Sams-Zgame 27
1 Ra Anumzamo'a nagri tavi mani'neno, nagu'vazi ne' mani'neankina, nagra na'anku korora hugahue? Ra Anumzamo'a nagrira hankave vihuni'a mani'neanki'na, na'anku nagra nahirahikura hugahue?
大衛的詩。 耶和華是我的亮光，是我的拯救， 我還怕誰呢？ 耶和華是我性命的保障， 我還懼誰呢？
2 Hanki havi avu'ava zama nehaza vahe'mo'zama nazeri haviza hunaku erava'o nehanageno, ha' vahe'nimo'za nahenaku egahazanagi, ana vahe'mo'za traka hu'za masegahaze.
那作惡的就是我的仇敵， 前來吃我肉的時候就絆跌仆倒。
3 Rama'a sondia vahe kerafamo'za nahenaku kafo eme ante'za navazagi kagigahazanagi, nagra korora osugahue. Ha' vahenimo'za hara agafa hu'za eme hunantegahazanagi, Ra Anumzamofonku amuhara hugahue.
雖有軍兵安營攻擊我，我的心也不害怕； 雖然興起刀兵攻擊我，我必仍舊安穩。
4 Ra Anumzamofona mago zanku antahigesue, Knare nagrira natresanigena kasefa'ma hu'nama manisnua kna'afina, Agri nompina manivava nehu'na, knare avu'ava'a nege'na, musena hunente'na Agri mono nompi mani'nena kama naverima hanigura kegahue.
有一件事，我曾求耶和華，我仍要尋求： 就是一生一世住在耶和華的殿中， 瞻仰他的榮美，在他的殿裏求問。
5 Hanki hazenke zama esania knafina, Agra'a navre franekino, Agra'a seli mono nompi navre frakigahie. Ana nehuno navresga huno onagamu'a have agofetu nantesige'na knare hu'na manigahue.
因為我遭遇患難，他必暗暗地保守我； 在他亭子裏，把我藏在他帳幕的隱密處， 將我高舉在磐石上。
6 Anama hanige'na nagri'ma nazeri kagi'naza ha' vaheni'a naza hanige'na hara huzmagetenerena, ranke hu'na musenkase nehu'na, Ra Anumzamofo mono nompina ofa kresramna vugahue. Ana nehu'na zavena ahe'na zagamera Ra Anumzamofontega hugahue.
現在我得以昂首，高過四面的仇敵。 我要在他的帳幕裏歡然獻祭； 我要唱詩歌頌耶和華。
7 Ra Anumzamoka naza huogu'ma kagritegama nunamuma nehanugenka, kasunku hunantenka nunamuni'a antahinamio.
耶和華啊，我用聲音呼籲的時候，求你垂聽； 並求你憐恤我，應允我。
8 Nagu'amo'a agritega nunamu hunka agriku hako huno hige'na, nagra Ra Anumzamokarega nunamuna nehue.
你說：你們當尋求我的面。 那時我心向你說：耶和華啊， 你的面我正要尋求。
9 Ra Anumzamoka kamefira hunaminka kavugosa rukrahera nehunka, eri'za vahekamo'na krimpa aheonanto. Na'ankure kagra ko'ma nagu'vazinka e'nana Anumza mani'nananki, kamefira hunaminka onatrenka, nagu'vazinka nazahuo.
不要向我掩面。 不要發怒趕逐僕人， 你向來是幫助我的。 救我的上帝啊，不要丟掉我， 也不要離棄我。
10 Nenfa'ene nenrera'enena zanamefira hunamigaha'anagi, Ra Anumzamo'a navareno kegava hunantegahie.
我父母離棄我， 耶和華必收留我。
11 Ra Anumzamoka Kagra'a kavukvara rempi hunamio. Ha' vaheni'amo'za kafonte'za mani'nazanki, kegava hunantenka navrenka knare huno fatgo hu'nea kantera vuo.
耶和華啊，求你將你的道指教我， 因我仇敵的緣故引導我走平坦的路。
12 Nagrira natrege'na ha' vahe'nimofo zamazampina va'nenkeno zamagri'ma zamavesi'niaza hu'za nazeri havizana osiho. Na'ankure ana vahe'mo'za nagrira havige hunante'za e'za nazeri koro nehaze.
求你不要把我交給敵人，遂其所願； 因為妄作見證的和口吐凶言的，起來攻擊我。
13 Tamagerfa hu'na namentintima huana, henka'a Ra Anumzamofo knare'zana, nagrama mani'nama vanua knafina kegahue.
我若不信在活人之地得見耶和華的恩惠， 就早已喪膽了。
14 Ra Anumzamofonku avega antenka mani'nenka, oti hankavetinenka atregeno kagu'amo'a hankave enerisnigenka, Ra Anumzamo'ma kazama hanigu akohenka mani'nenka aveganto.
要等候耶和華！ 當壯膽，堅固你的心！ 我再說，要等候耶和華！
