have founded them.

12 Kagrake'za noti kazigama me'nea zantamina tro nehunka, sauti kazigama me'nea zantamina tro hu'nane. Tabori agonane Hemoni agonanemokea musena nehuke, zagamera huke kagia ahentesga neha'e.

The north and the south you have created them: Tabor and Hermon shall rejoice in your name.

13 Anumzamoka kazamofona hihamu hanave'amo'a agatere'ne. Kazamo'a tusiza huno hanavenentake hu'ne. Tamaga kaziga kazamo'a mareri agatereno hankavenentake hu'ne.

You have a mighty arm: strong is your hand, and high is your right hand.

14 Fatgo avu'avazane, maka zama fatgoma huno'ma refkohu avu'avazamokea kinima mani'nana traka'amofo tra me'na'e. Vagaore kavesizamo'ene tamage nanekekamo'enena kavuga neva'e.

Justice and judgment are the habitation of your throne: mercy and truth shall go before your face.

15 Ra Anumzamofoma mono'ma hunente'za muse zagame'ma nehaza vahe'mo'za muse hugahaze. Na'ankure zamagra Ra Anumzamofona Agri masa zampi vano nehaze.

Blessed is the people that know the joyful sound: they shall walk, O LORD, in the light of your countenance.

16 Kagri kagirera nanteranteti agafa hu'za musena nehazageno, vuno kinaga omese'ne. Fatgo kavukva zanka'amo'a zamagrira zamazeri muse nehie.

In your name shall they rejoice all the day: and in your righteousness shall they be exalted.

17 Kagra masanentake hihamu hankavezmi mani'nane. Na'ankure kagra muse hurantenka hankavea neraminketa, tagra hankavenentakera nehune.

For you are the glory of their strength: and in your favour our horn shall be exalted.

18 Ra Anumzantimoka Kagra tagri hanko mani'nane. Israeli vahe'mofo Ruotge'ma hu'nea Ne'mo'a Agra kinia tami'ne. (2 Samuel 7:8-16)

For the LORD is our defence; and the Holy One of Israel is our king.

19 Korapara Kagri'ma kazigazima hu'za negavariri'za tagehemofona, ava'nafi nanekea amanage hunka zamasami'nane, Nagra hankavenentake sondia azeri oti'noe. Nagra amne vahepinti vahetmimofo kini manigahane hu'na huhamprinte'noe.

Then you spoke in vision to your holy one, and said, I have laid help upon one that is mighty; I have exalted one chosen out of the people.

20 Nagra eri'za vahe'ni'a Deviti hakena erifore hu'noe. Nagra ruotge masave anumpina taginte'na, azeri ruotge hunte'noe.

I have found David my servant; with my holy oil have I anointed him:

21 Nagra nazanu hagaza nemi'na, hihamu'ane nazanu azeri hankavetigahue.

With whom my hand shall be established: mine arm also shall strengthen him.

22 Ha' vahe'amo'za revatga osuge, kefo avu'ava'ma nehaza vahe'mo'za azeri fenkamia otregahaze.

The enemy shall not exact upon him; nor the son of wickedness afflict him.

23 Agri avuga ha' vahe'aramina zamahe'na rehapatinetre'na, zamavaresrama hunentaza vahera zamahehna hugahue.

And I will beat down his foes before his face, and plague them that hate him.

24 Nagra avesinte vava nehu'na, agrane mani'nenugeno nagri nagifinti hankavea erino ome hankavetigahie.

But my faithfulness and my mercy shall be with him: and in my name shall his horn be exalted.

25 Hihamu amisugeno Mediterenia hagerinteti vuno, zage hanati kaziga Yufretis tirantema uhanati'nea mopa kegava hugahie.

I will set his hand also in the sea, and his right hand in the rivers.

26 Ana hanugeno Nagrikura amanage hugahie, Kagra Nenfaga mani'nenka, nagri Anumza mani'nanankinka, nagri naguvazi Have mani'nane huno hugahie.

He shall cry unto me, You are my father, my God, and the rock of my salvation.

27 Nagra azeri nagonesa mofavre sa'nena, maka ama mopafina hankavenentake kini ne' fore huno manigahie.

Also I will make him my firstborn, higher than the kings of the earth.

28 Nagra vagaore navesizanu, navesinte vava hu'na nevuna, huhagerafi huvempa ke'ni'a eri tamage hugahue.

My mercy will I keep for him for evermore, and my covenant shall stand fast with him.

29 Agripinti'ma fore hu anante anante'ma hu'za vanaza vahera kegava huzmante'nanena, kini tra'amo'a monagna huno mevava huno vugahie.

His seed also will I make to endure for ever, and his throne as the days of heaven.

