Sams-Zgame 74

1 Anumzamoka nahigenka kamefira huraminka mani vava hunka nevane? Nahigenka trazampi zmantanke'zama vanoma nehaza sipisipi afutaminkura, Kagra krimpa ahenezmantane?

משכיל לאסף למה אלהים זנחת לנצח יעשן אפך בצאן מרעיתך׃

2 Korapama Nagri vahe manigahaze hunkama huhampri'nana vahe mani'nonanki, kagera okaninka kagesa antahiramio. Tagu'ma nevazinka mareri fenozani'agna huta manigahaze hu'nana vahe tagra mani'none. Kagra Saioni agonarema nemanina agonagura (Jerusalemi) kagesa antahio.

זכר עדתך קנית קדם גאלת שבט נחלתך הר ציון זה שכנת בו׃

3 Eri havizama hazageno havizama huteno zazate'ma me'noma nea rankumapi, nevunka ko. Ha' vahetimo'za Kagri mono nona eri haviza hu'naze.

הרימה פעמיך למשאות נצח כל הרע אויב בקדש׃

4 Kagri ha' vahe'mo'za ana mono nompi mani'ne'za kezana neti'za, ha'ma hugatere'naza avame'zana, krauvefana (flek) asenentaze.

שאגו צרריך בקרב מועדך שמו אותתם אתות׃

5 Saumenuma zafama antagitre'naku'ma nehazaza hu'za nona antagi tapage nehaze.

יודע כמביא למעלה בסבך עץ קרדמות׃

6 Hagi mono no zafare'ma antreno'ma keonke'zamofo amema'ama trohunteno avasasema hunte'nea zana, sasume tunuti'ene hamanteti antagi hantagutagi atre'ne.

ועת פתוחיה יחד בכשיל וכילפת יהלמון׃

7 Ana ha' vahe'mo'za zamagra teve tagintazageno mono nonka'a teno ko mopafi tepasaru huramigeno, Kagri kagima me'nea nona eri ankrare kre'naze.

שלחו באש מקדשך לארץ חללו משכן שמך׃

8 Zamagra amanage hu'za antahintahia antahi'naze, ana maka zana eri haviza hutregahune hu'za hute'za, ana mopafima Anumzamofoma mono'ma hunentaza nonkumatamina teve tagintazageno te'ne.

אמרו בלבם נינם יחד שרפו כל מועדי אל בארץ׃

9 Anumzamoka tamagrane mani'noe hunka mago avamezana eri fore hanketa onkone. Hagi ana maka kasnampa vahe'mo'za omanizageno, ama knazamo'ma vagamaresia zama tasami'naza vahera omani'naze.

אותתינו לא ראינו אין עוד נביא ולא אתנו ידע עד מה׃

10 Anumzamoka nama'agna atresankeno ha' vahetimo'za huhavizana hugantegahaze? Hagi zamatre'sanke'za maka zupa kagia eri haviza huvava hanazo?

עד מתי אלהים יחרף צר ינאץ אויב שמך לנצח׃

11 Nahigenka hankavenentake tamaga kazana rusutenka taza nosane? Hanavenentake kazana renamaginka omaninka rusutenka zamahe frio.

למה תשיב ידך וימינך מקרב חוקך כלה׃

12 Hianagi Anumzamoka korapama evu'nea knafine meninena nagri kini ne' mani'nenka, ama mopafina tagura vazi'nane.

ואלהים מלכי מקדם פעל ישועות בקרב הארץ׃

13 Kagra hankaveka'areti hagerina eri atanankeno tare kaziga otikenka, hagerimpima nemania afizagamofo aseniramina rupraro vazi'nane.

אתה פוררת בעזך ים שברת ראשי תנינים על המים׃

14 Laviataniema hu'za nehaza afi zagama hagerimpi nemania zagamofo aseniramina rupraro vazitenka, hagage kokampima nemaniza zagagafa zaminke'za ne'naze.

אתה רצצת ראשי לויתן תתננו מאכל לעם לציים׃

15 Kagrake'za kampu'i tine, neone tinena erinkazo hankeno, timo'a krohupeno enevigenka, ontaneno evuvavama nehia tirantamina eri neranane.

אתה בקעת מעין ונחל אתה הובשת נהרות איתן׃

16 Masane, haninena anantarega kagri suza me'na'e. Kagrake'za zagene ikanena, tro hunte'nane.

לך יום אף לך לילה אתה הכינות מאור ושמש׃

17 Kagrake'za mopamofona isagana antetere nehunka, amuho knane zasi'ma hu kna trohu ante'nane.

אתה הצבת כל גבולות ארץ קיץ וחרף אתה יצרתם׃

18 Ra Anumzamoka ha' vahe'mo'zama huhavizama hunegantazana kagesa nentahinka, neginagi vahe'mo'zama kagi'ama huhaviza nehaza zana ko.

זכר זאת אויב חרף יהוה ועם נבל נאצו שמך׃

19 Hagi atregeno maho namaka'a afi zagamo'za zamahe'za oneho. Vahe'mo'zama knama nezamiza vaheka'a kagerakani zamante vava osuo.

אל תתן לחית נפש תורך חית ענייך אל תשכח לנצח׃

20 Huhagerafi huvempa kema hu'nana zana kagera okanio. Na'ankure ama mopafima hanintirima hu'nefina, vahe'ma ohefri ahefrima hu'zamo'a avite.

הבט לברית כי מלאו מחשכי ארץ נאות חמס׃

21 Vahe'mo'zama zamazeri havizama nehaza vahera zamatrege'za, zamagazegura nehu'za rukrahe hu'za oviho. Hanki atrege'za zamunte omne vahe'mo'zane, maka zanku'ma atupa'ma nehaza vahe'mo'za kagi'a ahentesga hiho.

אל ישב דך נכלם עני ואביון יהללו שמך׃

22 Anumzamoka otinka tagri kaziga antenka tahoko. Neginagi vahe'mo'za maka knafina, hago zazate huhaviza hugante'za nevaze.

קומה אלהים ריבה ריבך זכר חרפתך מני נבל כל היום׃

23 Ha' vahekamo'zama nehazankea antahi amnea osuo. Hagi ranke hu'zama huhaviza hunegantaza zamo'a anagamu mareri vava nehie.

אל תשכח קול צרריך שאון קמיך עלה תמיד׃