Sams-Zgame 129

1 Nagrama mofavrema mani'noreti agafama huteno'ma e'neana, ha' vahe'nimo'za hara eme hunante'za nazeri haviza hutere hu'naze. Ama ana nanekea maka Israeli vahe'mota namage anteta hiho.

שיר המעלות רבת צררוני מנעורי יאמר נא ישראל׃

2 Nagrama mofavrema mani'noreti agafama huteno'ma e'neana, ha' vahenimo'za hara eme hunante'za nazeri haviza hutere hu'naze. Hianagi nagrira hara hunagateore'naze.

רבת צררוני מנעורי גם לא יכלו לי׃

3 Ha' vahe'mo'zama sefu'ma nami'naza zamo'a nagumpina, hozama antenaku'ma hozafu vahe'mo'za zazate'ma tinkama asazaza huno tinka evu evu hu'ne.

על גבי חרשו חרשים האריכו למענותם׃

4 Hianagi Ra Anumzamo'a fatgo hu'neankino, kefo avu'ava'ma nehaza vahe'mo'zama kinama renante'naza nofira ahekano hutrege'na fru hu'na mani'noe.

יהוה צדיק קצץ עבות רשעים׃

5 Jerusalemi kuma'ma zamago'ma tenentaza vahera, zamarotago hanage'za rukrahe hu'za nefre'za zamagazegu hanaze.

יבשו ויסגו אחור כל שנאי ציון׃

6 Ana vahe'mo'za nomofo agofetu'ma nehagea trazamo'ma mareri za'za osu'neno hagege hiaza hu'za, zamagra zazatera omanine'za hagege hugahaze.

יהיו כחציר גגות שקדמת שלף יבש׃

7 Ana trazana witima vasage vahe'mo'a azampina eri aviotege, kona anakigera osugosie.

שלא מלא כפו קוצר וחצנו מעמר׃

8 Hagi zamagri tvaonte'ma vahe'ma enevu'za amanahu asomu nanekea huozmantegahaze. Ra Anumzamo'a asomu huramante'nie. Tagranena Ra Anumzamofo agifi asomu ke huramantone hu'za osugahaze.

ולא אמרו העברים ברכת יהוה אליכם ברכנו אתכם בשם יהוה׃