Sams-Zgame 105

1 Ra Anumzamofona agi'a aheta susu hunenteta, ranra eri'zama eri'nea zankura maka ama mopafima mani'naza vahera huama huta zamasamisune.

Célébrez Yahweh, invoquez son nom, faites connaître parmi les nations ses grandes œuvres.

2 Anumzamofontega muse zagame huta susu huntesnune. Ana nehuta knare huno hentofa eri'zama eri'nea zankura vahera zamasamisune.

Chantez-le, célébrez-le! Proclamez toutes ses merveilles.

3 Anumzamofo agimo'ma ruotage'ma hu'nea zankura husga huntesune. Hagi Ra Anumzamofoma mono'ma hunentaza vahe'mota muse hiho.

Glorifiez-vous de son saint nom; joyeux soit le cœur de ceux qui cherchent Yahweh!

4 Ra Anumzamofonku'ene agri hankave'agu'enena nehaketa, avugosafima kesunkura hake vava hanune.

Cherchez Yahweh et sa force, ne cessez pas de chercher sa face.

5 Agrama ruzahu ruzahu eri'zama eri'nea zanku'ene kaguvaza eri fore nehuno, keaga refko hugahue huno'ma hu'nea zankura taganera okanisune.

Souvenez-vous des merveilles qu'il a opérées, de ses prodiges et des jugements sortis de sa bouche,

6 Hagi Agri eri'za vahe Abrahamu mofavre naga'mota, agrama huhampri ramantegeta Jekopumpinti'ma fore'ma hu'naza vahe mani'naze.

race d'Abraham, son serviteur, enfants de Jacob, ses élus.

7 Ra Anumzamo'a agrake tagri Anumzana mani'ne. Ana hu'neankino, maka ama mopafi vahera refko hunezmante.

Lui, Yahweh, est notre Dieu; ses jugements atteignent toute la terre.

8 Anumzamo'ma huhagerafi huvempagema hu'nea kegura maka zupa ageraokani antahi vava hugahie. Ana hu'neankino tauseni'a zupama fore hu anante anante'ma hu'za vanaza vahete'enena ana huvempa kemo'a mevava huno vugahie.

Il se souvient éternellement de son alliance, de la parole qu'il a affirmée pour mille générations,

9 Hagi ana huhagerafi huvempagea Abrahamu'ene hu'neankino, ana huvempagea Aisakinte eri hankaveti'ne.

de l'alliance qu'il a contractée avec Abraham, et du serment qu'il a fait à Isaac.

10 Anumzamo'a henka ana huvempama hu'neanke'a Jekopunte eriama nehuno, Israeli vahetera ana huvempa kemo'a mevava hugahie huno zamasami'ne.

Il l'a érigé pour Jacob en loi, pour Israël en alliance éternelle,

11 Tamagrama eriterema hanare Kenani mopa tamisanugeta erisanti haresnageno, ana mopamo'a tamagri mopa mevava hugahie huno Anumzamo'a hu'ne.

disant: " Je te donnerai le pays de Chanaan comme la part de ton héritage. "

12 Ama ana nanekema Anumzamo'ma hu'neana, Kenani vahe amu'nompina Israeli vahera kraga vahekna hu'za osi'a naga mani'nazageno anankea hu'ne.

Comme ils étaient alors en petit nombre, peu nombreux et étrangers dans le pays,

13 Israeli vahe'mo'za vahe mopafine, ru kinimo'zama kegavama hu'naza mopafi mani'za vano vano hu'naze.

qu'ils allaient d'une nation à l'autre, et d'un royaume vers un autre peuple,

14 Hianagi Anumzamo'a zamatregeno mago'a vahe'mo'za zamazeri havizana osu'naze. Israeli vahetega Anumzamo'a anteno zamazeri haviza hunaku'ma nehaza kini vahera ha' kea huzamine.

il ne permit à personne de les opprimer, et il châtia les rois à cause d'eux:

15 Anumzamo'a huno nagrama huhampri'noa vahera zamavakora osiho huno nehuno, nagri kasnampa vahera zamazeri havizana osiho huno hu'ne.

" Ne touchez pas à mes oints, et ne faites pas de mal à mes prophètes! "

16 Anage nehuno Kenani mopafina Anumzamo'a agatontoza atregeno ne-egeno, maka ne'zana eri fanane huvagare'ne.

Il appela la famine sur le pays, il les priva du pain qui les soutenait.

