Sams-Zgame 21
1 Ra Anumzamoka, kagrama kini ne'mofoma hankavema nemina zanku, agra tusi muse nehuno, azama hankeno ha' vahe'ama ha'ma huzmagatere'nea zankura tusiza huno kagrikura musenkasea hunegante.
大衛的詩，交與伶長。 耶和華啊，王必因你的能力歡喜； 因你的救恩，他的快樂何其大！
2 Agri'ma agu'afima avesiazana amne neminka, nazankuro kantahigea zana, i'ora osunka amne nemine.
他心裏所願的，你已經賜給他； 他嘴唇所求的，你未嘗不應允。 (細拉)
3 Kagra tamagerfa hunka kini nera asomu hunentenka, knare zantfa hu'nea golireti tro hu'naza kini fetori anuntera antani nentane.
你以美福迎接他， 把精金的冠冕戴在他頭上。
4 Kini nemo'ma kantahigeno za'zate kasefa hu'na manisanuema higenka, Kagra hu izo hunka asimura neminka, kna'a eri zaza hankeno mani vava nehie.
他向你求壽，你便賜給他， 就是日子長久，直到永遠。
5 Kagra kini nera aza hankeno, ha' vahe'a hara huzmagaterege'za agrira ragia ami'naze. Kagraka'a ra agima eri'zane hanavenena ami'nane.
他因你的救恩大有榮耀； 你又將尊榮威嚴加在他身上。
6 Tamagerfa hunka mevava asomura hunentenka, tavaonkare avrentankeno muse huno Kagrane nemanie.
你使他有洪福，直到永遠， 又使他在你面前歡喜快樂。
7 E'ina hu'negu kini ne'mo'a, Ra Anumzamofonku antahi amuhara nehuno, Marerisa Anumzamofona vagaore avesizanku nentahino, antria nosuno oti hankavetigahie.
王倚靠耶和華， 因至高者的慈愛必不搖動。
8 Ra Anumzamoka hankavenentakema hu'nea tamaga kaziga kzanteti ha' vaheka'a hara hunezmantenka, kagri'ma zamavesrama hunegantaza ha' vaheka'a zamazeri haviza hugahane.
你的手要搜出你的一切仇敵； 你的右手要搜出那些恨你的人。
9 Kagrama efore'ma hanana knazupa, kagri ha' vahera Kagri tevenefake tevemo teno eri fanane hugahie. Ra Anumzamoka tusi krimpa ahenezmantenka tevefi zamahe fanene hugahane. Ana nehanigeno Anumzamofo tevemo'a ana vahera teno eri fanane hugahie.
你發怒的時候，要使他們如在炎熱的火爐中。 耶和華要在他的震怒中吞滅他們； 那火要把他們燒盡了。
10 Ana vahepintima fore hu anante anante'ma hu'za ama mopafima mani'naza vahera, ama mopafintira zamahe vagaresnanke'za, ama mopafina omanigahaze.
你必從世上滅絕他們的子孫， 從人間滅絕他們的後裔。
11 Kagrira ana vahe'mo'za kazeri haviza hunaku kea anaki'naze. Hianagi ana kezamimo'a, amne zankna hugahie.
因為他們有意加害於你； 他們想出計謀，卻不能做成。
12 Na'ankure Kagra keveka'a atifima erintenka zamahenaku'ma eri karisnanke'za, koro atre'za fregahaze.
你必使他們轉背逃跑， 向他們的臉搭箭在弦。
13 Ra Anumzamoka kagri hankavegu kagia ahentesga nehune. Ana nehuta kagri hihamugu zagamera huta kagia ahentesga nehune.
耶和華啊，願你因自己的能力顯為至高！ 這樣，我們就唱詩，歌頌你的大能。