30 Hianagi agripinti fore hu anante anantema hanaza vahe'mo'zama nagri kene kasegenema novaririza, kasegeni'a novaririsaza,

If his children forsake my law, and walk not in my judgments;

31 tra keni'a ruhanetagi'za, kasegenima ovaririnazana,

If they break my statutes, and keep not my commandments;

32 Nagra ana kumizmirera sefu nezmi'na, ke'nima rutrage'narera knazana zamigahue.

Then will I visit their transgression with the rod, and their iniquity with stripes.

33 Hianagi Nagra navesinte vava nehu'na, agri'enema huvempama hu'noa keni'a ruha'ontagigahue.

Nevertheless my loving kindness will I not utterly take from him, nor suffer my faithfulness to fail.

34 Huge huhagerafi'noa keni'a ruha'ontagige, magore hu'na kema hu'noa kea ete'na eri otregahue.

My covenant will I not break, nor alter the thing that is gone out of my lips.

35 Nagra ruotge hu'nea huvempage Devitina hunte'noankina, havigea osugahue.

Once have I sworn by my holiness that I will not lie unto David.

36 Deviti nagapintike kini vahera manivava hu'za vanageno, kini tra'amo'a zagemo'ma nehiaza huno mevava huno vugahie.

His seed shall endure for ever, and his throne as the sun before me.

37 Ikamo'ma monafima me'nenoma, huama'ma huno neviaza huno, tra'amo'a mevava huno vugahie.

It shall be established for ever as the moon, and as a faithful witness in heaven. (Selah)

38 Hianagi menina kavresra hunentenka kamefi humine. Masavema anumpima tagintenka kinima azeri oti'nana nera krimpa ahentane.

But you have cast off and abhorred, you have been angry with your anointed.

39 Eri'za vaheka'anema huhagerafi'nana huvempa kea kamefi huneminka, kini fetori'a kugusopafi zafitre'nane.

You have made void the covenant of your servant: you have profaned his crown by casting it to the ground.

40 Agu'ma nevazia kuma have keginaramina, maka ahe fragu vazinetrenka, fraki kuma'a eri haviza hutre'nane.

You have broken down all his hedges; you have brought his strong holds to ruin.

41 Maka vahe'ma ana kante'ma enevaza vahe'mo'za arohure'za keonke zama'a eri hana nehazageno, tavaoma'arema nemaniza kini ne'mofona kizazokago ke hunte'naze.

All that pass by the way spoil him: he is a reproach to his neighbours.

42 Ha' vahe'aramina hankave zaminke'za hara hugate'nere'za, musenkase nehaze.

You have set up the right hand of his adversaries; you have made all his enemies to rejoice.

43 Ha'ma nehia bainati kazinknoma'a eri amnezankna nehunka, ha'ma nehigenka kamefi huminka aza osu'nane.

You have also turned the edge of his sword, and have not made him to stand in the battle.

44 Kagra marerirfa konariri'a eri netrenka, kini tra'a mopafi eri akaha hutre'nane.

You have made his glory to cease, and cast his throne down to the ground.

45 Kagra ame hunka zahufafi azeri ozafa nerenka, azeri agaze hu'nane.

The days of his youth have you shortened: you have covered him with shame. (Selah)

46 Ra Anumzamoka nama'agna fraki vava hunka vugahane? Krimpa ahe'zamo'a nama'gna teveareno vugahie?

How long, LORD? will you hide yourself for ever? shall your wrath burn like fire?

47 Kagesa antahio, nagra zazatera mani'na ovugahue. Vahe'ma tro'ma hurante'nanana, amne'za mani'none.

Remember how short my time is: wherefore have you made all men in vain?

48 Mago'mo'e huno mani vava huno ovugahianki, maka frisuna vaheke mani'none. Mago'mo'e huno fri'zana agatereno fregara osu'ne. (Sheol h7585)

What man is he that lives, and shall not see death? shall he deliver his soul from the hand of the grave? (Selah) (Sheol h7585)

49 Ra Anumzamoka iga vagaore kavesizana me'negenka anara nehane? Kagra huvempama Deviti'ma hunentenka, kavesinte vava hugahue hu'nane.

Lord, where are your former loving kindnesses, which you sware unto David in your truth?

50 Ra Anumzamoka eri'za vaheka'amo'na huhavizama hunenantazana antahio. Rama'a vahe'mo'zama huhavizama hunenantaza kea nagu'afi erinte'na vano nehue.

Remember, Lord, the reproach of your servants; how I do bear in my bosom the reproach of all the mighty people;

51 Ra Anumzamoka ha' vahekamo'za kizazokago ke hunenantaze. Anumpima masavema tagintenka kinima azeri oti'nana nera, vuno eno'ma hirega hunte'za ki'za zokago ke hunentaze.

Wherewith your enemies have reproached, O LORD; wherewith they have reproached the footsteps of your anointed.

52 Ra Anumzana ragi amivava hugahune. Tamage, tamage.

Blessed be the LORD for evermore. Amen, and Amen.