17 Ana'ma nehuno'a mago ne' huntegeno ugoteno Isipi mopafima vu'neana Josefekino, kazo kazo eri'za erisanie hu'za zagoreti mizase'za avre'za vu'naze.

Il envoya devant eux un homme: Joseph fut vendu comme esclave.

18 Ana hute'za seni nofiteti agafina anakizageno atagura nehige'za, ainireti rini tro hute'za anankempina rusi hu'naze.

On serra ses pieds dans des liens, on le jeta dans les fers,

19 Ana huno manino nevigeno ava'nama ke'nea zamo'ma efore'ma hania knamo'a ehanati'ne. Ana higeno Ra Anumzamo'a Josefena reheno ke'ne.

jusqu'au jour où s'accomplit sa prédiction, et où la parole de Dieu le justifia.

20 Hagi kini ne' Fero'a hige'za kinafintira Josefena katufente'naze. Vahete'ma kegavama hu'nea kini ne'mo hige'za kinafintira katu fentageno vu'ne.

Le roi envoya ôter ses liens, le souverain des peuples le mit en liberté.

21 Ana hutazageno kini ne'mo'a Josefena huhampri antegeno rankva manino, maka noma'afima me'nea zantera kegava nehuno, maka fenoma ante'nea zante'enena kegava hu'ne.

Il l'établit seigneur sur sa maison, et gouverneur de tous ses domaines,

22 Ana hu'neankino agra amne kini ne'mofo eri'za vahera kina nompina zamavarenenteno, kini ne'mofoma antahintahima nemiza vahera rempi huzamigahie.

afin de lier les princes, selon son gré, et pour enseigner la sagesse à ses anciens.

23 Hagi henka Israeli naga'mo'za Isipi mopafina efre'naze. Ana hutazageno Jekopu'a Hamu vahe mopafi kraga vahe seno emani'ne.

Alors Israël vint en Egypte, et Jacob séjourna dans le pays de Cham.

24 Anante Ra Anumzamo'a Agra'a Israeli vahera zamaza hige'za, rama'a mofavre kasezamante'naze. Ana hume nevu'za rama'a vahe ome forehu hakare hu'za ha' vahe'zamimofo hankavea zamagatere'naze.

Dieu accrut grandement son peuple, et le rendit plus puissant que ses oppresseurs.

25 Anante Anumzamo'a Isipi vahe antahi'zana eri rukrahe hige'za, Agri'a nagara Israeli vahera ha' rezamante'naze. Ana nehu'za Ra Anumzamofo Agri'a eri'zama eneriza Israeli vahe'ma zamazeri haviza hanaza kanku hake'naze

Il changea leur cœur, au point qu'ils haïrent son peuple, et usèrent de perfidie envers ses serviteurs.

26 Hianagi Ra Anumzamo'a eri'za vahe'a Mosesene, Aronine huhampari zanantegeke vu'na'e.

Il envoya Moïse, son serviteur, et Aaron qu'il avait choisi.

27 Ana higeke Hamu nagama Isipi mopafima nemaniza vahetera vuke, Ra Anumzamo'ma hu'nea kaguvazane, avamezanena ome eri fore hu'na'e.

Ils accomplirent ses prodiges parmi eux, ils firent des miracles dans le pays de Cham.

28 Ra Anumzamo'a higeno Isipi mopafina hanizamo eme refite'ne. Na'ankure Anumzamofo nanekea ontahi'za Israeli vahera zamatrazage'za ovu'naza zante anara hu'ne.

Il envoya des ténèbres et il fit la nuit, et ils ne furent pas rebelles à sa parole.

29 Anumzamo'a maka tintamina eri rukrahe higeno, kora segeno ana timpima mani'naza nozameramimo'za fri vagare'naze.

Il changea leurs eaux en sang, et fit périr leurs poissons.

30 Anantera hoga'mo'za Isipi mopafina avitete'za, kini ne'mo'ma nemasefinena mani vite'naze.

Leur pays fourmilla de grenouilles, jusque dans les chambres de leurs rois.

31 Ra Anumzamo'a kosine umpe umpe'ene huzmantege'za eri erintagu hu'za maka Isipi mopafina emani avite'naze.

Il dit, et vint une nuée d'insectes, des moucherons sur tout leur territoire.

