Mani'zanti Mofo Nanekee 4

1 Mofavre naga'nimota, negafanama rempi hugamisua kavumro kema kagesa antahi ankeresunka, antahi ama' hu antahintahia erigahane.

שמעו בנים מוסר אב והקשיבו לדעת בינה

2 Nagra knare antahiza negamuanki, rempi hugamisua kea kamefira huonto.

כי לקח טוב נתתי לכם תורתי אל-תעזבו

3 Nagrama nenfa nompima onensa mofavrema mani'norera, anta'nimofo magoke mofavre'a mani'nogeno kegava hunante'negeno,

כי-בן הייתי לאבי רך ויחיד לפני אמי

4 amanage huno nenfa'a rempi hunami'ne, Mika kema kasamisua kea kagu tumote erintenka azeri hampo'na nehunka, kasegeni'a amage'ma antesunka, knare hunka manigahane.

וירני--ויאמר לי יתמך-דברי לבך שמר מצותי וחיה

5 Knare antahintahia erio, antahi amahu antahi'zana erio, kasamisua nanekea kagera okaninka, kamagena huontetfa'za huo.

קנה חכמה קנה בינה אל-תשכח ואל-תט מאמרי-פי

6 Knare antahintahimofoma kamagenama huontesankeno'a, kagu nevazina avesima antesankeno'a, kegava hugantegahie.

אל-תעזבה ותשמרך אהבה ותצרך

7 Knare antahintahi'zana raza me'neanki erio. Hagi maka'zana erigahananagi agatere'nea zana knare antahi'za erio.

ראשית חכמה קנה חכמה ובכל-קנינך קנה בינה

8 Knare antahintahi zana azerisga nehugeno, kagrira kazeri sga hino, agri'ma azeri akonama hanankeno'a, kagrira ran kagi kamigahie.

סלסלה ותרוממך תכבדך כי תחבקנה

9 Ana antahi'zamo'a, rimpa fru'zanu konariria kasenire huneganteno, kinimofo asinentike fetori kasenire resi hugantegahie.

תתן לראשך לוית-חן עטרת תפארת תמגנך

10 Mofavrenimoke, nagrama huankema antahitenka, ana kema avaririnka amage'ma antesunka, rama'a kafuzage maninka vugahane.

שמע בני וקח אמרי וירבו לך שנות חיים

11 Knare antahizampi vuogu nagra kazeri fatgo nehu'na, knare fatgo kante kavare'na nevue.

בדרך חכמה הריתיך הדרכתיך במעגלי-ישר

12 Ana kantema kagama renakerenka vananana mago zamo'a asevazi ogantena, traginaku'ma hananana tanafara osugahane.

בלכתך לא-יצר צעדך ואם-תרוץ לא תכשל

13 Kagrama hananegu'ma amama kasamua kea otrenka azeri hanavenetinka atregeno ovino. Na'ankure e'i ana kema huogu'ma rempima hunegamua kemo'a mani'zanka'agna hugahie.

החזק במוסר אל-תרף נצרה כי-היא חייך

14 Havi kefo avu'ava hania vahe'mofo kantera ovunka, haviza huno kefoza hu'ne'nia vahe'mo hania zana ovaririo.

בארח רשעים אל-תבא ואל-תאשר בדרך רעים

15 Ana kantera ovunka, atrenka rukagesenka vugahuema hantega vuo.

פרעהו אל-תעבר-בו שטה מעליו ועבר

16 Na'ankure zamagra kefo avu'ava zama osu'nesu'za zamavura ovase'za mani'ne'za kefozana hute'za zamavura masegahaze. Vahera zamazeri haviza hutesuzage, zamavura vasegahaze.

כי לא ישנו אם-לא ירעו ונגזלה שנתם אם-לא יכשולו (יכשילו)

17 Kefo avu'ava'ma hu'zana, breti neankna nehu'za, hazenkema hu'zana waini ti ne'za negi neankna nehaze.

כי לחמו לחם רשע ויין חמסים ישתו

18 Hianagi fatgo vahe'mofo mani'zamo'a, zagemo zahufa nehanatino remsa hume ne-eno, eme remsa huno feru aseankna nehie.

וארח צדיקים כאור נגה הולך ואור עד-נכון היום

19 Hianagi havi avu'ava ene vahe'mofo mani'zamo'a, hani hiankna hu'neanki'za, ana vahe'mo'za na'amo zamazeri tanafa nehie nonkaze.

דרך רשעים כאפלה לא ידעו במה יכשלו

20 Nagrama huankere mofavrenimoka kagesa antenenka, mika keni'a antahi ankero.

בני לדברי הקשיבה לאמרי הט-אזנך

21 Hagi ana nanekea kavure antenenka negenka, ana mika kea kagu'afi erintenka kegava huo.

אל-יליזו מעיניך שמרם בתוך לבבך

22 Na'ankure iza'o ana kema erino agu'afima antemofona, mani'zama'amo'a knare hanigeno, mika avufgamo'a knare hugahie.

כי-חיים הם למצאיהם ולכל-בשרו מרפא

23 Ana mika'zana hugahananagi agatere'nea zama hananana, antahi zanka'a kegavahu so'e huo. Na'ankure e'i tamage asimu erisana tinkampui me'ne.

מכל-משמר נצר לבך כי-ממנו תוצאות חיים

24 Havigema hu'zana netrenka, krunagema kagipinti'ma atiramizankura atregeno afete meno.

הסר ממך עקשות פה ולזות שפתים הרחק ממך

25 Kavua kegantigama osunka, ke fatgo hunka kavugage kavua kenka vuo.

עיניך לנכח יביטו ועפעפיך יישרו נגדך

26 Kagama rentenkama vanana kana kva hu'nenka, kavua kenka nevugeno, mika zamo'a kagritera agafa huno eme hanavetigahie.

פלס מעגל רגלך וכל-דרכיך יכנו

27 Kagia antifi omerege amafi emerege osunka, kagamo'ma kefo avu'avapima kavareno vuzankura kva huo.

אל-תט-ימין ושמאול הסר רגלך מרע