Sams-Zgame 63

1 Anumzamoka Kagra nagri Anumza mani'nanke'na, Kagrikura tusiza hu'na nehakroe. Nagu'amo'a tinku'ma hiaza huno, Kagrikura navenesigeno, tima omne hagage kokampina navufgamo'a Kagrikura tusiza nehie.

Un salmo de David, cuando estaba en el desierto de Judá. Dios, tú eres mi Dios y te busco de todo corazón. Mi ser entero te anhela y tiene sed de ti, en medio de esta tierra seca, árida y carente de aguas.

2 Hagi Anumzamoka mono nonka'afina negage'na hihamukane, masaka'anena ke'noe.

Te veo en el Templo. Contemplo tu poder y tu gloria.

3 Na'ankure vagaore kavesi zamo'a asimu'ma erino mani'zana agatere'neanki'na, kagi'a erisga huvava hugahue.

Tu fidelidad y amor son mejores que la vida misma. Por ello te alabaré.

4 Nasimu'ma erina mani'na vanua knafina, kagi'a ahentesga nehu'na, nazana erisga hu'nena Kagritega nunamuna hugahue.

Te agradeceré tanto como viva. Elevo mis manos hacia ti y celebro tu maravilloso carácter.

5 Knare ne'zama naminke'na nenamura nehuankina, muse zagame hu'na husga hugantegahue.

Tú me satisfaces más que el mejor de los alimentos. Te alabaré con canciones alegres.

6 Hanki tafenire'ma masenena, kagrikura nagesa nentahi'na, ana kenagera nunamuna nehu'na, nagesa antahigami'noe.

Paso la noche entera pensando en ti desde que me acuesto, meditando sobre ti.

7 Na'ankure Kagra nazahu ne' mani'nananki'na, nagra Kagri kagekonamofo turunapinka mani'nena muse zagamera hugahue.

Porque eres quien me ayuda, canto feliz bajo tus alas.

8 Anumzamoka nagu'amo'a Kagrite tragoteno me'negenka, tamaga kazanu nazeri antrako nehane.

Me aferro a ti y tus fuertes brazos me levantan.

9 Hianagi nagri'ma nahenaku'ma nehaza vahe'mo'za haviza hugahaze. Zamagra friza fri vahe'mofo kumapi amefenkame mopa agu'a uramigahaze.

Los que tratan de destruirme irán a la tumba.

10 Bainati kazinknonu zamahe vagaresigeno, afi kramo'za zamavufaga'a traga hu'za negahaze.

Morirán a punta de espada y serán alimento para los chacales.

11 Hianagi kini ne'mo'na Anumzamokagu musena hugahue. Anumzamofonte'ma zamentintima nehaza vahe'mo'za, Anumzamofona agia erisga nehanageno, havigema nehaza vahe'mo'za kea osugahaze.

Pero el rey vivirá feliz por todo lo que Dios ha hecho. Todos los que siguen a Dios le alabarán, pero los que mienten serán silenciados.