Sams-Zgame 132

1 Ra Anumzamoka Devitinku'ene, agrama maka knazampima manino e'neazankura kaganera okanio.

A song of ascents. Remember, O Lord, David all his sufferings,

2 Israeli vahe'mofo Hankavenentake Anumzamoka Deviti'ma huvempagema kagrite'ma hu'neana,

the oath that he swore to the Lord, and his vow to the Strong One of Jacob,

3 amanage huno hu'ne, nagra nonirega vu'na, siparera uomasegahue huno hu'ne.

never to enter his tent, never to lie on his bed,

4 Nagra atre'nugeno navumo'a toko nosanige'na, navua kesuraki'na omase manine'na,

never to give his eyes sleep or his eyelids slumber,

5 Ra Anumzana Israeli vahe'mokizmi hankavenentake Anumzamo'ma manisania nona kite'na, mani frua hugahue hu'ne.

till he had found a place for the Lord, for the Strong One of Jacob to live in.

6 Tagra Efrata (Betlehemi) kumate'ma manineta huhagerafi huvempage vogisimofo agenkea antahiteta, vuta Ja'ari mopafi me'negeta ome ke'none.

We heard of it in Ephrathah, in the fields of Jaar we found it.

7 Anante tagra huta, enketa Anumzamo'ma nemania nontega vuta, Agrama nemania kini tra'mofo agiafi monora huntesanune huta hu'none.

We went to the place where he dwelt, we bowed ourselves low at his footstool.

8 Ra Anumzamoka otinka Kagri hankavema huhamprino me'nea huhagerafi huvempage vogisimo'ma, Kagrama mani fruma hanana nompima nevanigenka, Kagrane enka ana nompinka umarerio.

“Arise, Lord, and enter your resting-place, you and your mighty ark.

9 Kagri pristi vahe'mo'za za'za kukenama hiaza huza fatgo avu'ava zana eri nehankre'za, Kagri'ma hankavetiza kamage'ma nentaza vahe'mo'za, ranke hu'za zagamera nehu'za musenkasea hugahaze.

Let your priests wear a garment of righteousness, your faithful shout aloud for joy.

10 Kagri eri'za ne' Devitinku kagesa nentahinka, Kagraka'ama masavema frentenka huhampari'nana kini nera kamefira huomio.

For the sake of David your servant, do not reject your Anointed.”

11 Ra Anumzamo'a Devitina hankave huvempage hunte'neankino, ana huvempagea eri otregahie. Ana huvempa kema hu'neana, kagrama kasezmante'nana mofavre nagapinti mago'mofo huhampri antesnugeno kagri nona erino kinia manigahie, huno hu'ne.

The Lord swore an oath to David an oath that he will not break; “I will set on your throne a prince of your line.

12 Hagi kagri ne'mofavre naga'mo'zama, nagrama huhagerafi'noa huvempa kene, kasegenema amage'ma antesageno'a, zamagripinti'ma fore hu anante anante'ma hu'za vanaza mofavre naga'mo'za kinia mani vava hu'za vugahaze.

If your sons keep my covenant and the statutes I teach them, then their sons, too, forever, will sit on your throne.”

13 Na'ankure Ra Anumzamo'a Saion kuma hunehamprino, Nagri kuma mesie huno hu'ne.

For the choice of the Lord is Zion; she is the home of his heart.

14 Ra Anumzamo'a huno, ana kumara nagrama mani fru hanua kuma mevava hugahie. Na'ankure ana kumakura tusiza huno navenesianki'na, anampi nagra manigahue.

“This is forever my resting-place, this is the home of my heart.

15 Ana kumapi vahe'mo'zama nazankuro atupa'ma hanaza zana, amne zamazeri knare nehu'na, ana kumapima zamunte omane vahe'ma mani'naza vahera ne'zana zami'nuge'za nezamu hugahaze.

I will royally bless her provision, and give bread to her poor in abundance.

16 Hagi Jerusalemima nemaniza pristi vahera za'za kukenama hiaza huna vahe'ma zmaguvazi zana eri hankre zamantegahue. Ana nehanuge'za hankaveti'za namage'ma nentaza vahe'mo'za, ranke hu'za zagamera nehu'za musenkasea hugahaze.

Her priests I will clothe with salvation; her faithful will shout for joy.

17 Hanki Nagra Devitina hankave'a amigahue. Nagrama masavema taginte'na huhamprinte'noa ne'mo nagri vahe'mofo tavira manigahie.

There will I raise up for David a dynasty of power. I have set my anointed a lamp that shall never go out.

18 Nagra agri ha' vahera zamagaze zanu refite zmantegahue. Hianagi agra hihamu masa'ane kini ne' efore hugahie.

Robes of shame I will put on his foes, but on his head a glittering crown.”