Mani'zanti Mofo Nanekee 24
1 Havi vahe'mo'ma hania avu'ava zankura kegasane huge, ana vahe'enema tragotenka mani'zankura, kagesa ontahitfa huo.
你不要嫉妒惡人， 也不要起意與他們相處；
2 Na'ankure antahiza zamifina vahe'ma hazenke'zami antahi'zamo avitegeno, zamagipinti'ma atineramia ke'mo'a, hazenke erinte kege nehaze.
因為，他們的心圖謀強暴， 他們的口談論奸惡。
3 Knare antahi'zanteti nona neginka, ama' antahi'zanteti eri hanavetigahane.
房屋因智慧建造， 又因聰明立穩；
4 Antahi'zama eri'nenanteti, knare fenozane zago'amo'ma mareri zantamina nonka'afina erinte avitegahane.
其中因知識充滿各樣美好寶貴的財物。
5 Ama' antahi'zane vahe'mo'za rama'a hanave eri'zageno, antahi'zama eri vahe'mo'za mago'ane hanavea e'nerize.
智慧人大有能力； 有知識的人力上加力。
6 Ha'ma hu'zante'ma ama' antahi'zama hunka e'orinesunka, hatera ovuo. Na'ankure rama'a vahe'mo'zama hate'ma vanana kavumro'ma kantesagenka, hara azeri agateregahane.
你去打仗，要憑智謀； 謀士眾多，人便得勝。
7 Knare antahi'zamo'a mesga hu'neanki'za, neginagi vahe'mo'za erigara osu'nazanki'za, rankumamofo kafante'ma kva vahe'mo'zama atruma hu'zama kema hanafina, mago kea osugahie.
智慧極高，非愚昧人所能及， 所以在城門內不敢開口。
8 Kefo avu'ava'zama hu antahi'zama retro'ma nehaza vahe'mokizmigura, hazenke vahere hu'za nehaze.
設計作惡的， 必稱為奸人。
9 Neginagi avu'ava'ma hu'zama retro'ma hanazana, kumi nehaze. Vahe'ma huhavizama hunezmantea vahe'mofona, vahe'mo'za zamavesra hu'za zamagote'nentaze.
愚妄人的思念乃是罪惡； 褻慢者為人所憎惡。
10 Knazampima unefrenka hanavema otisankeno'a, hanaveka'a omanegosie.
你在患難之日若膽怯， 你的力量就微小。
11 Havigema hu'za zamahe frinaku'ma hanaza vahera, zamaza huta zamavareho. Hagi zamahe frinaku hanaza vahera, zamaza huta zamavareho.
人被拉到死地，你要解救； 人將被殺，你須攔阻。
12 Antahi'nesunka ontahi'noe hunka havigea osuo. Na'ankure Anumzamo'a kagu'a kageno antahino nehuno, kagu'a kegava hunegantea ne'mo'a, kagu'a kageno antahino osugahie hunka osuo. Miko vahe'mokizmia zamagrama hu'nesaza zamavu'zmavate anteno mizana zamamigahie.
你若說：這事我未曾知道， 那衡量人心的豈不明白嗎？ 保守你命的豈不知道嗎？ 他豈不按各人所行的報應各人嗎？
13 Mofavre'nimoka tume rima'a no, na'ankure knare hu'neankino, kagitera haga hugahie.
我兒，你要吃蜜，因為是好的； 吃蜂房下滴的蜜便覺甘甜。
14 E'i anahukna huno, ama' antahi'zamo'a kagu'afina haga hugahie. Hagi hakenkama erifore'ma hanankeno'a, henkama erigahue hunka amuha'ma nehana zamo'a, amnezanknara osugahie.
你心得了智慧，也必覺得如此。 你若找着，至終必有善報； 你的指望也不致斷絕。
15 Kefo vahe'moka fatgo vahe'mo'zama nemaniza nontera, zamazeri haviza hunakura kva hunka omanio. Hagi fatgo vahe'mo'za nemaniza kumara eri havizana osuo.
你這惡人，不要埋伏攻擊義人的家； 不要毀壞他安居之所。
16 Na'ankure fatgo vahe'mo'za, 7ni'a zupa evuramiga hazanagi, ete otigahaze. Hianagi kefo avu'ava'ma nehaza vahetema mago hazenkema esuno'a, eme zamazeri haviza hugahie.
