Mani'zanti Mofo Nanekee 7
1 Mofavre'nimoke, Keni'a nentahinka, kasegeni'a eri kagu'afi antegeno raza segantena kva huo.
| בני שמר אמרי ומצותי תצפן אתך |
2 Kasegeni'ama amage antesanana kagra kasefa hunka nemaninka, rempima hugamisua zana kavurgama kegava nehanankna hunka kegava huo.
| שמר מצותי וחיה ותורתי כאישון עיניך |
3 Kazeri kagesa hanigu rini kazampi antaniankna hunka kantu kagu'afi tumoka'are krento.
| קשרם על-אצבעתיך כתבם על-לוח לבך |
4 Knare antahintahigura nensaro'e nehunka, antahi amahu antahintahigura nenafu'e hunka huo.
| אמר לחכמה אחתי את ומדע לבינה תקרא |
5 Ve'ama mani'nesia a'mo'ma kazeri savri'ma hu'zama nehinkeno'a, ana kemo'a kaza nehina rugazigati a'mo'ma kazeri savri hunaku'ma masavenkema nehanigeno'a, anankemo'a kagu'vazigahie.
| לשמרך מאשה זרה מנכריה אמריה החליקה |
6 Mago zupa mani'ne'na noniamofona zaho eri kampinti negogeno,
| כי בחלון ביתי-- בעד אשנבי נשקפתי |
7 mago'a nehazave enevazafina kogeno amuno zamifina, mago nehaza ne'kanora, knare antahi'zama'a omane'nea ne' ke'noe.
| וארא בפתאים אבינה בבנים-- נער חסר-לב |
8 Agra monko'amofo nontava'onte vu'nea nonkaranka nevuno, ana a'mofo nonte vu'nea kampi ufreno vu'ne.
| עבר בשוק אצל פנה ודרך ביתה יצעד |
9 Hanima huku'ma nehigeno hanimo'ma rentrako huzahifi anara hu'ne.
| בנשף-בערב יום באישון לילה ואפלה |
10 Ana a'mo'ma kukenama hu'neana monko a'nemo'za nehazankna kukena hu'neno, ana ne'ma masavenkema asamino azeri savri'ma hanigura e'ne.
| והנה אשה לקראתו שית זונה ונצרת לב |
11 Ana a'mo'a kehagra hagra nehuno, nontera manirava oheno kankekanke nehige'za, rama vahe'mo'za ke'za antahi'za hu'naza are.
| המיה היא וסררת בביתה לא-ישכנו רגליה |
12 Ana a'mo'a hakarea zupa kampine, maketi kumapine, maka kaziga mani'neno vene'nema evazageno'a rezamaheno zamavazuma hanigu negea akino,
| פעם בחוץ--פעם ברחבות ואצל כל-פנה תארב |
13 ana nehaza nera azeri anukiazamo antako hunenteno, avufga azeri oti'are avunutira negeno anage hu'ne,
| והחזיקה בו ונשקה לו העזה פניה ותאמר לו |
14 Nagra menina narimpa fruma eri kresramana vugeno, huvempama hunte'noa kemo'a raga re'ne.
| זבחי שלמים עלי היום שלמתי נדרי |
15 Hu'negu kagriku hakare'na kagenaku oregati hago eme kage'na eri forehue.
| על-כן יצאתי לקראתך לשחר פניך ואמצאך |
16 Isipi vahe'mokizmi pse'ane tavravereti mase tafera hunte'noe.
| מרבדים רבדתי ערשי חטבות אטון מצרים |
17 Hago knare manama vuzantamina miama, aloima, sinamoninu mase tafepina rutri hu'na ahemna vunte'noe.
| נפתי משכבי-- מר אהלים וקנמון |
18 Hagi egeta umaseneta, zokagora nereta musena nehanukeno ko'aturanteno.
| לכה נרוה דדים עד-הבקר נתעלסה באהבים |
19 Nenave'a nontera omani'neanki, hago afete ka vu'ne.
| כי אין האיש בביתו הלך בדרך מרחוק |
20 Zgomo'a ku'afina avite'negeno vu'neankino kora omegosianki ama ikamofona amu'nontega esia kante vu'ne.
| צרור-הכסף לקח בידו ליום הכסא יבא ביתו |
21 Ana a'mo'a masavenkema asamino avresia nanekea, rama'a naneke asami'ne.
| הטתו ברב לקחה בחלק שפתיה תדיחנו |
22 Ana ne'mo'a ame huno ve bulimakao afu aheku avazu hu'za nevazankna huno ana a'mofona avaririno vu'ne.
| הולך אחריה פתאם כשור אל-טבח יבא וכעכס אל-מוסר אויל |
23 Kevemo'ma tumo'ruragino ahesnia zankura agesa ana ne'mo'a nontahino, agra namamo hareno krifu anagintepi ufreankna nehuno, ahe frisia zankura nontahie.
| עד יפלח חץ כבדו-- כמהר צפור אל-פח ולא-ידע כי-בנפשו הוא |
24 Hanki mofavre'nimote, tamagesa anteso'e hutma nanekeni'a antahiho,
| ועתה בנים שמעו-לי והקשיבו לאמרי-פי |
25 Atrenkeno tamagu'amo'a ana a'mofo kerera amagera ontege, kavareno agri kantera ovino.
| אל-ישט אל-דרכיה לבך אל-תתע בנתיבותיה |
26 Na'ankure ana a'mo'a rama'a vene'ne zamazeri haviza nehuno, zamahe fri'ne.
| כי-רבים חללים הפילה ועצמים כל-הרגיה |