32 Ko'mopa ko huntegeno ko'ma riaza huno eneramigeno, kopsi'na atregeno ru trage huteno tevenefa huno maka Isipi mopafina vuno eno huvagare'ne.

Il leur donna pour pluie de la grêle, des flammes de feu dans leur pays.

33 Isipi vahe'mokizmi waini hozane, fiki zafaraminena eri haviza nehuno, Isipi mopafima me'nea zafaramina rukrara karurupetre'ne.

Il frappa leurs vignes et leurs figuiers, et brisa les arbres de leur contrée.

34 Ana nehuno tusinasi kenutami huzmantege'za rama'a hu'za ohampriga'a e'naze.

Il dit, et arriva la sauterelle, des sauterelles sans nombre;

35 Ana kenu'mo'za trazantamina vatri'za neza maka eri hana nehu'za, hozafi me'nea ne'zantamina ne'za maka eri vagare'naze.

elle dévorèrent toute l'herbe de leur pays, elles dévorèrent les produits de leurs champs.

36 Ana nehuno Anumzamo'a Isipi mopafina ese'ma kasezmante'nea agonesa anentatamina miko zamahe vaganereno, maka vahe'mo'za zage mofavregu'ma musema nehu'za hankavetie hu'zama nehaza ne' mofavre nagara zamahe vagare'ne.

Il frappa tous les premiers-nés de leurs pays, les prémices de toute leur vigueur.

37 Ra Anumzamo'ma vahe'a Israeli naga'ma zamavarege'za Isipiti'ma etirami'za e'naku'ma nehu'za, rama'a silvane golinena eri'ne'za e'naze. Magomo'e huno Israeli naga nofipintira tanafara osu'ne.

Il fit sortir son peuple avec de l'argent et de l'or, et nul dans ses tribus ne chancela.

38 Israeli vahe'mo'zama Isipi mopama atre'za azage'za, Isipi vahe'mo'za tusi muse hu'naze. Na'ankure ko'ma Israeli vahe koro'ma hu'naza zanku anara hu'naze.

Les Egyptiens se réjouirent de leur départ, car la crainte d'Israël les avait saisis.

39 Anumzamo'a mago hampo antegeno Israeli vahera anteso hunezmantegeno, hanimpina tevenefanu remsahu zamante'ne.

Il étendit la nuée pour les couvrir, et le feu pour les éclairer la nuit.

40 Israeli vahe'mo'zama ne'zanku'ma antahigazageno'a, hifa namazaga atregeno ege'za ahe'za nenazageno, monafinti mana ne'zana atregeno ege'za eri'za nazageno zamura hu'ne.

A leur demande, il fit venir des cailles, et il les rassasia du pain du ciel.

41 Agra havea rutanegeno timo'a rumpasasa huno krohupeno eno, hagege kokampina ranti evu'ne.

Il ouvrit le rocher, et des eaux jaillirent; elles coulèrent comme un fleuve dans le désert.

42 E'inama hu'neana Anumzamo'a eri'za vahe'a Abrahamuma ruotge huvempa kema hunte'nea kegu agesa nentahino anara hu'ne

Car il se souvint de sa parole sainte, d'Abraham, son serviteur.

43 Hagi Anumzamo'ma nagri nagare'ma huno huhampari zamante'nea Israeli vahe'ma, Isipiti'ma zamavareno ne-ege'za, ranke hu'za kezati'za musenkasea nehu'za e'naze.

Il fit sortir son peuple dans l'allégresse, ses élus au milieu des cris de joie.

44 Ana nehuno ru vahe'mokizmi mopa eri zami'ne. Ana hige'za ru vahe'mo'za maraguzati'za hankre'naza ne'za Israeli vahe'mo'za eri nafa'a hune'za vasage'za ne'naze.

Il leur donna les terres des nations, et ils possédèrent le fruit du travail des peuples,

45 Ama ana maka zama fore'ma hu'neana, Israeli vahe'mo'za nege'za, Anumzamofo kasegene tra kenena amage antesagu huno anara hu'ne. Ra Anumzamofona agi'a ahentesga hanune.

à la condition de garder ses préceptes, et d'observer ses lois. Alleluia!