因為，義人雖七次跌倒，仍必興起； 惡人卻被禍患傾倒。
17 Ha'ma renegantesaza vahe'ma evuramisagenka, musena osuo. Hagi tanafa'ma hanaza zankura, musena osuo.
你仇敵跌倒，你不要歡喜； 他傾倒，你心不要快樂；
18 Na'ankure Ra Anumzamo'a ana'ma hanankeno'a, negageno musena hunoganteno arimpahe zama'a anamofontetira eritregahie.
恐怕耶和華看見就不喜悅， 將怒氣從仇敵身上轉過來。
19 Kefo vahe'mofo avu'avakura korera hunka antahintahi hakarea nosunka, ana havi zamavu zamavakura kegasanea osuo.
不要為作惡的心懷不平， 也不要嫉妒惡人；
20 Na'ankure kefo zamavu'zava'ene vahe'mokizmia, henkama knare huzama mani'saza mani'zana omanesige'za, lamu tavi'mo asu hiankna hugahaze.
因為，惡人終不得善報； 惡人的燈也必熄滅。
21 Mofavre'nimoka, Ra Anumzamofone kinimofonena koro huneznantenka zanagorga nemaninka, ha'ma reznantesaza vahe'enena magopina tragoteta omaniho.
我兒，你要敬畏耶和華與君王， 不要與反覆無常的人結交，
22 Na'ankure e'inahu vahetera, tusi'a hazenke zamo ame huno egahie. Ra Anumzamo'ene Kini ne'mo enema zamisaza knazana, mago'mo'e huno ontahitfa hugahie.
因為他們的災難必忽然而起。 耶和華與君王所施行的毀滅， 誰能知道呢？
23 Ama' antahi'zama eri'naza vahe'mo'za amanahu ke hugahaze. Nanekema trate refkoma hanuza magomofonkukera osugahaze.
以下也是智慧人的箴言： 審判時看人情面是不好的。
24 Iza'o kefozama hu'nesia neku'ma, kefozana osune huno'ma hanige'za, rama'a vahe'mo'za anagema hania nekura, huhaviza hunentesageno, kokankoka vahe'mo'za antahi haviza huntegahaze.
對惡人說「你是義人」的， 這人萬民必咒詛，列邦必憎惡。
25 Hu'neanagi iza'zo kefoza hu'nesia neku'ma, kefoza hu'ne hu'zama huama'ma hanamo'za, rama'a asomu eri'za rama'aza antegahaze.
責備惡人的，必得喜悅； 美好的福也必臨到他。
26 Tamagema huno ke nonama hu'zamo'a, e'i knare kvate knampaka'amo kanukino kantako huganteankna hugahie.
應對正直的，猶如與人親嘴。
27 Kotazana hozama antesanaza retro hunka hoza antetenka, henka nonka'a kigahane.
你要在外頭預備工料， 在田間辦理整齊， 然後建造房屋。
28 Tava'onka'are'ma nemanisimofoma trate'ma kegagama hunentezama, kenana zanku nehazafi huama huo hanagenka, havigea hunka hazenkema osu'nesia zankura, hazenke hu'ne huonto.
不可無故作見證陷害鄰舍， 也不可用嘴欺騙人。
29 Hagi zamagrama hunantesaza zana nona hu'na huzamantegahue hunka osuge, mago'mo'ma havizama hugantesiana, nona hu'na havizana huntegahue hunka osuo.
不可說：人怎樣待我，我也怎樣待他； 我必照他所行的報復他。
30 Nagra feru ne'mofo hozafine antahintahi'a omane ne'mofo waini hozafi agatere'na nevu'na koana,
我經過懶惰人的田地、 無知人的葡萄園，
31 ave've trazamo'ene hozafi inozamo hageno ana hoza refitegeno, have keginama hugagi'nea zamo'a fraguvazirami'ne.
荊棘長滿了地皮， 刺草遮蓋了田面， 石牆也坍塌了。
32 Ana zama nege'na nagesama nentahugeno'a, mago'aza rempi hunami'ne.
我看見就留心思想； 我看着就領了訓誨。
33 Osi'agna nagra navura masehimarege, osi'agna masege, osi'agna nazana anamagi'na manisga huge'ma hanugeno'a,
再睡片時，打盹片時， 抱着手躺臥片時，
34 musufa vahe'mo'za mika fenozmi kumzafa sage'za, mika zazmimo'a ame huno vagaresige'za, zamunte omane vahe maniankna hugahaze.
你的貧窮就必如強盜速來， 你的缺乏彷彿拿兵器的人來到。
